သူရဲကောင်းဆိုတာ… အခန်း (၄) ၊ ဒုတိယပိုင်း
(၁၉၄၈) ခုနှစ် နွေရာသီကာလ၊ ဖရဲင့်ခ်ဖတ်မြို့မှာတော့ လွန်ခဲ့တဲ့သုံးနှစ်က ဗိုလ်ချုပ်ကြီးပက်တန်(Gen. George Patton) ကွပ်ကဲတဲ့ အမေရိကန်အမှတ်(၃)တပ်တော် (U.S. Third Army)
ရဲ့အောင်ပွဲကိုပြသနေတဲ့ အနာရွတ်တွေရှိနေတုန်းပါပဲ။ မြို့ပြင်ဆင်ခြေဖုံးအရပ်တွေက အိမ်ယာမဲ့
စခန်း မှာလဲ ဆိုဗီယက်တပ်တွေလက်အောက်ရောက်နေတဲ့ အရှေ့ဂျာမနီ ကနေထွက်ပြေးလာခဲ့ကြ
တဲ့ ဂျာမန်တွေ၊ ဟန်ဂေရီတွေနဲ့ပိုလန်လူမျိုးတွေပါ။ မြို့လယ်ခေါင်မှာတော့ ဗုံးဒဏ်မိထားတဲ့အဆောက်
အဦးတွေနဲ့ ကျည်ပေါက်တွေပြည့်နေတဲ့ နံရံတွေအပြည့်ပါပဲ။ ဂျာမန်တွေအတွက် အစားအသောက်
အရမ်းရှားပါးနေတဲ့အချိန်ပါ။
အိမ်ယာမဲ့စခန်းတွေမှာလည်း ယောက်ျားတွေရော၊ မိန်းမတွေပါ နေ့စဉ်ရိက္ခာတွေဖြစ်တဲ့ အာလူး၊
ဟင်းသီးဟင်းရွက်တွေ၊ ကြက်ဥတွေနဲ့ နို့မှူန့်တွေရဖို့တန်းစီနေကြရတယ်။ စစ်ရဲတပ်ဖွဲ့က
နှိမ်နင်းနေပေမယ့် မှောင်ခိုဈေးကွက်က တော်တော့်ကိုကြီးထွားနေပါတယ်။
အဖေ့ရဲ့တာဝန်အသစ်ကတော့ ဂျာမနီနိုင်ငံဆိုင်ရာ အမေရိကန်စစ်ရဲတပ်ရဲ့ ဒု-တပ်မှူး (Deputy
Provost Marshal) ပါ။ အဓိပ္ပာယ်ကတော့ ဂျာမနီနိုင်ငံတွင်းမှာရှိတဲ့ အမေရိကန်ထိန်းချုပ်
နယ်မြေအတွင်းမှာ အဖေက အဆင့် (၂) ရှိတဲ့ရဲအရာရှိပေါ့။ အဖေက နံပါတ် (၂) နေရာမှာအလုပ်လုပ်
ရတာကိုမနှစ်သက်လှပါဘူး။
အထူးသဖြင့် အခုလို သူမနှစ်မြို့တဲ့၊ သူနဲ့အပတ်စဉ်တူ ဝက်စ်ပွိုင့်ကျောင်းဆင်းတယောက်
ရဲ့လက်အောက်မှာလုပ်ရတာကိုပေါ့။ ဒါပေမယ့်လည်း အဖေကသူ့ရဲ့ထုံးစံအတိုင်း တာဝန်ဝတ္တရား
သစ်တွေကို အဖွဲ့အစည်းစိတ်ဓါတ်၊ လုံ့လဝီရိယအပြည့်နဲ့လုပ်ဆောင်ပါတယ်။ အဖေ့ရဲ့ပထမဆုံး
တာဝန်ကတော့ ဂျာမနီနိုင်ငံတဝှမ်းမှာ ဖောက်လုပ်ထားတဲ့ မြန်နှူန်းမြင့်လမ်းမကြီး (Autobahns)
တွေမှာ ကင်းလှည့် (Highway Patrol) စစ်ဆေးရတဲ့တာဝန်ပါ။ အရင် နယူးဂျာစီပြည်နယ်
ဟိုင်းဝေးလမ်းမတွေမှာ လုပ်ဆောင်ခဲ့ရတဲ့တာဝန်မျိုးပေါ့။ အဲဒါပြီးတော့ အရှေ့နဲ့အနောက်ဂျာ
မနီနှစ်နိုင်ငံနယ်စပ်ကိုဖြတ်ပြီး လုပ်နေကြတဲ့ မှောင်ခိုလုပ်ငန်းကို အထူးအကောက်ခွန်တပ်ဖွဲ့
(Special Custom Unit) တခုကိုဖွဲ့စည်းပါတယ်။
ဂျာမနီမှာ ကျနော်တို့စစ်နိုင်အမေရိကန်တွေကတော့ ဇိမ်ကျကျနေကြရပါတယ်။ စစ်ဘက်အရာရှိ
အများစုနဲ့ သူတို့မိသားစုတွေအတွက်ကတော့ ရှယ်ပဲဗျာ။ ဗိုလ်ချုပ်တွေနဲ့ ဗိုလ်မှူးကြီးအဆင့် စစ်
ဘက်အရာရှိတွေဆိုရင် ဖရဲင့်ခ်ဖတ်မြို့ရဲ့ အနောက်မြောက်ဘက်က အပျက်အစီးမရှိပဲ စိမ်းလန်း
စိုပြည်နေတဲ့ ရပ်ကွက်တွေမှာနေကြရတယ်။ အဲဒီနေရာတွေမှာ အရင်ကတော့ နာဇီပါတီအရာ
ရှိတွေနဲ့ ချမ်းသာကြွယ်ဝတဲ့ ဂျာမန်စက်မှုလုပ်ငန်းရှင်တွေနေကြတာပေါ့။ ကျနော်တို့မိသားစုအ
တွက်ကျတော့ သစ်ကြားသားနဲ့အလှဆင်ထားတဲ့ အဝင်ခန်းမကြီးတခန်းနဲ့ ခမ်းနားတဲ့ထမင်းစား
ခန်းမတခုပါတဲ့ အိမ်ကြီးတဆောင်ပါ။ အိမ်ရှေ့ကကားလမ်းရဲ့တဖက်ခြမ်းမှာတော့ ပန်းခြံတခုရှိပါတယ်။
ကျနော်တို့အိမ်အတွက် ဂျာမန်အိမ်အကူတယောက်နဲ့ ဥယျာဉ်မှူးတယောက်ကို ဗဟိုအိမ်ယာရုံး
