သူရဲကောင်းဆိုတာ… အခန်း (၅) ၊ တတိယပိုင်း

by FNG on April 13, 2012

 

5

 

1

 

မဲပေးပါ

Daniel Kane၊       ၊၀က်စ်ပွိုင့်ဗိုလ်လောင်းဘ၀မှာ နေ့စဉ်လိုလိုပဲ ကျနော်တို့ကိုစောင့်ကြည့်ပြီး စစ်ဆေးတာ
ကိုခံနေရပါတယ်။ ကျနော့်အနေ   နဲ့တော့ နည်းနည်းအားစိုက်လိုက်တာနဲ့ ထိပ်ပိုင်းစာရင်းထဲ
ကိုတောက်လျှောက်ဝင်နေတော့ပါပဲ။  ကျနော်ကတော့ အဲဒီထက်ပိုပြီးကြိုးစားချင်ဖို့တော့ ဆန္ဒမရှိလှဘူး။
တော်ပြီပေါ့… အတန်းတခုစီမှာ ကျနော်တို့က Goat (ဆိတ်) နဲ့ Hive (ပျားအုံ) လို့ခေါ်နာမည်ဖျက်ခေါ်
တဲ့ကျောင်းသားတွေရှိပါတယ်။Goat တွေကတော့ Roll No. နောက်ဆုံးရတဲ့ကျောင်းသားတွေကိုပြောတာပါ။
Hive တွေကတော့  Roll No. ထိပ်ဆုံးကျောင်းသားတွေပေါ့။ သူတို့ကတော့ ကမ္ဘာပေါ်မှာဂုဏ်သိက္ခာ
အကြီးဆုံးလို့တောင် ဆိုကြတဲ့ Rhodes Scholarship (ရုတ်ဒ်ပညာသင်ဆု) ကိုချိန်နေကြတဲ့သူတွေ၊
ဒါမှမဟုတ် စာပေကဏ္ဍမှာ ထိပ်ဆုံးရောက်အောင်လို့ စွတ်ပြီးကြိုးစားနေကြတဲ့ကျောင်းသားတွေပေါ့ဗျာ။
ကာယကံရှင်တွေ အတွက်ကတော့ အဲဒီနာမည်ပြောင်တွေကတော့ စိတ်ပျက်စရာကြီးပါ။
ရွှပ်ဇကော့ဖ်…မင်းကတော့ Hive ကွ…
လို့ သူငယ်ချင်းတွေကလာပြောတဲ့အခါမျိုးတွေကျရင်တော့ ကျနော်စိတ်အနှောင့်အယှက်ဖြစ်မိပါတယ်။ ကျနော့်အနေနဲ့ ကိုယ့်ကိုပုံမှန်လူတယောက်လိုပဲ သူများတွေကလက်ခံစေချင်ပါတယ်။ ကျနော့်ရည်မှန်းချက်က စာပေကဏ္ဍမှာကောင်းအောင်၊ လူမှုရေးကဏ္ဍမှာကောင်းအောင်၊ အားကစားကဏ္ဍမှာကောင်းအောင်နဲ့ စစ်ရေးကဏ္ဍမှာလည်းကောင်းအောင်လောက်ပါပဲ။ ဒါပေမယ့်မြောက်တော့မမြောက်တတ်ပါဘူး။
ကျနော့်လိုအမြင်ရှိတဲ့ ဗိုလ်လောင်းတွေလည်းရှိပါတယ်။ အဆင့်တွေကောင်းရုံသာမကပဲ ပေါင်းလို့သင်းလို့ကောင်းပြီး ဘ၀ကိုပေါ့ပေါ့ပါးပါးဖြတ်သန်းတတ်တဲ့ လူစားမျိုးတွေပေါ့ဗျာ။
လီရွိုင်းဆဒ်ဒက်သ် (Leroy) နဲ့ ဒေးဗစ်ဟော်တန် (David Horton) တို့ကတော့ လေးနှစ်လုံးလုံးကျနော့်အခန်းဖေါ်တွေပေါ့။ လူကောင်ကြီးကြီး၊ ရွှေရောင်ဆံပင်နဲ့ ဂျော်ဂျီယာပြည်နယ်သား လီရွိုင်းက အသံသြသြနဲ့ဟာသညဏ်တော်တော်ရွှင်တဲ့ လူငယ်တယောက်ပေါ့။ လီရွိုင်းရဲ့အဖေနဲ့အစ်ကို နှစ်ယောက်လုံးက ၀က်စ်ပွိုင့်မှာ တက်ခဲ့ကြဖူးပါတယ်။ ဒါပေမယ့် မလိုက်နိုင်လို့နှစ်ယောက်လုံးကျောင်းထွက်သွားကြပါတယ်။ အဲဒီအစဉ်အလာကိုချေဖျက်ဖို့ လီရွိုင်းကသန္ဓိဋ္ဌာန်ချထားပါတယ်။ ၀က်စ်ပွိုင့်ကစရောက်လာတော့ သူကကောလိပ်တက်နေတာ တတိယနှစ်တောင်ရောက်နေပြီလေ။
လီရွိုင်းကအော်ဘန်းတက္ကသိုလ် (Auburn University) အသင်းအတွက် ကစားခဲ့တဲ့သူတယောက်ပါ။ ဒါပေမယ့် ၀က်စ်ပွိုင့်မှာလိုက်မှီနိုင်အောင် သူလည်းတော်တော်ကိုကြိုးစားနေရပါတယ်။ သိသိသာသာပဲ လီရွိုင်းမှာခေါင်းဆောင်မှုအရည်အသွေးရှိတယ်ဗျ။ အဲဒါကို တခြားဗိုလ်လောင်းတွေကလည်း ချက်ချင်းလိုလိုပဲ သတိထားမိကြတယ်။ ဖြစ်ချင်တော့ စာပေကဏ္ဍမှာလီရွိုင်းက အဆင့်တွေသိပ်မကောင်းလှတော့ နှစ်နှစ်လောက်ကြာမှပဲ သူ့အရည်အချင်းကိုနည်းပြအရာရှိတွေက အသိအမှတ်ပြုလာကြတယ်။
သာ့ဒ်ရီးယားပြီးတော့ နွေရာသီလေ့ကျင့်ရေးအစီအစဉ်တခုအတွက် ကျောင်းကနေသူ့ကို နယူးဂျာစီပြည်နယ်က ဖို့ဒ်ဒစ်ခ် (Fort Dix) ကိုပို့လိုက်ပါတယ်။ အဲဒီမှာလီရွိုင်းက ဗိုလ်အဆင့်အရာရှိတဦးရဲ့တာဝန်ကို ထမ်းဆောင်ရပါတယ်။ ပြီးတော့ လီရွိုင်းလည်း သူနဲ့ပတ်သက်ပြီး အားတက်သရောရှိကြတဲ့ထောက်ခံသုံးသပ်ချက်တွေနဲ့ပြန်ရောက်လာပါတယ်။ အဲဒီဖို့ဒ်ဒစ်ခ်ကစစ်သည်တွေက လီရွိုင်းကိုတော်တော်နှစ်သက်ကြပါတယ်။
ကျနော်ကလည်းလီရွိုင်းကိုအရောက်ပို့သလိုဖြစ်နေမိတယ်ဗျာ။ ကျနော်ကညဏ်ကောင်းတော့ စာသိပ်ကျက်စရာမလိုဘူးလေ။ စာကျက်ရမယ့်အစား လီရွိုင်းနဲ့ကျနော်နဲ့က တော်ကီပွားလိုက်၊ ချောက်ပေါက်တွေလျှောက်လုပ်လိုက်နဲ့ ဒေးဗစ်လည်းရေလည်ညစ်လာတယ်။ ဒေးဗစ်ကလူကောင်ကြီးကြီး ဘော်ဒီခပ်တောင့်တောင့်နဲ့ အိမ်စာမှန်မှန်လုပ်မယ်ဆိုတဲ့ မြောက်ကာရိုလိုင်းနားပြည်နယ်က ကို့ဖ်ခရိခ် (Cove Creek) မြို့သားပါ။
ကျနော်တို့ Probability (ဖြစ်နိုင်ချေ) ကိုလေ့လာနေကြတဲ့ ဒီဇင်ဘာညတညမှာပေါ့… စာကြည့်ရတာပျင်းလာတာနဲ့ လီရွိုင်းနဲ့ကျနော်တို့ Probability နဲ့ပတ်သက်တဲ့ စမ်းသပ်မှုတခုလုပ်ကြမယ်လို့ဆုံးဖြတ်လိုက်ကြတယ်။ အဲဒါနဲ့ပြတင်းပေါက်တံခါးကိုဖွင့်လိုက်တော့ ရေခဲလိုအေးစက်နေတဲ့လေက အခန်းထဲကိုဝင်ချလာတော့တာပေါ့။ ကျနော်တို့လဲ ပြတင်းပေါက်ကနေ အခန်းထဲကို သစ်ရွက်တရွက်ဝင်လာနိုင်ချေကို အလေးအနက် ဆွေးနွေးနေကြတာပေါ့ဗျာ။ အခန်းထဲကဒေးဗစ်တယောက်ခမျာတော့ သူ့စားပွဲပေါ်ကစာရွက်တွေတထပ်ကြီးကိုကိုင်ထားပြီး
ဟေ့ကောင်တွေ… ငါစာလုပ်စရာရှိသေးတယ်လေကွာ… လို့ထအော်တော့တာပါပဲ။ စာမှန်မှန်လုပ်တဲ့ ဒေးဗစ်အဆင့်ကတော့ အတန်းထဲမှာအလယ်လောက်ရှိပါတယ်။ ဒါပေမယ့် ခေါင်းဆောင်မှုနဲ့ပတ်သက်လာရင်တော့ သူလည်းပဲ ထိပ်ဆုံးမှာရှိပါတယ်။
ကျနော်တို့က စနေနေ့မွန်းလွဲပိုင်းနဲ့ ညပိုင်းတွေမှာ အားလပ်ချိန်ရပေမယ့် ကျောင်းပြင်ထွက်ခွင့်မရှိတော့ ဗိုလ်လောင်းတွေနဲ့တွေ့ချင်လို့ နယူးဂျာစီ (New Jersey) နဲ့ လေဲာင်းအိုင်းလဲန်း (Long Island) ကနေလာတတ်တဲ့ မိန်းကလေးတွေကိုပဲ အားထားရပါတယ်။ စနေနေ့ညဘက်တွေမှာတော့ စုံတွဲကပွဲတွေလုပ်ပါတယ်။ ကျနော်တို့ကတော့ ယူနီဖေါင်းတွေနဲ့၊ မိန်းကလေးတွေကတော့ သူတို့တွဲကချင်တဲ့ ယောက်ျားလေးစာရင်း (Dance Card) တွေနဲ့ပေါ့ဗျာ။ လူမြင်ကွင်းမှာတော့အချစ်တွေထုတ်ပြလို့မရဘူးဆိုတဲ့ တင်းကြပ်တဲ့စည်းကမ်းထုတ်ထားပါတယ်။ ယူနီဖေါင်းဝတ်ထားတဲ့အချိန်မှာ မိန်းကလေးတွေကို လက်မကိုင်ရဘူး၊ မဖက်ရဘူး၊ ကစ်စင် (Kissing) မဆွဲရဘူး။