(Central Housing Office) ကထောက်ပံ့ပေးထားပါတယ်။ အဖေနဲ့အမေတို့ သွားလာဖို့အတွက်
လဲ စစ်သုံးဆီဒင်ကားတစီးနဲ့ ယာဉ်မောင်းတယောက်ထားပေးပါသေးတယ်။ လူမှုရေးကိစ္စတွေ
အတွက်ကတော့ အရာရှိကလပ်တွေနဲ့ တချိန်ကလူ့မလိုင်တွေပဲ လာရောက်နိုင်ကြတဲ့
အထက်တန်းစားသောက်ဆိုင်တွေမှာ ဆုံတတ်ကြပါတယ်။
ကာလ်တန်ဟိုတယ် (၁၉၄၇)
ကာလ်တန်ဟိုတယ်မှာ ဒုတိယကမ္ဘာစစ်အတွင်း စစ်ဒဏ်ကလွတ်မြောက်ခဲ့တဲ့ ဖန်မီးဆိုင်းကြီးတွေ
တွဲလွဲကျနေတဲ့၊ တကယ်ခမ်းနားတဲ့ ထမင်းစားခန်းမကြီးရှိပါတယ်။ အဲဒီမှာ ညစာစားကြတော့
ပုဇွန်ထုပ်ကြီး (Lobster) စားပုံစားနည်းကို အဖေကသင်ပေးပါသေးတယ်။
အဖေ့မှာ ပုဇွန်ထုပ်ရဲ့ အခွံထဲမှာကပ်နေတဲ့ အသားစလေးတွေကအစ ထုတ်ယူစားသောက်တဲ့နည်း
စနစ်ရှိပါတယ်။ ရှေးခေတ်က လျှို့ဝှက်နည်းလမ်းတခုလိုမျိုး အဲဒီနည်းလမ်းကို အဖေကကျနော့်ကို
သင်ပေးပါတယ်။ ထောပတ်ထဲနှစ်ပြီးကြော်ထားတဲ့ ဘယ်လိုအစားအသောက်မျိုးကိုမဆို
ကျနော်ကြိုက်ပါတယ်။ ပုဇွန်ထုပ်ကြီးကလည်းအရသာရှိသလို သူ့ကိုစားရတဲ့နည်းလမ်းကလည်း
တကယ့်ကိုထူးထူးခြားခြားပါပဲ။ အခုချိန်ထိတော့ ပုဇွန်ထုပ်ကြီးထဲက အသားကို သူများတွေကဲ့
ထုတ်နိုင်တာထက် ကျနော်ပိုထုတ်နိုင်ပါတယ်။
ဖရဲင့်ဖတ်မှာ နှစ်ပေါင်းအတော်ကြာကြာနေရင်တောင်မှ ဂျာမန်သူငယ်ချင်းတယောက်ရဖို့မလွယ်
လှပါဘူးဗျာ၊ နေရာတကာမှာက အမေရိကန်စစ်သည်တွေနဲ့ သူတို့မိသားစုတွေချည်းပဲ။
အမေရိကန်ုစစ်တပ်မှာက ကိုယ်ပိုင်ဆေးရုံ၊ သွားဆေးခန်း၊ စာတိုက်နဲ့ တခါကြည့်ရင် (၂၅ ဆင့်)
ကျတဲ့ ရုပ်ရှင်ရုံတောင်ရှိသေးတယ်ဗျာ။ ဒါတင်ဘယ်ကဦးမလဲ… ဘောလုံး၊ ဖိနပ်ချွတ်ကရတဲ့
(Sock Hops) အကနဲ့ အားကစားမောင်မယ်တွေအပြိုင်ကျဲကြတဲ့ (Cheerleaders) တွေနဲ့
နှစ်စဉ်မှတ်တမ်း (Yearbook) တွေပါရှိတဲ့ ဖရဲင့်ဖတ်အမေရိကန်အထက်တန်းကျောင်း
(Frankfurt American Highschool) တောင်ရှိသေး။ အဲဒီတော့ အနီးအနားမှာရှိတဲ့
စစ်တပ်တွေထဲက လူငယ်လေးတွေအကြိုက်ပေါ့။
ဖရဲင့်ခ်ဖတ်အမေရိကန်အထက်တန်းကျောင်း
ဆယ်ကျော်သက်တွေရဲ့ကမ္ဘာက ကျနော့်အတွက်တော့ အစိမ်းသက်သက်လိုဖြစ်နေတာပေါ့ဗျာ။
ဇူလိုင်လတုန်းက ဖရဲင့်ခ်ဖတ်မြို့ကိုရောက်လာတော့ တခြားအမေရိကန်တွေအားလုံး ဂျင်းဘောင်းဘီတွေ၊
ခြေအိတ်ဖြူတွေနဲ့ အပေါ့စားရှူးဖိနပ်တွေဝတ်ထားတဲ့အချိန်မှာ ကျနော်ကတော့ ဆွစ်ဇာလန်မှာနွေရာ
သီဝတ်တဲ့ အဝတ်အစားတွေနဲ့လေ။
ကျနော့်ဆံပင်ပုံကလည်း ဥရောပပုံစံရှည်ရှည်နဲ့ခပ်စင်းစင်းပေါ့။ ဒါပေမယ့် ဖရဲင့်ခ်ဖတ်က စစ်သား
ဆံတောက်ပုံစံတွေက စတိုင်တော့ကျတယ်ဗျ။ အခုကျတော့ ကျနော်လည်းအခုနေရာက ကိုယ်နဲ့
ဘာမှမဆိုင်သလို အူကြောင်ကြောင်ကိုဖြစ်နေတော့တာလေ… ကျနော်လဲ ဆီးယားစ် (Sears)၊
ရိုးဘပ်ခ် (Roebuck) ကက်တလောက်တွေမှာ ယောက်ျားလေးအဝတ်အစားတွေလိုက်ပြီးကြည့်
ရသေးတယ်။ လီဗိုင်းဘောင်းဘီ၊ အနောက်တိုင်းပုံစံရှပ်အင်္ကျီတွေနဲ့ ခါးပတ်တွေကြိုက်ပေမယ့်
ဂျာမနီကနေလှမ်းမှာလို့ရမရ ကျနော်လဲမသိဘူး။ ဆွစ်ဇာလန်မှာတုန်းကတော့ သူငယ်ချင်း