ချစ်သူတို့လမ်း (Flirtation Walk)

စီနီယာဗိုလ်လောင်းတွေကတော့ သူတို့အတွဲတွေကို ချစ်သူတို့လမ်း (Flirtation Walk) ကိုခေါ်သွားလို့ရပေမယ့် ကျနော်တို့ ဖတ်စ်ရီးယားဗိုလ်လောင်းတွေကတော့မရပါဘူးဗျာ။ ကျနော်တို့သွားခွင့်ရှိတဲ့ တခုတည်းသောနေရာကတော့ ကျောင်းအနောက်
ဘက်မှာရှိပြီး တော်လှန်ရေးစစ်ကြောင့် ပျက်စီးခဲ့တဲ့ ဖို့ဒ်ပု(တ်)နဲမ် (Fort Putnam) လို့ခေါ်တဲ့ ခံတပ်ဟောင်းပါ။

Fort Putnam

ဖတ်စ်ရီးယားပြီးသွားလို့ စက္ကဲန်းရီးယားရောက်လာတော့ အနေအထားတွေတိုးတက်လာပါတယ်။ တချို့ပိတ်ရက်တွေကျရင် ကျနော်တို့စော်တွေက သူတို့ကားတွေနဲ့ကျနော်တို့ကိုလာခေါ်ပြီး ကျနော်တို့တွေ နယူးယောက်မြို့က ပြဇာတ်တွေ၊ စားသောက်ဆိုင်တွေနဲ့ ပါတီပွဲတွေကိုချီတက်လို့ရလာပါတယ်။ တိုင်းမ်စကွဲ (Time Square) နားမှာ ကျနော်တို့ဗိုလ်လောင်းတွေစခန်းချကြတဲ့ ပစ်ကာဒလ်လီ (Piccadilly) လို့ခေါ်တဲ့ ဟော်တယ်တခုရှိတယ်။ အဲဒီဟိုတယ်မှာ ဗိုလ်လောင်းခြောက်ယောက်၊ ခုနစ်ယောက်လောက်စုပြီး အခန်းငှားလိုက်ပြီး ကိုယ့်စော်တွေအသီးသီးနဲ့ကဲကြတာပေါ့။ ဟိုတယ်စီမံခန့်ခွဲရေးဋ္ဌာနက အဲဒီတထပ်လုံးကို နောင်တခေတ်ရဲ့အောင်စစ်သည်တွေအတွက်သီးခြားဖယ်ထားပေးပါတယ်။

Hotel Piccadilly, NYC

ဗိုလ်လောင်းတွေကလဲ မနက်သုံးနာရီလောက်ထိ ၀င်လိုက်ထွက်လိုက်ကြ၊ အော်လိုက်ဟစ်လိုက်ကြနဲ့ ပွဲခံနေကြပေမယ့်လည်း တထပ်လုံးကကိုယ့်အချင်းချင်းတွေချည်းပဲဆိုတော့ ပြဿနာတော့မရှိလှပါဘူး။ ၀က်စ်ပွိုင့်စစ်တက္ကသိုလ်အနေနဲ့ကတော့ မန်ဟက်တန် (Manhattan) စီရင်စုမှာဘာပဲဖြစ်ဖြစ် သိပ်ဂရုမစိုက်ပါဘူး၊ အထူးသဖြင့်ယူနီဖေါင်းဝတ်မထားရင်ပိုပြီးဂရုမစိုက်ပါဘူး။ အဓိကစည်းကမ်းသတ်မှတ်ချက်တခုကတော့ နိုင်ငံတော်က ကျောင်းစရိတ်ထောက်ပံ့မှုယူနေရတဲ့ ဗိုလ်လောင်းတွေဟာလက်ထပ်ခွင့်မရှိပါဘူး။ က ကလေးတွေ၊ မိန်းမတွေနဲ့ ကျနော်တို့ အာရုံနောက်နေမှာကို Uncle Sam ကမလိုလားပါဘူး။ (မှတ်ချက်။ Uncle Sam သည်အမေရိကန်နိုင်ငံတော်ကိုဆိုလိုခြင်းဖြစ်ပါသည်)
စနေနေ့တညလုံးကဲပြီးတော့ တနင်္ဂနွေနေ့မှာကျောင်းပြန်ရောက်လာရင်တော့
“ ကျနော်လက်မထပ်ခဲ့ပါ၊ ဘယ်တုန်းကမှလဲလက်မထပ်ဖူးပါ…”
ဆိုတဲ့ဝန်ခံကတိပြုချက်မှာလက်မှတ်ထိုးကြရပါတယ်။
ခရစ္စမတ်နဲ့အီစတာပွဲတော်ပိတ်ရက်တွေမှာ ပုံမှန်လုပ်နေကျကတော့ နယူးယောက်မြို့ဆင်ခြေဖုံးကျတဲ့ နယူးဂျာစီပြည်နယ်က အလွန်အမင်းကိုတိတ်ဆိတ်ငြိမ်သက်လှတဲ့ မေပယ်လ်ဝုဒ်မြို့လေးမှာနေတဲ့ အဖေနဲ့အမေတို့ဆီကို သွားလည်ပါတယ်။ အဖေက စစ်ဘက်ကအငြိမ်းစားမယူခင်လေးမှာ နယူးဂျာစီပြည်နယ်၊ ဥပဒေနှင့်ပြည်သူ့လုံခြုံရေးဋ္ဌာန (Department of Law and Safety) က အသစ်တီထွင်လိုက်တဲ့ရာထူးဖြစ်တဲ့ အုပ်ချုပ်ရေးဆိုင်ရာညွှန်ကြားရေးမှူး (Administrative Director) ရာထူးကို လက်ခံခဲ့ပါတယ်။ အဖေက Waterfront Rackets လူသတ်မှုကိုစစ်ဆေးနေပါတယ်။
အဖေက မနက်တိုင်းလိုလိုပဲ ထရဲန်တန်မြို့ (Trenton) မှာရှိတဲ့ သူ့ရဲ့ရုံးခန်းကို မိနစ် (၉၀) ကြာအောင်ကားမောင်းပြီးသွားရပါတယ်။ အဖေကကားမောင်းရတာကိုကြိုက်ပါတယ်။ ကားနံပတ် (၁၂) နဲ့ ဗျုခ် (Buick) ကားက အဖေ့အတွက်ရုံးကပေးထားတဲ့ကားပါ။ ကားမောင်းရင်းနဲ့ အဖေက အမြဲတမ်း ပြည်နယ်ရဲတပ်ဖွဲ့ဝင် (State Trooper) တွေကိုလိုက်ရှာကြည့်တတ်ပါတယ်။ ပြည်နယ်ရဲတယောက်ကိုဖြတ်ပြီးမောင်းမိတိုင်း အဖေကလက်ပြပြီးနှုတ်ဆက်တတ်ပါတယ်။
“အဲဒါအဖေ့တပ်ဖွဲ့ဝင်တယောက်ကွ…” လို့ပြောလေ့ရှိပါတယ်။ ညနေစောင်းရင်တော့ အဖေအိမ်ပြန်လာပြီး အမေနဲ့အရက်လေးဘာလေးတူတူသောက်မယ်၊ ထမင်းစားမယ်၊ စားပြီးရင် တီဗီကြည့်တတ်ပါတယ်။ မေပယ်ဝုဒ်မြို့ကလေးက လောရဲန့်စ်ဗီးလ်နဲ့ ပရင့်စ်တန်မြို့တွေလိုမဟုတ်ပဲ ခေတ်ဆန်တဲ့မြို့ဖြစ်ပေမယ့် အဖေနဲ့အမေတို့က မေပယ်လ်ဝုဒ်ရဲ့လူမှုရေးပွဲလမ်းသဘင်တွေမှာ သိပ်ပြီးတက်တက်ကြွကြွဝင်နွှဲတာမျိုးမရှိတော့ဘူး။ တစိတ်တပိုင်းအားဖြင့် အမေအရက်သောက်တာကြောင့်ဖြစ်နိုင်သလို၊ တခြား…တယ်ရန်၊ ဂျာမနီနဲ့ ရောမမြို့တွေမှာလူမှုရေးအခမ်းအနားတွေတက်ခဲ့ရလွန်းလို့လဲဖြစ်နိုင်တယ်လို့တော့ ကျနော်ထင်မိပါတယ်။

မေရီလဲန်းပြည်နယ်၊ ဖို့ဒ်မိဒ်ရှိ အမေရိကန်နိုင်ငံတော်လုံခြုံရေးဋ္ဌာန (NSA)

ကျောင်းပိတ်ရက်ရှည်တွေမှာတော့ အဖေ့ကားခဏငှားပြီး ၀ါရှင်တန်ဒီစီ (Washington, D.C) ကိုဒိုးတယ်။ အဲဒီမှာအရင်ဂျာမနီမှာတုန်းကဖွဲ့ခဲ့တဲ့ကျနော်တို့ရဲ့ Hoods အဖွဲ့က သူငယ်ချင်းတချို့လည်းနေနေကြတယ်လေ။ နောက်အဲဒီမှာ…ကျနော်လဲ ရည်းစားတွေတော်တော်များများ ထားဖြစ်ခဲ့ပါသေးတယ်။ အဲဒီမှာနေတဲ့ တခြားဗိုလ်လောင်းသူငယ်ချင်းတွေနဲ့လဲဆုံဖြစ်တယ်။ ဂျော့ရ်ှတောင်း (Georgetown) မြို့က အစ်မဆယ်လီရဲ့အိမ်လေးမှာလဲ ခဏတဖြုတ်ကျနော်တို့သွားနေဖြစ်ကြသေးတယ်။ ဆယ်လီက စမစ်သ်ကောလိပ်ကကျောင်းပြီးသွားတော့ နိုင်ငံတော်လုံခြုံရေးဋ္ဌာန (National Security Agency, NSA) မှာအလုပ်ဝင်နေပါတယ်။ သူ့တာဝန်ကဘာလဲဆိုတာကိုတော့ ဘယ်တော့မှပြောလေ့မရှိပါဘူး။
ရုသ်အဲန်းနဲ့ကတော့မတွေ့ဖြစ်သလောက်ပါပဲ။ သူကလူမှုရေးဝန်ထမ်းတယောက်အဖြစ် အလုပ်လုပ်နေပြီး ရုတ်ဒ်အိုင်းလဲန်း (Rhode Island) က ဖရောဗီးဒဲန့်စ်မြို့ (Providence) ကိုပြောင်းသွားပါတယ်။ ရုသ်အဲန်းတယောက်ကတော့ ရုတ်ဒ်အိုင်းလဲန်းမှာ ပြဿနာတွေ ထပ်ရှာနေဦးမယ်ဆိုတာကတော့ သေချာသလောက်ပါပဲ။
အဖေ့အနေနဲ့ကတော့ ၀က်စ်ပွိုင့်စစ်တက္ကသိုလ်မှာတော့ မယုံနိုင်စရာကောင်းလောက်အောင်ကို မြင့်မားလှတဲ့ အားကစားစွမ်းဆောင်ရည်မှတ်တမ်းရှိပါတယ်။ ကျနော့်မှတ်တမ်းကတော့ အဲဒီလောက်မကောင်းပါဘူး။ အမေရိကန်ဘောလုံးကစားရတာကတော့ စိတ်ပျက်စရာအကောင်းဆုံးပါပဲ။ ခံစစ်ရော တိုက်စစ်ရောအစုံကစားရတယ်ဗျာ။ ကျနော်ကစားလို့ဘယ်လိုမှအဆင်မပြေတာ ချက်ချင်းလိုလိုပဲသိသာလာပါတယ်။
ဝက်စ်ပွိုင့်မှာက တသင်းလုံးက တိုက်စစ်ရော ခံစစ်ရောကစားတဲ့ One Platoon စနစ်နဲ့ကစားပါတယ်။ ခံစစ်ကတော့ ကျနော့်အတွက်အဆင်ပြေပါတယ်။ ဒါပေမယ့် တိုက်စစ်လဲကျရော လေးနေတော့ နောက်တန်းပြန်ဆင်းလာတဲ့ ကျနော့်အသင်းသားတွေရဲ့ ပြေးလမ်းကြောင်းထဲကို ရောက်ရောက်သွားတယ်။ ဘောလုံးရာသီလဲကုန်ရော ကျနော်လဲ တခြားအားကစားနည်းတွေဘက်ကိုခြေဦးလှည့်ပြီး နပမ်း၊ ရိုးရိုးဘောလုံးနဲ့ အပြေးတွေမှာ ကျောင်းလက်ရွေးစင်အသင်းတွေထဲဝင်ကစားဖြစ်ပါတယ်။

စစ်ဘက်ရေးရာမှာတော့ကျနော့်အခြေအနေတော်တော်ကောင်းပါတယ်။ စစ်ယူနီဖေါင်းဝတ်ရတာကိုလဲကြိုက်တယ်။ စစ်ရေးပြအခမ်းအနား (Parade) တွေမှာ အဖေနဲ့အမေရယ်၊ ဒါမှမဟုတ် ကျနော့်ရည်းစားတယောက်ယောက်ရယ်လာအားပေးကြတာကို သဘောကျပါတယ်။ ဗိုလ်လောင်းအရာရှိ အဖြစ် ရာထူးတွေရလာတာကိုလဲကြိုက်တယ်။ သာ့ဒ်ရီးယားနှစ်မှာ ဗိုလ်လောင်းအကြပ် (Cadet Coporal) အဖြစ်ခန့်အပ်ခံရပါသေးတယ်။ ဗိုလ်လောင်းအကြပ်ဆိုတာက အတန်းတတန်းစီမှာရှိတဲ့ Second Classmen (သာ့ဒ်ရီးယားဗိုလ်လောင်းတွေ) အနက်က သုံးပုံတပုံလောက်ခန့်အပ်ခံရတဲ့ရာထူးတခုပါ။

A
ဗိုလ်လောင်းအရာရှိများ၏လက်မောင်းတွင်တပ်ဆင်ရသောရာထူးအဆင့်တံဆိပ်များ

ဖိုင်နယ်ရီးယားရောက်တော့ ဗိုလ်လောင်းတပ်ခွဲမှူး (Company Commander) အဖြစ်ခန့်အပ်ခံရပြီး၊ အဲဒီနောက် ဗိုလ်လောင်းတပ်မဟာမှူး (First Captain) အဖြစ်ခန့်အပ်ခံရပါတယ်။ ဗိုလ်လောင်းတပ်မဟာမှူးဆိုတဲ့ရာထူးကတော့ ၀က်စ်ပွိုင့်မှာဗိုလ်လောင်းတွေကိုခန့်အပ်တဲ့ ဗိုလ်လောင်းအရာရှိရာထူးများအနက် အမြင့်ဆုံးသောရာထူးပါ။
ဝက်စ်ပွိုင့်စစ်တက္ကသိုလ်ဗိုလ်လောင်းများ၏ အဆင့်ဆင့်ကွပ်ကဲမှုစနစ် (Chain of Command) မှာ First Captain (ဗိုလ်လောင်းတပ်မဟာမှူး)၊ ၄င်း၏ကွပ်ကဲမှုအောက်၌ Regimental Commander (ဗိုလ်လောင်းတပ်ရင်းကြီးမှူး) ၂ ဦး၊ ယင်းတို့၏ကွပ်ကဲမှုအောက်၌ Battalion Commander (ဗိုလ်လောင်းတပ်ရင်းမှူး) ၆ ဦး၊ ယင်းတို့လက်အောက်၌ Commander Commander (ဗိုလ်လောင်းတပ်ခွဲမှူး) ၂၄ ဦးရှိပြီး၊ ဗိုလ်လောင်းတပ်ခွဲမှူးတဦးချင်းစီမှ ဗိုလ်လောင်းအင်အား (၁၀၀) အား ကွပ်ကဲအုပ်ချုပ်သည်။
ဗိုလ်လောင်းအရာရှိဖြစ်လာတော့ ပထမဆုံးသော ခေါင်းဆောင်မှုအခြင်းအရာ (Leadership) ကို စတင်ထိတွေ့ခဲ့ရပြီး ကျနော့်အနေနဲ့အဆင်ပြေပြေနဲ့လုပ်ဆောင်နိုင်တယ်ဆိုတာကိုတွေ့ရပါတယ်။ ၀က်စ်ပွိုင့်စစ်တက္ကသိုလ်ရဲ့စနစ်မှာ ဗိုလ်လောင်းတပ်ရင်းတွေအားလုံးကို First Classmen (ဖိုင်နယ်ရီးယားဗိုလ်လောင်းတွေ) ကကွပ်ကဲအုပ်ချုပ်ပါတယ်။ နည်းပြအရာရှိတွေကတော့ ကြီးကြပ်ပေးပါတယ်။