တယောက်ရဲ့ အဖေက ကယ်ဆယ်ရေးအဖွဲ့အစည်းတခုမှာအလုပ်လုပ်တယ်။ သူ့အဖေကကျနော့်ကို
အပေါ်ရုံကုတ်အင်္ကျီတထည်ပေးပါတယ်။ ကျနော်တို့အမေရိကန်မှာတော့ အဲဒီလိုလက်ဆောင်မျိုးက
အိမ်ခြေမဲ့တွေကိုပေးကြတာပေါ့။ ဒါပေမယ့် အဲဒီကုတ်ကိုကြိုက်သွားတာနဲ့အမြဲဝတ်ဖြစ်တော့
အဲဒါကပဲ ကျနော့်ရဲ့အမှတ်အသားလိုဖြစ်လာတယ်လေ။
တရက် ကျနော့်အခန်းထဲကနေ အောက်ထပ်ကိုဆင်းလာတော့ ဘောလုံးကန်ဖိနပ်တရံကို ကျနော့်
ထိုင်ခုံအောက်မှာထားထားတာသွားတွေ့တယ်။ အဖေကကျနော့်ကိုဘောလုံးအသေကန်စေချင်တာဗျ၊
ပြဿနာက အဲဒီဘောလုံးကစားနည်းနဲ့ပတ်သက်လို့ ကျနော်ကဘာမှသိတာမဟုတ်ဘူး။ ကျနော်
လူလဲမပိတ်တတ်ဘူး၊ နေရာလဲရွှေ့မကစားတတ်ဘူးဗျာ…နောက် အရှိန်ပြင်းပြင်းလဲမပြေးနိုင်ဘူးလေ။ ကျနော်လဲ ဘောလုံးအသင်းထဲနေ့တိုင်းဝင်လေ့ကျင့်ပေမယ့် ကျောင်းပိတ်ရက်ကစားပွဲတွေကျရင်
နည်းပြကကျနော့်ကိုဘေးထိုင်ထိုင်ခိုင်းထားတယ်ဗျာ။ အဲဒီကိစ္စနဲ့ပတ်သက်ပြီး ကျနော်ဖီးငုပ်နေတာ
အဖေသိတော့ ဘောလုံးရာသီအကုန်လောက်ကြတော့ စစ်ကြိုခေတ်တုန်းက အိုလံပစ်အသင်းတွေကို
ကွင်းဆင်းလေ့ကျင့်ပေးခဲ့ဖူးတဲ့ ရှုလ်ဇ် (Schultz) လို့ခေါ်တဲ့ ဂျာမန်နည်းပြတယောက်ကို ကျနော့်အတွက်
ငှားပေးပါတယ်။
နည်းပြရှုလ်ဇ်နဲ့ကျနော်တို့နှစ်ယောက်လုံးသဘောတူကြတဲ့အချက်တခုရှိပါတယ်။ အဲဒါကတော့ ကျနော်
ကဘောလုံးကစားဖို့အတွက် နည်းနည်းပျော့သေးတာပါ၊ အဲဒါနဲ့ နည်းပြရှုလ်ဇ်က စွပ်ကျယ်တွေဝတ်ရင်
ပန်းပဲသမားတွေလို ကြွက်သားအဖုအထစ်တွေနဲ့ဖြစ်နေကြတဲ့ ဝိတ်မနေကြတဲ့ ဂျာမန်လူမျိုးတွေရဲ့ပုံတွေကို
ကျနော့်ကိုလေ့လာစေပြီး အလေးမတဲ့ကိရိယာ ဝိတ်ပြားတွေနဲ့လေ့ကျင့်စေပါတယ်။ အဲလိုဆိုတော့
နောက်နှစ်ဘောလုံးရာသီအတွက်တော့ အဆင်သင့်ဖြစ်နေတော့မှာပေါ့ဗျာ။
ဖရဲင့်ခ်ဖတ်မြို့ရှိအမေရိကန်စစ်သုံးပစ္စည်းအရောင်းဆိုင် (PX) နှင့် မုန့်ဆိုင် (Snack Bar)
အမေရိကန်လိုပြန်ဖြစ်လာပါတယ်။ နွေဦးရာသီမတိုင်ခင်မှာတော့ ဖရဲင့်ခ်ဖတ်မှာရှိတဲ့ ကျနော့်ရဲ့ဘဝက
စစ်တပ်ထဲကလူငယ်တွေပါဝင်လှုပ်ရှားနေကြတဲ့ အဓိကနေရာနှစ်ခုဖြစ်ကြတဲ့ လူငယ်ကလပ် (Teen Club)
နဲ့ စာတိုက်နဲ့ အမေရိကန်စစ်သုံးပစ္စည်းအရောင်းဆိုင် (PX) အဆောက်အဦးမှာရှိတဲ့ (J’Donut လို) စနက်ခ်
ဘား (Snack Bar) တွေကိုသွားနေပါပြီ။ နေ့တိုင်းကျောင်းလွှတ်ရင် အဲဒီနှစ်နေရာထဲကတခုကို သူငယ်
ချင်းတွေနဲ့ ဒိုးတယ်လေ။ မုန့်ဆိုင်ရောက်ရင်တော့ နာရီအတော်ကြာကြာထိုင်ပြီး မစ်လ်ခ်ရှိတ်ခ်တွေ
(Milkshakes) သောက်မယ်၊ အာလူးချောင်းကြော် (French Fries) တွေစားမယ်၊ စော်တွေနဲ့ကြူမယ်၊
ဟာသတွေလျှောက်ပြောကြတာပေါ့ဗျာ။ ကျနော့်အိမ်ကနေ ပန်းခြံကိုဖြတ်ပြီးလာရတဲ့ လူငယ်ကလပ်မှာကျတော့
သီချင်းသံထွက်တဲ့ ဂျုခ်ဘော့ခ် (Jukebox) တခုလဲရှိတယ်။
Little Casino ဟုအမည်ပေးထားသော လူငယ်ကလပ် (Teen Club)
အချိန်မှီအိမ်ကိုပြန်ရောက်နေရပါတယ်။ မရောက်ရင်တော့ ကျနော့်အပေါ်ကို ကန့်သတ်ချက်တွေ ရောက်
လာပါတော့တယ်။ စစ်တပ်စကားနဲ့ပြောရရင်တော့ အပြစ်ပေးခံရတာပေါ့။ နေ့ပိုင်းကျောင်းတက်ရတဲ့