ဗိုလ်လောင်းတပ်ခွဲမှူးဖြစ်လာတော့ မနက်အိပ်ယာထခရာမှုတ်တဲ့အချိန်ကစပြီး ညဘက်မီးပိတ်ချိန်အထိ အဆောင်ကဗိုလ်လောင်းတွေအားလုံးနဲ့ပတ်သက်ပြီးတာဝန်ရှိလာပါတယ်။ နေ့စဉ်တန်းစီတာစပြီး၊ ကင်းချတာ…ရန်ပွဲတွေကိုရှင်းရတာတွေအထိပါပဲ။ ကျနော့်အနေနဲ့ ကိုယ်တိုင်တော့လိုက်မလုပ်ပါဘူး။ ကျနော့်ကွပ်ကဲမှုအောက်မှာ ဗိုလ်လောင်းတပ်စုမှူးတွေနဲ့ ဗိုလ်လောင်းအကြပ်ကြီးတွေနဲ့ ဗိုလ်လောင်းအကြပ်တွေရှိပါတယ်။ ဒါပေမယ့်လည်း ပြဿနာတခုခုတက်ပြီဆိုရင်တော့ တပ်ခွဲမှူးဖြစ်တဲ့ကျနော့်ခေါင်းပေါ့ဗျာ။
တရက်ကျတော့ ကျနော့်တပ်ခွဲကဗိုလ်လောင်းတွေစိတ်ဓါတ်ရေးရာပျက်ပြားနေတာကို သွားသတိပြုမိတယ်။ ပြဿနာက တပ်ခွဲတွင်းမှာ အုပ်စုတွေကွဲပြီး အချင်းချင်းစောင်နေကြတာ။ အဲဒါနဲ့ တဖြည်းဖြည်းကြီးလာနေတဲ့ အုပ်စုတွေကိုဖျက်ပစ်ဖို့ ကျနော်စီစဉ်ရပါတယ်။ အုပ်စုက (၃) စုကွဲနေပါတယ်။

• တင်းကြပ်တဲ့စည်းကမ်းတွေရှိသင့်တယ်လို့ခံယူတဲ့ စစ်သွေးစစ်မာန်တွေ အလွန်တက်ကြွတဲ့အုပ်စု (Military Zealots)… ရဲဘော်မသေ…အုပ်စုပေါ့ဗျာ
• အလိုက်အထိုက်နေကြတဲ့အုပ်စု
• အများနဲ့မရောပဲကိုယ့်ဖီးလ်နဲ့ကိုယ်နေကြတဲ့အုပ်စု

ဆိုပြီး (၃) စုကွဲနေပါတယ်။ အလယ်ကအုပ်စုကတော့ ကျနော့်လိုအလိုက်အထိုက်နေကြတဲ့အုပ်စုပါ။
ငါကတပ်ခွဲမှူးကွ…အဲဒီတော့…မင်းတို့အနေနဲ့ငါပြောတာကိုလိုက်လုပ်ဖို့လိုအပ်နေတယ်…
လို့ဆိုပြီးဖြဲလိုက်ရင်တော့ အဲဒီအုပ်စုဖွဲ့တဲ့ဇာတ်လမ်းတွေလဲတခန်းရပ်ပြဇာတ်ဖြစ်သွားပါလိမ့်မယ်။

အီတလီနိုင်ငံရေးတွေးခေါ်ပညာရှင် နစ်ကိုလိုမက်ခီယာဗယ်လီ (၁၄၆၉-၁၅၂၇)

ဒါပေမယ့်ခေါင်းဆောင်ကောင်းတယောက်ဆိုတာက အဲဒီလိုခပ်တုံးတုံးအကွက်တွေမနင်းရဘူးဗျ။ အဲဒါမျိုးကညဏ်ရည်နိမ့်တဲ့ ဂလယ်အူကြောင်တွေလုပ်တာ။ ဒါမျိုးဆိုတာက ပညာသားပါပါလေးနဲ့လုပ်ရတယ်လေ။ အဲဒီတော့ ပထမဆုံးသူတို့တဖွဲ့ချင်းစီနဲ့လိုက်ဖက်တဲ့ တာဝန်ဝတ္တရားတွေကိုပေးလိုက်ပြီးသူတို့ရဲ့အင်အားတွေကိုအသုံးချလိုက်တယ်။ ပြောရရင်တော့ ဦးနှောက်ဖေါက်စားပြီး ငါးကြင်းဆီနဲ့ငါးကြင်းပြန်ကြော်လိုက်တာပေါ့ဗျာ။ တကယ်လို့ အဲဒီလိုလုပ်တဲ့ခေါင်းဆောင်မျိုးက မက်ခီယာဗယ်လီ (Machiavelli) လမ်းစဉ်ကိုကျင့်သုံးပြီး ရက်စက်ကြမ်းကြုတ်တဲ့ အာဏာရှင်လူစားမျိုးမဟုတ်ရင်တော့ ဒီအလုပ်မျိုးကအဆင်မပြေလှပါဘူး။ ဒါပေမယ့် ကိုယ်ပေးလိုက်တဲ့တာဝန်ကိုကောင်းကောင်းဆောင်ရွက်ခဲ့ပြီးလို့ ကိုယ့်ဆီကိုပြန်လာပြီး သတင်းပို့တဲ့အချိန်မှာ “ဘာထပ်လုပ်ပေးရဦးမလဲ”  လို့မေးလာတာကိုကြားရတာကတော့ နားထောင်လို့ကောင်းတာအမှန်ပဲဗျ။
အလိုက်အထိုက်နေတတ်တဲ့အုပ်စုထဲက ဗိုလ်လောင်းတယောက်က အနုပညာဆန်တဲ့အလုပ်တွေမှာ ကျွမ်းကျင်မှုရှိတယ်။ အဲတော့ တပ်ခွဲမတ်ခွက်အတွက် ဒီဇိုင်း (Company Mug Design) ဆွဲပေးဖို့တာဝန်ကိုသူ့ကိုပေးအပ်လိုက်ပါတယ်။ အဲဒီမတ်ခွက်ကိုကျနော်တို့က ကော်ဖီမတ်ခွက်အနေနဲ့သတ်မှတ်ကြပေမယ့် အမှန်ကတော့ ဘီယာမတ်ခွက်ပေါ့ဗျာ။ ဒီဇိုင်းဆွဲပြီးသွားတော့ မတ်ခွက်ကိုတံဆိပ်ရိုက်ပြီး အားလုံးအပြီးအစီးထိဆက်လုပ်ဖို့ တာဝန်ဆက်ပေးလိုက်ပါတယ်။

အင်း..အဲဒီမှာ စစ်သွေးစစ်မာန်တွေအရမ်းပြင်းထန်တဲ့ ရဲဘော်မသေ…အုပ်စုနဲ့ အကိုက်ဆုံးအလုပ်တခုကို ထပ်တွေ့တယ်။ အဲဒါကတော့…ဖတ်စ်ရီးယားဗိုလ်လောင်းတွေကို ကောင်းကောင်းကျပ်ဖို့ပါ။ ခိုင်းသာခိုင်းရပေမယ့် စိတ်ထဲမှာတော့ တော်တော့်ကိုမကောင်းလှဘူး။ သိတဲ့အတိုင်းပဲ ရဲဘော်မသေ…တွေက ဖတ်စ်ရီးယားတွေကို သတိမတ်နေအောင်ဆွဲခိုင်းပြီးကျပ်၊ ဖိနပ်ပြန်တိုက်ခိုင်းတာတို့..တခြားသူတို့အမြင်မတော်တာတွေလုပ်ခိုင်းတာတို့နဲ့ ရေလည်ကိုကျစ်တာ၊ အုပ်တာလေ။ ဒါပေမယ့် ဖတ်စ်ရီးယားတွေကို ကျပ်တာ၊ လေ့ကျင့်ပေးတာတွေကို အတိုင်းအတာတခုအထိသတ်မှတ်ထားပါတယ်။
အရမ်းပြင်းထန်လာပြီဆိုရင်တော့ ကျနော်ခပ်မြန်မြန်ကြားဝင်ပြီးပွဲထိန်းလိုက်တယ်။ ကျနော့်အနေနဲ့ကတော့ ဖတ်စ်ရီးယားဗိုလ်လောင်းတွေကို သင်ကြားပြသပေးတာ၊ စံနမူနာကောင်းပြပြီးအတုယူစေပြီး ပထမနှစ်တနှစ်ကိုသူတို့အောင်မြင်စွာနဲ့ဖြတ်သန်းသွားနိုင်အောင် ကူညီပေးတာတွေကနေ ပိုကောင်းတဲ့ရလာဒ်တွေကိုထွက်ပေါ်လာစေတယ်ဆိုတာကို တွေ့ရှိခဲ့ပါတယ်။ (ဆက်လက်ဖေါ်ပြပါမည်…)

http://freedomnewsgroup.com/2012/04/13/it-doesnt-take-a-hero-12/ 

သူရဲကောင်းဆိုတာ… အခန်း (၅) ၊ ဒုတိယပိုင်း

by FNG on April 1, 2012

 

6

 

1

 

မဲပေးပါ

Daniel Kane
စကားချပ်၊       ၊စာရှုသူများအနေနှင့် ယခုအပိုင်းတွင် (၁၉၅၂) ခုနှစ်အတွင်း ၀က်စ်ပွိုင့်စစ်တက္ကသိုလ်၏ပညာသင်
ကြားရေးစနစ်အား ထိတွေ့ခွင့်ရရှိကြမည်ဖြစ်ပါသည်။ အတော်ဆုံးဆိုသော ကျောင်းသားများကို
အဆင့်ဆင့်စိစစ်ရွေးချယ်ပြီးမှ လက်ခံလေ့ကျင့်သင်ကြားပေးသော ၀က်စ်ပွိုင့်တက္ကသိုလ်၏ (စာပေ)
ပညာရေးသက်သက်သည်ပင် အမေရိကန်တက္ကသိုလ်များတွင် ထိုအချိန်ကစနစ်သည်ပင် ယနေ့မြန်မာ
စစ်တက္ကသိုလ်ထက်အဆပေါင်းများစွာ ကောင်းမွန်လှပါသည်။ ယနေ့ဝက်စ်ပွိုင့်စစ်တက္ကသိုလ်မှာမူ
ယခင်ထက်စာလျှင် အပြောင်းအလဲနှင့် တိုးတက်မှုများရှိနေမည်ဖြစ်သည်။
မြန်မာစစ်တက္ကသိုလ်တွင် နောက်သလိုပြောင်သလိုပြောကြာသောစကားတခွန်းရှိပါသည်။ ၄င်းမှာ…
ညကျက်မနက်ဖြေ DSA ဟူသတတ်။ ထိုစကားအားဟုတ်ပါသည်ဟု ထောက်ခံကြသူများမှာလည်း
ဒုနဲ့ဒေးပင်။ စစ်အရာရှိများ ပညာမတတ်သောအခါ အမှားအမှန်မခွဲခြားတတ်တော့ပဲ မိမိနှင့်မအပ်စပ်
သည့် အုပ်ချုပ်ရေး၊ ဥပဒေပြုရေး၊ တရားစီရင်ရေးနှင့် စီးပွားရေးတို့တွင် ၀င်စွက်၍ နိုင်ငံနှင့်ပြည်သူ
ကိုရော၊ စစ်တပ်ကိုပါ ဖျက်ဆီးလေတော့၏။ ပြည်ပစစ်တပ်များနှင့်ရင်ဆိုင်ရလျှင်လည်း ဂနို
ကျနေသော ခွေးနာကဲ့သို့ ကုပ်ချောင်းချောင်းနှင့် အမြီးကုပ်၍ ငြိမ်နေတော့သည်။
ယခင်မြန်မာဒု-စစ်ဦးစီးချုပ်မောင်အေး၊ လက်ရှိမြန်မာသမ္မတဦးသိန်းစိန်၊ ဒုသမ္မတ တင်အောင်မြင့်ဦး၊ ကက်ဘိနက်အဖွဲ့ဝင်ဝန်ကြီးများ၊ ပြည်နယ်နှင့်တိုင်းအစိုးရအဖွဲ့ဝင်များအပါအ၀င်နှင့် ယနေ့မြန်မာ
စစ်တပ်ကို ဦးဆောင်နေသော မင်းအောင်လှိုင်မှစ၍ အဓိကကျသော ရာထူးအဆင့်ဆင့်များကို
ရယူထားသော စစ်အရာရှိများအများစုမှာ မြန်မာစစ်တက္ကသိုလ်ဆင်းများ ဖြစ်ကြပါသည်။ ဂိုဏ်း
စတားဆန်ဆန် လက်နက်အားကိုးဖြင့် စစ်တပ်နှင့်လားလားမှမအပ်စပ်သော နိုင်ငံအုပ်ချုပ်ရေး၊
ဥပဒေပြုရေးနှင့် တရားစီရင်ရေးတို့တွင် ၀င်ရောက်ခြယ်လှယ် ကြီးစိုးနေကြသော်လည်း သမ္မတ
ဦးသိန်းစိန်မှစ၍ ၄င်းတို့အနက်အားလုံးနီးပါးမှ အင်္ဂလိပ်လိုပင် ကျွမ်းကျင်စွာမပြောဆိုနိုင်ကြပေ။
မကြာမီကအကျယ်ချုပ်မှလွတ်လာသော ၀န်ကြီးချုပ်ဟောင်း ခင်ညွန့်အား သတင်းထောက်တဦးမှ
မေးခွန်းတခုမေးရာ သတင်းထောက်ပြောသောစကားကို နားမလည်သော ခင်ညွန့်သည်
ဘာပြန်ပြောရမှန်းလည်းမသိ၍ Very Good, Very Good! ဟုပြောမိပြောရာလျှောက်ပြော၍
သတင်းထောက်မှာလည်း အခြေအနေကိုရိပ်မိ၍ဆက်မမေးတောု့ သည်အား သတိပြုမိပါသည်။
ယနေ့နိုင်ငံတကာအသိုင်းအ၀ိုင်းတွင် ပညာတတ်ဟုဆိုလာလျှင် အင်္ဂလိပ်စကားပြောနိုင်ရမည်ဟု
အားလုံးကတထစ်ချယူဆထားကြပါသည်။ မကြာမီကမှတက်လာသော ထိုင်းဝန်ကြီးချုပ်
ယဉ်လတ်သည်ပင်
မြန်မာဗိုလ်ချုပ်လူထွက်တွေ အင်္ဂလိပ်စကားပြောတော်တော်ညံ့တယ်…
ဟုထောပနာပြုသွားသည်အထိပင်။ အမှန်မှာမြန်မာစစ်အရာရှိအားလုံးနီးပါးတို့ ညံ့သည်မှာ အင်္ဂလိပ်
ဘာသာရပ်တွင်သာမကပဲ ၄င်းတို့ရရှိခဲ့သော ပညာရေးသည်အရည်အသွေးပြည့်ဝသည့် အဆင့်မှီ
ပညာရေးမဟုတ်ပါ။ အဖြစ်သင်ပေးသော နာမည်ခံပညာရေးသာဖြစ်ပါ၏။ ပညာရေးညံ့၍ စစ်ရေး
တွင်ရောတော်သလားဟုဆိုလျှင် လတ်တလော၌ ဘင်္ဂလားဒေ့ရ်ှနှင့် ထိပ်တိုက်တွေ့ခဲ့သော ရှင်မဖြူ
ကျွန်းအရေးအခင်းနှင့် (၂၀၀၁) ခုနှစ်တွင် ထိုင်းနှင့်ဖြစ်ခဲ့သည့် လူသိပ်မသိလိုက်သော ထိုင်း-မြန်မာ
နယ်စပ်တိုက်ပွဲတို့အား လေ့လာကြည့်လျှင် စီးပွားရေးနှင့် နိုင်ငံရေးတွင်သာစိတ်ဝင်စားသော
မြန်မာစစ်တပ်၏စစ်ရေးစွမ်းရည်အား ကောင်းကောင်းသိရှိနိုင်ပါသည်။
နိုင်ငံတကာတွင် အစည်းအဝေးများသွားသွားတက်နေသော မြန်မာသမ္မတဦးသိန်းစိန်ဆိုလျှင်
အင်္ဂလိပ်စကားပြော တော်တော်ကိုညံ့ပါသည်။ တလောက VOA နှင့်အင်တာဗျူးတွင် မြန်မာလို
သာပြောခြင်းဖြစ်သော်လည်း ဦးသိန်းစိန်ပြောသွားသော စကားများမှာ ယူထားသောသမ္မတရာထူးနှင့်
လားလားမှမအပ်စပ်သည်အထိ အလွန်ပင်နိမ့်ကျလှပါသည်။ သူ့အပြစ်တော့မဟုတ်ပါ။ သူနှင့်မ
အပ်စပ်သောနေရာသို့ရောက်နေ၍ဖြစ်ပါသည်။ ဥပမာပြရလျှင် လမ်းတခြမ်းခင်းအောင်သိန်းလင်းတို့၊
သက်တော်ရှည်အောင်တောင်းတို့၊ လယ်ကျွန်မြင့်လှိုင်တို့၊ အကယ်ဒမီကျော်ဆန်း (မိချောင်းမျက်ရည်)
တို့ စသဖြင့် ရေးချလို့ကိုမဆုံးနိုင်တော့ပါ။ ဂိုဏ်းစတားယူနီဖေါင်းဝတ်အားလုံးနီးပါးဖြစ်သည်။
သို့သော်၎င်းတို့၌တူညီသောအချက်မှာ အလွန်ချမ်းသာလိုကြခြင်းပင်။ ထိုကဲ့သို့သောလူစားများမှာ
လက်နက်အားကိုးဖြင့် နိုင်ငံရေးအာဏာကို မတရားသိမ်းပိုက် (Usurp) လုပ်ထားသောအခါ ၁၉၄၈
မတိုင်မီအထိ အင်္ဂလိပ်ကိုသာကျွန်ခံခဲ့ရသော မြန်မာနိုင်ငံသားများမှာ ယနေ့အခါ ပြည်တွင်း၌ရော၊
ပြည်ပ၌ပါ နိုင်ငံတကာကျွန်များဖြစ်လာကြသည်။ အကျိုးဆက်ကား နိုင်ငံတကာစစ်တမ်းများတွင်
မြန်မာဆိုလျှင် ကောင်းသည့်နေရာတိုင်း၌ဘိတ်၊ မကောင်းသည့်နေရာတိုင်း၌ထိပ် ဖြစ်လာရပြီး
မြန်မာတို့၏လူမှုဘ၀များ အလွန်အမင်းနိမ့်ကျသွားရသည်။
နိုင်ငံရေးကောင်းမွန်မှ စီးပွားရေးကောင်းမွန်၊ နိုင်ငံတကာဆက်ဆံရေးကောင်းမွန်၊ စီးပွားရေးကောင်းမွန်မှ
စစ်ရေးဘတ်ဂျက်အားကောင်းနိုင်ပြီး၊ ပညာရေးကောင်းမှ မှန်ကန်သောခံယူချက်ရှိပြီး အရည်အချင်းပြည့်ဝ၍
နိုင်ငံအတွက်အကျိုးပြုမည့်တပ်မှူးများနှင့် ပရော်ဖက်ရှင်နယ်ပီသသော နိုင်ငံတကာအဆင့်မှီတပ်မတော်တ