ညတွေမှာလဲ အပြင်ထွက်ခွင့်မရှိတော့ အိပ်ခန်းထဲမှာပဲ နေဖြစ်ပါတယ်။ ကျနော့်မှာလဲ ကိုယ်ပိုင်ကမ္ဘာလေး
တခုရှိတာပေါ့ဗျာ။ ကျနော့်မှာ စားပွဲရှည်တလုံးရှိတယ်။ ရေဒီယိုနားထောင်တယ်၊ အလေးမတယ်၊ စာဖတ်တယ်၊
နောက်… လူငယ်စစ်သားလေးတွေ တိုက်ပွဲတွေမှာ အနစ်နာခံပြီး အသက်စွန့်သွားကြတာတွေနဲ့ပတ်သက်တဲ့
အလွမ်းကဗျာလေးတွေလိုမျိုး ကဗျာတွေရေးတယ်။ သူငယ်ချင်းတွေကိုတော့ ဒီအကြောင်းတွေ တခါမှမပြောပြဖြစ်ပါဘူး။
အဖေနဲ့ကျနော်နဲ့ ထိပ်တိုက်တွေ့တဲ့အကြိမ်တွေလဲ တိုးလာတယ်လေ။ ကျနော့်ကို ကျောင်းပိတ်ရက်ညတွေမှာ
ည (၁၁း၃၀) ထက်ကျော်ပြီး အပြင်မှာနေခွင့်မရှိတဲ့ ကာဖြူး (Curfew) ထုတ်ထားတယ်ဗျာ။ အပေါင်းအ
သင်းတွေကြားထဲမှာ အတင်းကျပ်ဆုံး ထိန်းချုပ်ထားခံရတဲ့ အနေအထားနဲ့ နေနေရတာပါ။ နည်းနည်းနောက်
ကျပြန်လာရင်တော့ အဖေတင်းတင်းနဲ့ ထိုင်စောင့်နေတာကိုတွေ့ရတော့တာပဲ။ ကျောင်းနဲ့ပတ်သက်လို့လဲ
အဖေကိုင်တွယ်တာ ကြမ်းစပြုလာတယ်။
ကျနော်ကစာတွေကိုအိမ်မသယ်ဘူးဗျ။ အိမ်စာနည်းနည်းပါးပါးလုပ်စရာရှိရင် ကျောင်းမှာအပြီးရှင်းလိုက်တယ်လေ။
ကျနော့်အတွက်တော့ ဘာသာရပ်အားလုံးအောင်ဖို့ဆိုတာက အေးအေးဆေးဆေးပါပဲ။ အခုကျောင်းမှာက
စာသင်နှစ်တဝက်ကိုမှ ဘာသာရပ်လေးခုပဲဖြေရတာ။ အီကိုးလင့်မှာတုန်းက ဆယ်ဘာသာလေ။ စာမေးပွဲတခုဖြေပြီး
လို့ အိမ်ပြန်လာတိုင်း အဖေကအိမ်ပေါက်ဝကနေ ဆီးကြိုပြီးမေးလေရဲ့။
ဒီနေ့ဖြေခဲ့တဲ့ စာမေးပွဲအခြေအနေဘယ်လိုလဲ…
ကောင်းကောင်းဖြေနိုင်တယ် အဖေ… ကျနော် အမှတ် (၈၀) ရတယ်…
အေး…အဲဒီဘာသာရပ်မှာ မင်းမသိသေးတာ (၂၀%) ရှိသေးတယ်ဆိုတာ မင်းသဘောပေါက်ရဲ့လား…လို့
ကျနော့်ကိုပြန်မေးတယ်လေ။ ကျနော်တော်တော်တင်းသွားတယ်ဗျာ။ အဖေက ကျနော့်မှာ ဝက်စ်ပွိုင့်စစ်တက္ကသိုလ်
တက်ဖို့အတွက်ရှိရမယ့် လိုအပ်ချက်တွေနဲ့မကိုက်ရင် လက်မခံဘူးလေ။ အဖေက ဘာသာရပ်တွေမှာ (B) အဆင့်
အတန်းထက်လျော့ရင် လက်မခံတော့ ရီပို့ကဒ် (Report Card) ရမှာကိုတောင် တဖြည်းဖြည်းကြောက်လာတယ်ဗျာ
။ ဘာသာရပ်တခုခုမှာ (C) ဖြစ်သွားမိရင်တော့… ဟမ်း… ကန့်သတ်ချက်တွေလာပါပြီဗျာ…
(A) နှစ်လုံးရထားတာ (C) တလုံးထက်ယှဉ်ကြည့်ရင် ပိုတောင်ပိုပါသေးတယ်အဖေရာ… လို့ ကျနော်ပြန်ငြင်းမိရင်တော့၊
(C) ဆိုတာသာမန်အဆင့်လေသားရဲ့… သာမန်အဆင့် ဆိုရင်တော့ သားအနေနဲ့ ဝက်စ်ပွိုင့်တက်လို့ရမှာမဟုတ်ဘူးလေကွာ…
လို့အဖေကပြန်ပြောပါလေရော…
အပြန်အလှန်အားဖြင့်တော့ ကျနော့်အပေါ်မှာထားတဲ့ အဖေ့ရဲ့ဖိအားတွေက အလွန်အကျွံတော့တခုမှမပါပါဘူး။
ဒါပေမယ့် အီရန်မှာတုန်းက အလိုလိုက်တတ်တာနဲ့ယှဉ်လိုက်ရင်တော့ တော်တော့်ကိုမမိုက်ဘူးပေါ့ဗျာ။ အခု
ကျနော်က အသက်လည်းနှစ်နှစ် ပိုကြီးလာခဲ့ပြီး၊ စိတ်ပိုင်းဆိုင်ရာလည်း ပိုရင့်ကျက်လာခဲ့ပေမယ့် အဖေက
ကျနော့်ကို တင်းကျပ်တဲ့စည်းကမ်းတွေနဲ့ ထိန်းချုပ်နေပါတယ်။ ကျနော်တို့သားအဖနှစ်ယောက်ကြားက ရဲဘော်ရဲဘက်
အသွင်ကလည်း ပျောက်ကွယ်သွားပါပြီ။ အဖေနဲ့ကျနော်တို့ကြားမှာ အရင်တုန်းကရှိခဲ့တဲ့ ပေါ့ပေါ့ပါးပါးရင်းနှီးမှုမျိုးကို
ကျနော်ပြန်ပြီးလွမ်းဆွတ်မိပါတော့တယ်။
အမေအရက်သောက်တဲ့ပြဿနာကလည်း ကျနော်တို့ကြားမှာ အတားအဆီးတခု ဖြစ်လာပါတော့တယ်။ ကျနော်အပြင်
ထွက်လို့မရတဲ့ သောကြာနေ့ညတညကိုတော့ ဘယ်တော့မှမေ့လို့မရတော့ပါဘူး။ အဲဒီညက ကျနော့်သူငယ်ချင်း
ဟာရဲလ်နန်း (Harrell Nun) နဲ့ ဂျီးန်ဟယ်ဒီ (Gene Heady) တို့နှစ်ယောက် ကျနော့်ကိုအဖေါ်လုပ်ဖို့ အိမ်ကိုပေါက်
ချလာကြရော။ ဖြစ်ချင်တော့အဲဒီအချိန်မှာ အမေကမူးနေတယ်။ အူကြောင်ကျား ဟာရဲလ်ကလဲ ရယ်ကျဲကျဲလုပ်ရော၊
အမေက သူ့ကိုအစ်မတွေကိုရစ်သလို ရစ်ပါတော့တယ်။ အဲဒီမှာ ဒီကောင်ကလည်း ဘယ်လိုတုံ့ပြန်ရမှန်းမသိတော့
တဟဲဟဲနဲ့ပိုရယ်ပြီး၊ ဂျီးန်ရဲ့နံကြားကိုဟိုထိုးဒီထိုးနဲ့ လုပ်မိလုပ်ရာလျှောက်လုပ်ပါလေရော။ ကျနော်လည်း
သေချင်တော့တာပဲဗျာ။ အဲဒါက ကျနော့်သူငယ်ချင်းတွေကိုး။ အဲဒါနဲ့ ကျနော်လဲ အမြန်ခုန်ဝင်ပြီး…
ဟေ့ကောင်တွေ…မင်းတို့လူငယ်ကလပ်ကိုသွားကြဦးကွာ…ငါတော့လိုက်လို့မရဘူးဖြစ်နေတယ်… လို့ပြောရပါတော့တယ်။
ကျနော်လဲ သူတို့ကိုတွန်းမလွှတ်ရုံတမယ်ပဲ အိမ်ပေါက်ဝကိုခေါ်သွားရတယ်။ အမေကတော့ အေး…သူတို့သွား
သင့်တာကြာပြီ… လို့လှမ်းအော်ပါတော့တယ်။ အဲဒီညကကျနော်လဲ ဒေါသတွေအလိပ်လိုက်နဲ့ မနက်ဖြန်သူငယ်
ချင်းတွေကို ဘယ်လိုရင်ဆိုင်ရမလဲဆိုတာကို ခုတင်ပေါ်မှာလှဲရင်း စဉ်းစားနေမိတယ်။ ဒီကောင်တွေလဲ လူငယ်
ကလပ်ကိုရောက်ပြီး ရွှပ်ဇကော့ဖ်အိမ်မှာ သူ့အမေကမူးနေတယ်ဟေ့လို့ လူတကာကိုလျှောက်ပြောတော့မှာပဲ
လို့လဲတွေးမိတယ်။ ဒါပေမယ့် ကံကောင်းထောက်မစွာနဲ့ ဘာပြဿနာမှဖြစ်မလာပဲ မေ့မေ့ပျောက်ပျောက်ဖြစ်သွားပါတယ်။
အဖေကလဲ အဲဒီပြဿနာကိုမရှင်းပါဘူး။ ညဘက်ပြန်ရောက်လာလို့ အပေါ်ထပ်တက်ပြီး ယူနီဖေါင်းမလဲခင် အနည်းဆုံး အရက်နှစ်ခွက်လောက်တော့ သောက်လိုက်သေးတယ်။ စစ်တပ်မှာက အရက်သောက်တတ်ကြတဲ့လူတွေချည်းပဲ
ဆိုတော့ တလမ်းလုံးမှာရှိတဲ့ အိမ်တွေအားလုံးလိုလိုမှာလဲ အဲဒီလိုပဲဖြစ်နိုင်ပါတယ်။ အဖေမူးလာရင်တော့…အမေလဲ
ကွဲနေပြီပေါ့ဗျာ။ အဲဒီအခါကျရင် အဖေကအမေ့ကို ထပ်သောက်ဦးမလားလို့ မြှောက်ပေးပါတယ်။ ကျနော်လဲ
အဖေ့ကိုကြည့်ပြီး ဒီကိစ္စဟာဘယ်လိုဖြစ်လာနိုင်လဲဆိုတာ အဖေမသိဘူးလားလို့ တွေးမိပါတယ်။ အဖေ့ကို
ချစ်လဲချစ်၊ လေးလဲလေးစားပေမယ့်၊ အမေ့ကိုအရက်တိုက်တဲ့အချိန်ကျရင်တော့ အဖေ့ကိုကျနော်တကယ်မုန်း
တီးမိတယ်ဗျာ။
စာသင်နှစ်ပြီးသွားတော့ အီကိုးလင့်မှာကျောင်းတက်နေတဲ့ ဆယ်လီနဲ့ရုသ်အဲန်းတို့နှစ်ယောက်သားလဲ
အိမ်ပြန်ရောက်လာကြပါတယ်။ ကျနော်တို့လဲ သူတို့နှစ်ယောက်ကို ဘရီမာဟေဗဲန်မြို့ ( ကိုလိုက်ပို့ပြီး၊
အဲဒီကနေ နယူးယောက် (New York) ကိုသွားမယ့်သင်္ဘောတစီးပေါ်ကို တင်ပေးလိုက်တယ်။
သူတို့နှစ်ယောက်လုံးက အမေရိကန်ပညာသင်ဆု (Scholarship) တွေရထားပါတယ်။ ရုသ်အဲန်းက
ဘားနဒ်ကောလိပ် (Barnard College) နဲ့ ဆယ်လီက စမစ်သ်ကောလိပ် (Smith College) တွေကလေ။
အဖေနဲ့အမေတို့အတွက်တော့ အစ်မနှစ်ယောက်ကို သင်္ဘောပေါ်ကို တင်ပေးလိုက်နိုင်တာကြောင့်
စိတ်ပေါ့သွားတယ်။ အစ်မတွေက သူတို့ကြိုက်တဲ့ပုံစံနဲ့ အရမ်းကိုလွတ်လွတ်လပ်လပ်နေနေကြပြီး