ရပ် ဖြစ်ပေါ်လာမည်ဖြစ်သော်လည်း ပညာမတတ်၊ စာမတတ်သော မြန်မာလူမိုက်စစ်ဗိုလ်ချုပ်များအနေနှင့်ကား
တပ်မတော်အင်အားရှိမှ တိုင်းပြည်အင်အားရှိမည်ဟု ကြွေးကြော်နေဆဲဖြစ်သည်။ စကားကဇာတိပြဆိုသလိုပင်
၎င်းတို့ပညာမဲ့ခြင်းကို ထိုစကားမှသက်သေခံပါသည်။ ၄င်းတို့ဆိုလိုသည်မှာကား ၄င်းတို့ဂိုဏ်းစတား
စစ်ဗိုလ်ချုပ်များချမ်းသာမှ တပ်မတော်အင်အားရှိမည်ဟုများ သွယ်ဝိုက်၍ဆိုလိုသည်လားမသိပါ။
စစ်တပ်နှင့်လားလားမှမသက်ဆိုင်သော နိုင်ငံရေးတွင်ဝင်ပါဦးမည်ဟု မနေ့တနေ့က မင်းအောင်လှိုင်ပြောခဲ့သော
စကားကို ထောက်ချင့်၍ မြန်မာစစ်တပ်သည် ယနေ့အချိန်ထိလည်း ကိုယ်နှင့်မအပ်စပ်သည့်နေရာတွင်ဝင်ရှုပ်ပြီး
နိုင်ငံနှင့်ပြည်သူဒုက္ခပေးဦးမည်ဟု ယူဆရသည်။ နိုင်ငံကိုကာကွယ်သောတပ်မတော်ဟု တကြော်ကြော်အော်
ဟစ်နေသလောက် ထိုင်းတပ်မတော်နှင့် ဘင်္ဂလားဒေ့ရ်ှတပ်မတော်တို့အား ရင်မဆိုင်နိုင်သောကြောင့် စစ်တပ်နှင့်သက်ဆိုင်သော နိုင်ငံ့ကာကွယ်ရေးတွင် ခွေးနာကဲ့သို့အမြီးကုပ်နေရသော်လည်း၊ စစ်တပ်နှင့်မဆိုင်သော
ပါတီနိုင်ငံရေး၊ စီးပွားရေး၊ အုပ်ချုပ်ရေး၊ ဥပဒေပြုရေး၊ တရားစီရင်ရေးကဏ္ဍများတွင် ထိပ်ဆုံးမှတွေ့ရမည်ဖြစ်သော တပ်မတော် ဟုဆိုသော အော်ကြော့လန်မြန်မာစစ်တပ်အား ဓါးပြ (Bandit) ၊ ယာကူဇာ (Yakuza) နှင့် မာဖီးယား (Mafia)
တို့ကိုပေါင်းစပ်ထားသော ဘာကူဇာဖီးယား (Bakuzafia) ဟုပင်ခေါ်ရမလိုဖြစ်နေ၏။ “တပ်မတော်သာငပိ၊
တပ်မတော်သာငပွ” ဟုဆိုကြခြင်းသည်လည်း သမိုင်းကြောင်းအရ အပ်စပ်မှုရှိလာပါသည်။
ဇာတ်သိမ်းမကောင်းသော စစ်အာဏာရှင်ဟောင်းနေ၀င်းလက်ထက်တွင် လူကောင်းလူတော် ဆိုသော
စကားတခွန်းခေတ်စားခဲ့ဖူးပါသည်။ အဓိပ္ပာယ်မှ ခိုင်းတာမှန်သမျှဆိုးဆိုးကောင်းကောင်း အကုန်လုပ်သော
သာမန်လူများကို နေရာပေးခြင်းဖြစ်သည်။ ခိုင်းတာမှန်သမျှအကုန်လုပ်လျှင်၊ မတော်လည်း လူကောင်းဟုသတ်မှတ်ခံရ၍ နေရာပေးခံရကာ နေ၀င်း၏မိသားစုအားပြန်၍ ထောင်ထဲပို့ခဲ့သော သန်းရွှေကဲ့
သို့သောလူစားမျိုးများ နေ၀င်းခေတ်တွင် အများအပြားရှိခဲ့၍ ထိုသူများမှာ အရှင်မွေးနေ့ချင်းကြီးသူ
များဖြစ်ကြသည်။ သို့သော်လည်း ထိုတကိုယ်ကောင်းသမား၊ တဘို့တည်းသမား နွားအများစုမှာဇာတ်
သိမ်းမကောင်းကြသည်ကိုကား အားလုံးအသိပင်။
နိုင်ငံနှင့်လူမျိုးကို အမှန်တကယ်အကျိုးပြုမည့် တကယ့်လူတော်များကိုကား နေ၀င်းတည်ထောင်ခဲ့သော
အာဏာရှင်စနစ်အတွင်း လူကြိုက်မများလှပဲ တော်ရိလျော်ရိဖြင့်သာစခန်းသွားကြရပါသည်။ ယနေ့မြန်မာ
အစိုးရအဖွဲ့အစည်းများနှင့် မြန်မာစစ်တပ်အတွင်း၌လည်း ထိုအတိုင်းပင်ဖြစ်နေပြီး လူတော်များနေရာမရပါ။
ထို့ကြောင့် Brain Drain ဖြစ်လာပြီး မြန်မာလူ့အဖွဲ့အစည်းအတွင်းမှ ကြီးကြီးငယ်ငယ်လူတော်များအား
လုံးနီးပါး ပြည်ပသို့ထွက်ကုန်ကြသည်။ ထိုအခြင်းအရာအား သမ္မတဦးသိန်းစိန်၏အကြံပေးအဖွဲ့ကိုကြည့်လျှင်
သိမြင်နိုင်ပါသည်။
မြန်မာတနိုင်ငံလုံး ဂိုဏ်းစတား ဘာကူဇာဖီးယား တပ်မတော်၏လက်ချက်ဖြင့်  ဘက်စုံချွတ်ခြုံကျသွားသော
ယနေ့ခေတ်တွင်မူကား Brain Drain အဆင့်မဟုတ်တော့ပဲ တော်သူရောမတော်သူများပါ ရသမျှနည်းမျိုးစုံဖြင့် အပြုံလိုက်ပြည်ပသို့အပြီးရွှေ့ပြောင်းအခြေချကုန်ကြသော Mass Emigration အဖြစ်အသွင်ပြောင်းလာပြီး
ထိုင်း၊ စင်္ကာပူ၊ ဟောင်ကောင်၊ ထိုင်ဝမ်၊ မလေးရှား၊ သြစတြေးလျ၊ နယူဇီလန်၊ ကနေဒါ၊ အမေရိကန်ပြည်ထောင်စု
၊ အင်္ဂလန်၊ နော်ဝေ၊ ဆွီဒင်၊ ဖင်လန်၊ ဒိန်းမတ်၊ ဆွစ်ဇာလန်နှင့် အခြားသော ဥရောပနိုင်ငံများသို့ နိုင်ငံသားခံယူရန်
အတွက် အပြီးရွှေ့ပြောင်းအခြေစိုက်ကုန်ကြသည်။ ဒီကြားထဲ သန်းရွှေ့သမီးတွေကအစ အရှက်မရှိ အဖေကဗိုလ်
ချုပ်မို့လို့အဖေနာမည်ပြောင်းပြီး အနောက်နိုင်ငံများသို့ အသေရရအရှင်ရရထွက်သော ဂိုဏ်းစတားမြန်မာဗိုလ်ချုပ်
များနှင့် ၄င်းတို့၏လက်ဝေခံခရိုနီများ၏ သားသမီးဆွေမျိုးများကလည်းရှိသေးသည်။ နိုင်ငံခြားပတ်စ်ပို့ကိုင်ပြီး ခဏတာအလည်ပြန်လာကြသူများ၊ ဂေါ်မစွံ၍မိန်းမယူ၊ ယောက်ျားယူရန်အတွက် မြန်မာပြည်သို့ခေတ္တပြန်လာသူများနှင့် မည်ကာမတ္တနာမည်ခံအပြောင်းအလဲ၌ နိုင်ငံရေးလုပ်စားရန် ဂွင်လာရိုက်သူများကို ပြည်တော်ပြန်လာပြီဟု
လိပ်ခေါင်းထွက်မတတ်အော်နေသူများလည်း အများအပြားရှိပါသည်။
မြန်မာပညာရေးစနစ်တခုလုံးကိုပြုပြင်ပြောင်းလဲရန်လိုအပ်သည်နှင့်အလားတူ  မြန်မာစစ်အရာရှိများကို
မွေးထုတ်ပေးသော မြန်မာစစ်တက္ကသိုလ်၏ စာပေပညာရေးစနစ်နှင့် လေ့ကျင့်ရေးစနစ်အား နိုင်ငံတကာ
အဆင့်မှီ ပြုပြင်ပြောင်းလဲပေး၍ ယခုလို အမှတ်စာရင်းတင်ပြရန်မလိုသော လူရှော်များအစား တကယ့်
လူတော်များကိုသာ စိစစ်လက်ခံလေ့ကျင့်သင်ကြားပေးခြင်းမှ ရရှိလာမည့်ဂုဏ်သိက္ခာရှိသော ပညာတတ်
လူတော်စစ်အရာရှိများသည် မိမိနှင့်သက်ဆိုင်သောကဏ္ဍသာလျှင်ဖြစ်သည့် နိုင်ငံတော်ကာကွယ်ရေး၌
ထိထိရောက်ရောက် စွမ်းဆောင်နိုင်ပြီး ပြည်တွင်းနှင့်ပြည်ပတို့တွင် လေးစားမှုရရှိလာမည်ဖြစ်ပါသည်။
၎င်းတို့သည် (လက်ရှိမြန်မာဗိုလ်ချုပ်များကဲ့သို့ ဂုဏ်သာရှိပြီး သိက္ခာမရှိသောသူများကဲ့သို့မဟုတ်ပဲ)
ဂုဏ်သိက္ခာရှိသူများဖြစ်လာမည့်အလျောက် မိမိနှင့်မသက်ဆိုင်သော ကဏ္ဍများတွင်လည်း သိက္ခာအကျခံပြီး
ဝင်ရောက်စွက်ဖက်ကြမည့်မဟုတ်၍ မြန်မာနိုင်ငံအတွက် အလားအလာကောင်းများ ဖြစ်ထွန်းလာမည်ဖြစ်ပါသည်။

သူရဲကောင်းဆိုတာ…

အခန်း (၅) ၊ ဒုတိယပိုင်း

Alexander the Great (356 - 323 B.C)

Daniel Kane အကြမ်းတမ်းဆုံးဖြစ်တဲ့ စစ်သင်တန်းကို နွေရာသီမှာမှစမှာဖြစ်ပေမယ့်လည်း ကျနော်တို့တွေအနေနဲ့လည်း
စာပေသင်တန်းချိန်ကာလ (Academic Year) အတွင်းမှာကို လုံးဝမအားလပ်ကြပါဘူး။ စစ်ပညာသင်ပေးတဲ့
ဝက်စ်ပွိုင့်စစ်တက္ကသိုလ်က ကောင်းလဲကောင်း၊ ခက်လဲခက်ခဲတဲ့ အင်ဂျင်နီယာနည်းပညာတက္ကသိုလ်
(Engineering School) တခုလည်းပဲ ဖြစ်ပါတယ်။ ကျနော်တို့စာသင်ချိန်တွေမှာ ဂရိဧကရာဇ် မဟာအလက်ဇန္ဒား
(Alexander the Great) ကနေစပြီး ဒုတိယကမ္ဘာစစ် (WWII) အဆုံးထိ အရေးပါတဲ့စစ်ပွဲတွေအကြောင်းကို
လေ့လာသင်ယူနေကြရသလိုပဲ ရူပဗေဒဘာသာရပ် (Physics)၊ အင်ဂျင်နီယာဘာသာရပ်များ (Engineering)၊
သင်္ချာဘာသာရပ် (Math) နဲ့ လူမှုသိပ္ပံဘာသာရပ် (Social Science) တွေကိုလဲ သင်ယူကြရပါတယ်။
နေ့စဉ်လည်း အိပ်ဆောင်စစ်ဆေးမှု (Barrack Inspection)၊ ၀တ်စားဆင်ယင်မှုစစ်ဆေးမှု (Turnout Inspection)
တွေကိုခံယူရတာတွေနဲ့ ကာယလေ့ကျင့်မှု (Drill) တွေလုပ်ကြရပါတယ်။ ကျောင်းချင်း၊ ကောလိပ်ချင်း၊
တက္ကသိုလ်ချင်းယှဉ်ပြိုင်မှုတွေ၊ တပ်ခွဲလိုက်ယှဉ်ပြိုင်မှုတွေမှာ ဗိုလ်လောင်းတိုင်းလိုလို ပြိုင်ပွဲတခုမဟုတ်တခုမှာ
ပါဝင်ပတ်သက်နေတော့ အားကစားဆိုတာကတော့ စကားထဲကို ထည့်ပြောနေစရာမလိုတဲ့အထိပါပဲ။

ဗိုလ်လောင်းစားရိပ်သာ

တချို့ညနေတွေဆိုရင် နပမ်းလေ့ကျင့်မှုပြီးသွားလို့ ညစာစားပြီး အခန်းထဲပြန်ရောက်တာနဲ့ ကျနော်တုံးကနဲ
အိပ်ပျော်သွားတာ ညလယ်စာ (Supper) စားတဲ့အချိန်ထိပဲ။ ညပိုင်းစာကြည့်ချိန်အတွက်ပဲ ပြန်ထတယ်။
ပြင်ပလောကမှာ ဟိုက်ဒရိုဂျင်ဗုံး (H-Bomb) စမ်းသပ်ဖေါက်ခွဲတာ၊ ကိုရီးယားစစ်ပွဲ (Korean War) ပြီးသွားတာ၊
ဒဲန်ဘဲန်ဖူးခံတပ် (Dien Bien Phu) ကျသွားတာ၊ စစ်တပ်နဲ့ ကွန်မြူနစ်ဆန့်ကျင်ရေး အထက်လွှတ်တော်အမတ်
ဂျိုးဇက်ဖ်မက်ကာသီ (Joseph McCarthy) တို့ ထိပ်တိုက်ဆိုင်ကြတာ တွေ အရှိန်ကောင်းကောင်းနဲ့ဖြစ်
ပျက်နေပေမယ့်လည်း ဖတ်စ်ရီးယားဗိုလ်လောင်းဖြစ်တဲ့ ကျနော့်အနေနဲ့တော့ ၀ိုးတိုးဝါးတားလောက်ပဲ သိခဲ့ပါတယ်။

ကွန်မြူနစ်ဆန့်ကျင်ရေးဝါဒီအမေရိကန်အထက်လွှတ်တော်အမတ်ဂျိုးဇက်ဖ်မက်ကာသီ

စစ်တပ်-မက်ကာသီ အရေးကိစ္စကို ကြားနာစစ်ဆေးမှုတွေလုပ်နေတဲ့အချိန် (၁၉၅၄) အီစတာပွဲတော်ပိတ်ရက်မှာ
အိမ်ပြန်တော့၊ အဲဒီစစ်ဆေးမှုကို တီဗီကနေတိုက်ရိုက်လွှင့်ပြနေပါတယ်။ အဲဒါနဲ့ကျနော်လဲ တီဗီရှေ့ကနေ
မခွာနိုင်တော့ဘူး။ ကြည့်ရင်းနဲ့ မက်ကာသီက ကေသုံးလုံးဂိုဏ်း (Ku, Klux, Klan) လိုပဲဂေါက်တောက်တောက်နိုင်တယ်
လို့ ထင်မိတယ်ဗျာ။ သူကလူတဦးတယောက်ရဲ့ အခွင့်အရေးနဲ့ပတ်သက်ပြီး လုံးဝထည့်မတွက်ဘူးဗျ၊
ကျနော်တော့ သူ့နည်းလမ်းတွေကို မနှစ်မြို့ဘူးဖြစ်မိတယ်။ ဒါပေမယ့် ကွန်မြူနစ်တွေနဲ့ပတ်သက်လို့တော့
သူထင်တာမှန်ဖို့အလားအလာများပါတယ်။ ကွန်မြူနစ်ကလာပ်စည်း (Communist Cell) တွေကနေရာတကာမှာကိုရှိနေတာကလား။ ဝေးဝေးလံလံတောင်ပြေးကြည့်စရာမလိုဘူးလေ။
ကျနော့်ရဲ့အစ်မတော် ရုသ်အဲန်း တယောက်လုံးက ကွန်မြူနစ်ဖြစ်နေပြီကိုး။
အမေရိကန်ပြည်ထောင်စုရဲ့လျှို့ဝှက်ချက်တွေ အခိုးခံနေရတယ်ဆိုတာ ဟစ်(စ)နဲ့ရိုဇဲန်ဘတ်ဂ်အမှု
(The Hiss and Rosenberg Case) ကိုကြည့်ရသိသာပါတယ်။ အရင်ကဘာမှမရှိတဲ့ ဆိုဗီယက်က
အခုနျူကလီးယားနည်းပညာမှာလိုက်မှီလာပြီး တကမ္ဘာလုံးကိုကွန်မြူနစ်ဇာတ်သွင်းပြီး ချုပ်ကိုင်
ချင်နေတယ်။ ကျနော့်ကတော့ ကွန်မြူနစ်ဆန့်ကျင်ရေးသမားစစ်စစ်တယောက်ပါ။ အမေရိကန်နိုင်
ငံတော်ကို ကာကွယ်ဖို့အတွက်ပဲ ဦးတည်ချက်ထားပါတယ်။