ဥရောပမှာကောလိပ်တက်ဖို့ စီမံကိန်းတွေတောင်ဆွဲနေကြတာဗျား။ အဖေလဲသိသွားရော ပွဲပြီး
သွားပါလေရော။
ရုသ်အဲန်းရဲ့ မာ့ခ်စ်ဝါဒနဲ့ပတ်သက်တဲ့စကားတွေကို အဖေတော်တော်စိတ်ဆိုးတယ်လေ။ ရုသ်အန်းက
အရင်တနှစ်က ဘူလ်ဂေးရီးယားလူငယ်စခန်းတခုမှာ နွေရာသီကျောင်းပိတ်ရက်အတွင်း ခဏနေချင်
တယ်လို့ပြောသေးတယ်။
ရုသ်အဲန်းကအခုအပျိုဖြစ်လာတော့ နည်းနည်းစိတ်ကစားတဲ့သဘောပါ… သူ့ကိုအမေရိကန်ပြန်ပို့ပြီး
အမေရိကန်ကောလိပ်တခုမှာထားမယ်… အေးဆေးဖြစ်သွားမှာပါ…
လို့ အမေကအဖေ့ကိုနားချပါတယ်။ အဖေကလဲ အမေပြောတာကိုယုံသွားပုံပါပဲ။
ဥရောပဆိုင်ရာအမေရိကန်တပ်မတော်စစ်ဋ္ဌာချုပ် (USAREUR-HQ) တည်ရှိရာ ဂျာမနီနိုင်ငံ၊ ဟိုင်ဒယ်လ်ဘာ့ခ်မြို့ရှိ ကဲမ့်ဘဲလ်စစ်စခန်း
မြို့ကိုရွှေ့ပါတယ်။ ဖရဲင့်ခ်ဖတ်မြို့ရဲ့တောင်ဘက်မိုင်ငါးဆယ်လောက်က နက်ကာတောင်ကြား
(Neckar Valley) မှာပါ။ ကျနော်တို့လဲထပ်ရွှေ့ရတာပေါ့။ ကျနော်လဲ လီဗိုင်းဂျင်းနဲ့ ဒီနင်းမ်ရှပ်
အင်္ကျီတထည်ဝတ်၊ ခေါင်းကြီးကြီးနဲ့ခါးပတ်တချောင်းကိုပတ်၊ စစ်ဖိနပ်တရံစီးပြီး ဟိုင်ဒယ်လ်
ဘာ့ခ်အမေရိကန်အထက်တန်းကျောင်း (Heidelberg American High School)
ကိုရောက်သွားပါလေရော။
ဒီတခေါက်တော့ ဟိုက်စကူးကျောင်းသားဘဝကို အမိအရအသုံးချပါတော့တယ်။ အခုချိန်မှာတော့
စွမ်းအားအပြည့်နဲ့ အသင်းနဲ့လဲ ညှိညှိနှိုင်းနှိုင်းကစားနိုင်နေပြီဆိုတော့ ဘောလုံးလောကထဲဝင်တာပေါ့။
စစ်ရဲတပ်ဖွဲ့က ဗိုလ်မှူးတယောက်ဖြစ်တဲ့ နည်းပြလူးဘာ့သ် (Lou Barth) က ဖီလာဒဲလ်ဖီးယား
သိမ်းငှက်များ (Philadelphia Eagles) အဖွဲ့ရဲ့ကစားသမားဟောင်းတယောက်ပါ။ နည်းပြကကျနော့်
ကိုသူကစားခဲ့သလို နေရာမျိုးစုံကနေကစားခိုင်းပါတယ်။ ကျနော်က ဟိုင်ဒယ်လ်ဘာ့ခ်ရဲ့ အကောင်း
ဆုံးဘောလုံးသမားတယောက်တော့မဟုတ်ပေမယ့် တပွဲပြီးလိုက်တိုင်း ပိုပိုပြီးကောင်းအောင်ကစားနိုင်
လာပါတယ်။ အဲဒီနှစ်မှာတော့ဗျာ ဂျာမနီတနိုင်ငံလုံးမှာရှိတဲ့ တခြားအမေရိကန်ဟိုက်စကူး (၆) ကျောင်းကို
ကျနော်တို့အနိုင်ကန်ပြီး ဥရောပချန်ပီယံဆုရတယ်ဗျာ။ ကျောင်းမှာလဲ ကျနော်တို့ကလူစွမ်းကောင်းတွေကို
ဖြစ်သွားတာပေါ့ဗျာ။ ကျနော်လဲ ကိုယ့်ကိုယ်ကိုယုံကြည်မှုတွေ စပြီးရှိလာပါတာ့တယ်ပဲ။
ကျနော့်ရဲ့လူမှုဘဝကတော့ ဟုဒ်စ် (Hoods) လို့ခေါ်တဲ့ ရှစ်ယောက်အဖွဲ့ထဲမှာပါ။ အမေရိကန်မှာတော့
ရုပ်ရှင်ထဲကလိုပဲ ဆယ်ကျော်သက်လူဆိုးဂိုဏ်းတွေခေတ်စားနေပါတယ်။ ကျနော်တို့အဖွဲ့ကတော့
အားကစားသမားတွေ၊ စာဂျပိုးတွေနဲ့ဖွဲ့ထားတော့ ရာဇဝတ်မှုနဲ့မလွတ်မကင်းတော့ ဘာမှမရှိပါဘူး။
ကိုယ်တွေဘာသာတော့ အထက်တန်းစားလူငယ်တွေလို ထင်မိတာပဲလေ။
လူဆိုးဂိုဏ်းတွေရဲ့စတိုင်လ်တွေကိုတော့ ကျနော်တို့သဘောကျတယ်ဗျာ။ ကျနော်တို့ ဟုဒ်စ်အဖွဲ့
သားတွေမှာလဲ နာမည်ပြောင်တွေပေးထားတာရှိတယ်။ တယောက်က ကလေးမသာ(Babyface)
၊ တယောက်က ချော့ပါ (Chopper) နဲ့တယောက်ကတော့ သူကြီး (Chief) တဲ့။ ကျနော့်ကိုကျတော့
ဦးကြူ (Cuddles) တဲ့။ တခါမြို့ပတ်ကားပေါ်မှာ ကျနော့်ရည်းစားတယောက်နဲ့ကြူနေတာ
ဒီကောင်တွေတွေ့သွားတယ်လေ။ ကျနော်တို့မှာ ဂိုဏ်းယူနီဖေါင်းလဲရှိတယ်။ လက်ကိုခေါက်တင်
ထားတဲ့ ရှပ်အင်္ကျီအဖြူဝတ်မယ်၊ စီးကရက်တဗူးကိုအင်္ကျီအိတ်ထဲမှာထည့်မယ်၊ ခြေအိတ်ဖြူဝတ်၊
ရှူးအပျော့စီး၊ အားကစားဆွယ်တာတထည်နဲ့ လီဗိုင်းဂျင်းဝတ်ရတယ်။ ကျနော်တို့ဆုံရပ်ကတော့
ဟိုင်ဒယ်လ်ဘာ့ခ်မင်းလမ်းပေါ်က ဘိုးလားဘား (Bohler’s Bar) မှာလေ။ အရက်သောက်တဲ့
ကိစ္စနဲ့ပတ်သက်ရင်တော့ အဲဒီဘက်က သမိုင်းဝင်ပါပဲ။ (Red Ox) နွားသိုးနီ လို့ခေါ်တဲ့
ကျောင်းသားတွေထိုင်တဲ့ဘားနဲ့မလှမ်းမကမ်းမှာပါပဲ။ ဘိုးလားဘားပိုင်ရှင် ဘိုးလားကတော့
ပါးနပ်တဲ့လူစားမျိုးပါပဲ။
ကျောင်းသားများထိုင်လေ့ရှိသည့် Red Ox ဘားဆိုင်
ဂျာမန်ဖောက်သည်တွေလာတော့မှာမဟုတ်ဘူးဆိုတာကို ဘိုးလားကတွက်မိတယ်။ ဒါပေမယ့်
သူက ကျနော်တို့ဆီကရမယ့်အမြတ်အစွန်းကိုလည်းလိုချင်တယ်။ အဲဒီတော့ ဘိုးလားက
ကျနော်တို့က ဘားရဲ့အပေါ်ထပ်မှာ သစ်သားတွေကို ဘာဗေးရီးယားလက်ရာနဲ့ ပုံဖေါ်ထားတဲ့
သုံးယောက်လောက်ထိုင်နိုင်တဲ့ ဘားလေးတခု၊ စားပွဲနဲ့ထိုင်ခုံတွေ ပြင်ပေးထားတယ်။ အဲဒီ
ဘားလေးက ကျနော်တို့ ဟုဒ်စ်အဖွဲ့သားတွေအတွက် စတည်းချတဲ့နေရာလေးဖြစ်လာပါတယ်။
စနေ၊တနင်္ဂနွေညမျိုးတွေမှာ ညနေ (၆း၃၀) လောက်ဆိုလူငယ်ကလပ် (Teen Club) မှာစုကြပြီး
စနူကာထိုးလိုက်ကြ၊ ကလိုက်ကြပေါ့။ ည (၉) နာရီမထိုးခင်လောက်ကျတော့ နည်းနည်းကြမ်း
တဲ့ပေါင်မုန့်အညိုတွေနဲ့ ဝက်ပေါင်ခြောက်ကျပ်တိုက်စားဖို့ရယ်၊ ဘီယာသောက်ဖို့ရယ် စော်တွေကိုယ်စီနဲ့ ဘိုးလားဘားကိုချီတက်ကြတယ်။ ပျော်ရွှင်ကြရတဲ့အချိန်တွေပေါ့ဗျာ။
ကျနော်ဘောလုံးကစားနေတာကိုကြည့်ပြီး အဖေကဂုဏ်ယူနေပေမယ့်လည်း လမ်းပေါ်မှာလျှောက်
ဒိုးနေတာကိုတော့ သိပ်ဘဝင်မကျဘူးလေ။ ကျောင်းဖွင့်ရက်တွေမှာ ညမထွက်ရအမိန့်ထုတ်ထားတာကို
ဖျက်ပေးဖို့နဲ့ အိမ်ပြန်ရောက်ရမယ့်အချိန်ကိုတိုးပေးဖို့ပြောတာလဲ မရဘူး။ ဟုဒ်အဖွဲ့မှာ ညမထွက်ရအမိန့်
အထုတ်ခံထားရတဲ့ ကံဆိုးသူကလည်း ကျနော်တယောက်တည်းပါ။ အဖေက စာမေးပွဲတွေမှာရတဲ့
ကျနော့်ရဲ့အဆင့်တွေကို မျက်လုံးဒေါက်ထောက်ကြည့်လာတော့တာပဲ။ ကျနော်တက်နေရတဲ့ ကျောင်း
ကိုကျနော်လည်းကြိုက်ပါတယ်။ ကျနော်ကကျောင်းမှာလည်း နာမည်ကြီးတော့ ကျောင်းသားရေး
ရာကောင်စီမှာတောင် ရွေးကောက်ခံထားရတယ်လေ။ နွေဦးတညမှာ အဲဒါတွေအားလုံး ပျက်စီး
ကုန်တော့တာပဲဗျာ။ ကျနော်တို့လဲဘာမှမလုပ်ပဲနဲ့ ဟုဒ်စ်တွေနဲ့ ဂျာမန်တချို့နဲ့ ချကြတယ်ဆိုပြီး ကျနော်
တို့ကို စစ်ရဲ (MP) တွေကလာဖမ်းပါလေရော။ ကျနော်တို့ဘာမှမဖြစ်ခဲ့ဘူးဆိုတာ အဖေကယုံပေမယ့်
ဒီတိုင်းဆက်သွားရင် ဝက်စ်ပွိုင့်စစ်တက္ကသိုလ်တက်ရမယ့် အခွင့်အရေးတွေတော့ ပလုံတော့မယ်ဆိုတာ
အဖေကကြိုမြင်မိတယ်။
ကျနော့်အသက်ကလည်း (၁၅) နှစ်ပဲရှိပါသေးတယ်။ ဝက်စ်ပွိုင့်က အသက် (၁၇) နှစ်ကမှစလက်ခံတာဆိုတော့
အသက်ကလည်း နှစ်နှစ်လိုနေတယ်။ အဲဒီတော့အဖေက လာမယ့်နှစ်နှစ်အတွင်းမှာ ကျနော့်အပေါ်မှ
ဘာပြဿနာမှမတက်စေမယ့်နည်းလမ်းကို ကြံဆပါတော့တယ်။ ဘောလုံးအသင်းနည်းပြဘာ့သ်ကတော့
ကျနော့်ကိုစစ်တပ်ကျောင်းကိုပြန်ပို့ထားဖို့အကြံပေးပါတယ်။ ဖီလာဒဲလ်ဖီးယားပြည်နယ်နားက ဗယ်လီဖို့ခ်ျ
စစ်တက္ကသိုလ်နှင့်ကောလိပ် (Valley Forge Military Academy and College) ကဘောလုံးနည်းပြက
နည်းပြဘာ့သ်နဲ့သိကျွမ်းတော့၊ ကျနော့်ကိုအဲဒီကျောင်းမှာ နှစ်နှစ်တာဘောလုံးပညာသင်ဆုနဲ့တက်ဖို့ ကမ်းလှမ်းပါတယ်။
ဗယ်လီဖို့ခ်ျစစ်တက္ကသိုလ်ရှိ ကျောင်းသားများ၏အမေရိကန်ဘောလုံးကစားပွဲတခု
အခြေအမြစ်မရှိလှပါဘူးဗျာ။ အိမ်မှာနေရတာမပျော်ပိုက်ပေမယ့် ဆယ်ကျော်သက်တွေမှာဖြစ်လေ့ဖြစ်ထရှိတဲ့
လူဆိုးဂိုဏ်းတိုက်ပွဲ (Gang Wars) တွေ၊ ရည်းစားမှာကိုယ်ဝန်ရှိသွားလို့ အရေးပေါ်ယူလိုက်ရတာမျိုး
(Shotgun Marriages) တွေ၊ ရဲတွေနဲ့ပြဿနာဖြစ်တာမျိုးတွေ ကျနော့်မှာမရှိပါဘူး။ ဂျီနီဗာမှာတုန်းက
ဥရောပသားလေးတွေလိုနေနိုင်ခဲ့တာနဲ့ ဂျာမနီရောက်တော့လဲ စစ်တပ်နဲ့ဆက်စပ်နေတဲ့ ဆယ်ကျော်သက်လူငယ်
ဘဝတွေကို အလိုက်သင့်ပြောင်းလဲနေနိုင်ခဲ့တာတွေကို ကျနော်ကတော်တော်ကိုကျေနပ်နေခဲ့တာလား။
အဲဒီအတွေ့အကြုံတွေကို ဂုဏ်ယူမိနေတဲ့အချိန်မှာ ဝက်စပွိုင့်ကလည်း ကျနော့်ရဲ့ရည်မှန်းချက်ဖြစ်နေဆဲပါ။
အဲဒီတော့ ကျနော့်အနေနဲ့ သူငယ်ချင်းတွေ၊ စော်လေးတွေနဲ့ ဥရောပရဲ့ပျော်ရွှင်မှုလေးတွေကိုထားခဲ့ပြီး ဗယ်လီဖို့ခ်ျ
ကိုသွားရမယ်လို့ အဖေကဆုံးဖြတ်လာတော့လည်း စိတ်လိုလက်ရနဲ့သွားခဲ့ပါတယ်။
ဒါပေမယ့် အဖေ့ကိုခေါင်းကိုက်အောင်လုပ်မိတာ ကျနော်တယောက်တည်းထင်ရင်တော့ မှားသွားမယ်ဗျား။ ရုသ်အဲန်းကိုအမေရိကန်ပြန်ပို့ပြီး ကောလိပ်တက်ခိုင်းလိုက်ရင် အဆင်ပြေသွားလိမ့်မယ်ဆိုတဲ့ အဖေနဲ့အမေ
တို့ရဲ့ အိုင်ဒီယာကတလွဲတွေဖြစ်သွားလေရဲ့။ ဘားနဒ်ကောလိပ်မှာတက်နေတဲ့ ရုသ်အဲန်းရဲ့ စာမေးပွဲအောင်
မှတ်တွေက တော်တော်ကိုအခြေအနေဆိုးနေပြီး ပညာသင်ဆုကိုရုပ်သိမ်းခံရတော့မယ့် အနေအထားရောက်နေတယ်။ ရုသ်အဲန်းရဲ့နိုင်ငံရေးလှုပ်ရှားမှုတွေနဲ့ပတ်သက်ပြီး ကျောင်းကလဲ အဖေ့ဆီတိုင်စာပို့လာပါလေရော။
ရုသ်အဲန်းက လူမည်းများတိုးတက်ရေးနိုင်ငံလုံးဆိုင်ရာအသင်း (National Association for the
Advancement of Colored People, NAACP) ဆိုတဲ့အဖွဲ့နဲ့ ကိုလံဘီယာလုပ်သားလူငယ်
(Columbia Labor Youth) အဖွဲ့တွေကိုဝင်ထားတယ်ဆိုပဲ။ အဲဒါနဲ့အဖေကရုသ်အဲန်းဆီကိုစာလှမ်းရေးပြီး
ဘာတွေဖြစ်နေလဲဆိုတာလဲမေးရော… မရွှေချောက…
သမီးကွန်မြူနစ်ပါတီထဲဝင်ချင်တယ်… ဒါပေမယ့်အဖေ့ကြောင့်သမီးဝင်လို့မရဘူးလို့ သူတို့ကပြောတယ်…
အဖေလဲရေလည်ပေါက်သွားတာဗျား… သမီးကြီးဖြစ်တဲ့ ရုသ်အဲန်းကအဖေ့အချစ်တော်လေ။
ဟိုင်ဒယ်လ်ဘာ့ခ်အိမ်ရဲ့ ဧည့်ခန်းထဲမှာခေါက်တုံ့ခေါက်ပြန်လျှောက်ရင်း ပါးစပ်ကလည်း
မင်းအစ်မတော့ နယူးယောက်မှာဂေါက်နေပြီ…
ငါ့သမီးဘာဖြစ်သွားတာလဲကွာ… အဖေလဲ ဘယ်နေရာမှာမှားသွားခဲ့လဲမသိဘူး…
တသက်လုံးကွန်မြူနစ်ဝါဒကိုတိုက်လာခဲ့တာ အခုတော့… သားအစ်မက ကွန်မြူနစ်ဖြစ်လာတယ်ကွာ…
လို့ထပ်တလဲလဲပြောနေခဲ့တာကို ခုချိန်ထိကျနော်သတိရမိပါသေးတယ်။
%2B028.jpg)
+034.jpg)
+049.jpg)
+026.jpg)
%2B058.jpg)
+046.jpg)
%2B050.jpg)