ဝက်စပွိုင့်စစ်တက္ကသိုလ်ရှိစာသင်ခန်းတခု

ဝက်စ်ပွိုင့်စစ်တက္ကသိုလ်မှာ စစ်ဘက်ယဉ်ကျေးမှုဓလေ့စရိုက်တွေကို အထိရောက်ဆုံးလို့ယူဆရတဲ့
နည်းလမ်းတွေနဲ့ သင်ကြားပါတယ်။ တကယ့် စစ်သူရဲကောင်းတွေကို ကျနော်တို့အတွက် နည်းပြဆ
ရာတွေအဖြစ်ခန့်အပ်ပြီး သင်ကြားစေပါတယ်။ ကျနော်တို့ ဖတ်စ်ရီးယား စာပေသင်တန်းကာလမှာ
ဒုတိယကမ္ဘာစစ်တုန်းက သံချပ်ကာ(တင့်) တပ်မှူးအဖြစ်တိုက်ပွဲဝင်ခဲ့တဲ့ ဒုတိယဗိုလ်မှူးကြီးဂျိမ်းစ်ဟော်
လင်ဂ်စ်ဝါ့သ် (Lt Col. James Hollingsworth) ကကျနော်တို့ကို စစ်ဗျူဟာသင်ခန်းစာ (Tactics)
တွေကို ပို့ချပါတယ်။ ဒုဗိုလ်မှူးကြီးဟော်လင်ဂ်စ်ဝါ့သ် ကစိတ်ဝင်စားစရာကောင်းတဲ့ ဆရာကောင်း
တယောက်ဖြစ်ပြီး အဆဲလည်းသန်ပါတယ်။

ဗိုလ်ချုပ်ဟော်လင်ဂ်စ်ဝါ့သ်

မှတ်ချက်။ ဒုဗိုလ်မှူးကြီးဟော်လင်ဂ်စ်ဝါ့သ် သည် အသက် (၂၆) နှစ်၌ ကြည်းတပ်ဒုတိယဗိုလ်မှူးကြီး
အဆင့်ကို ရရှိခဲ့သူဖြစ်ပြီး ဒုတိယကမ္ဘာစစ်အတွင်းက အကောင်းဆုံးသံချပ်ကာတပ်မှူး (၂) ဦးထဲမှ
တဦးဖြစ်သည်ဟု ဗိုလ်ချုပ်ကြီးပက်တန်ရဲ့ အသိအမှတ်ပြုမှုကို ရရှိထားသူဖြစ်ပါတယ်။ နောက်ပိုင်းတွင်
ဒုတိယဗိုလ်ချုပ်ကြီးအဆင့်ထိ စစ်ရေးတာဝန်များကိုထမ်းဆောင်ခဲ့သွားခဲ့ပါတယ်။ ၄င်းအားဂုဏ်ပြု၍ထု
လုပ်ထားသည့် ပုံတူကျောက်ရုပ်များအနက်မှ တခုအား Texas A&M University, TAMU) အတွင်း၌
ထားရှိပြီး ယနေ့ထိဂုဏ်ပြုအခမ်းအနားများကျင်းပလေ့ရှိသည်။)
စာသင်နေရင်းနဲ့ ခြေလျင်ခံစစ်အနေအထားအတွက် စက်သေနတ်ကိုဘယ်လိုနေရာချရမလဲဆိုတာကို
ရှင်းပြရမယ့်အစား သင်ခန်းစာပို့ချချက်ကနေ ချော်တောငေါ့သွားပြီး သူမြောက်အာဖရိက စစ်မြေပြင်မှာ
တုန်းက ဒါမှမဟုတ် ဥရောပတိုက်ကိုဖြတ်လာတဲ့ သံချပ်ကာစစ်ကြောင်းထဲမှာ ပါဝင်ခဲ့တုန်းက…
ကိုယ်နဲ့ဂျော်ဂျီပက်တန်တို့ တင့်ကားတွေနဲ့ကာဆာရင်းတောင်ကြား (Kasserine Pass) ကိုဖြတ်ပြီး…
စတဲ့…သူ့တပ်တွေအောင်ပွဲခံခဲ့ကြတဲ့မြင်ကွင်းတွေကို မြိန်ရေရှက်ရေနဲ့ကို ပြောပြတော့တာလား။ ကျနော်
တို့ဖတ်စ်ရီးယားတွေဆိုတာ သူ့စကားတခွန်းမှလွတ်မသွားရအောင်ကို တမေ့တမောနဲ့ အားအကျကြီးကျပြီး
နားထောင်နေကြတော့တာပေါ့ဗျာ။ ဒုဗိုလ်မှူးကြီးဟော်လင်ဂ်စ်ဝါ့သ် တို့လို ဆရာမျိုးတွေကြောင့် ဖတ်စ်ရီး
ယားဘ၀အကျစ်ခံရတာ၊ အအုပ်ခံရတာတွေကို ခပ်လွယ်လွယ်ပဲ သည်းခံလာနိုင်ပါတယ်။
(မှတ်ချက်။ သံချပ်ကားစစ်ဆင်ရေးတွင် အမေရိကန်တပ်မတော်၏ နံပတ်တစ်ဟုယူဆထားကြသော သံချပ်
ကာတပ်မှူးကြီးဖြစ်သူ ဗိုလ်ချုပ်ကြီးဂျော့ရ်ှပက်တန် ၏အကြောင်းအား အခန်း (၄) ၊ ဒုတိယပိုင်းတွင် အနည်း
ငယ်ဖေါ်ပြခဲ့ပြီးဖြစ်ပါသည်။ ဒုတိယကမ္ဘာစစ်အတွင်း၌ ၄င်းတို့ရင်ဆိုင်နေရသော အမေရိကန်တပ်မှူးသည်
ဂျော့ရ်ှပက်တန်ဟု သိလိုက်ရသော ဂျာမန်တပ်မှူးများအနေနှင့် တော့်တော့်ကိုစိတ်မသက်မသာဖြစ်ကြရသည်
အထိ ဗိုလ်ချုပ်ကြီးပက်တန်အား ဂျာမန်တပ်များမှရွံ့ကြရသည်။)
ကျနော်လဲ ဒုဗိုလ်မှူးကြီးဟော်လင်ဂ်စ်ဝါ့သ်ကြောင့် သံချပ်ကာတပ်မှူးတယောက်ဖြစ်ချင်တာ
အချိန်တော်တော်ကြာကြာပါပဲ။ တင့်ကားတွေက စစ်ကစားနိုင်တယ်၊ ပစ်အားကောင်းတယ်၊ ရန်သူကို
တုန်လှုပ်သွားစေနိုင်တဲ့အချိန်မှာ ခြေလျင်တပ်တွေက တနာရီ (၂.၅) မိုင်နှူန်းနဲ့ ဘယ်ညာဘယ်
ညာလျှောက်လိုက် စဉ်းစားလိုက်ပေါ့။ ကျနော့်စိတ်ကို ဘယ်လိုဆွပေးရမလဲဆိုတာကို
သူကကောင်းကောင်းသိတယ်ဗျ။ ကျနော်တို့ ဖတ်စ်ရီးယားမှာပဲ (၃.၅ လက်မ) ရော့ကက်လောင်ချာကို
လေ့ကျင့်ပစ်ခတ်ရတယ်။ ခပ်ရှည်ရှည်ပြွန်လို လောင်ချာကိုပခုံးပေါ်တင်ပြီး၊ ဒုတိကမ္ဘာစစ်သုံး ဘဇူကာ
(Bazooka) ကိုပစ်သလိုမျိုးပစ်ရတာ။
ကျနော်တို့က ကိုက် (၁၅၀) အကွာက တင့်ကားကိုယ်ထည်ပုံပစ်မှတ်တွေကို လေ့ကျင့်ရေးရော့ကက်တွေနဲ့
ပစ်ရပါတယ်။ ကျနော်တို့ပစ်နေကြတုန်း ဒုဗိုလ်မှူးကြီး ဟော်လင်ဂ်စ်ဝါ့သ်ကလည်း ကျနော်တို့အနောက်မှာ
လျှောက်ပတ်ပြီးကြည့်နေတယ်။ ကျနော်လည်း ပစ်မှတ်ကိုချိန်ပြီးရော့ကက်ကိုပစ်ထည့်လိုက်တာ “ဒုန်း”
ဆိုထိသွားပါလေရောဗျား။ အဲဒီမှာ ဒုဗိုလ်မှူးကြီး ဟော်လင်ဂ်စ်ဝါ့သ်က ရောက်လာပြီး ကျနော့်ပခုံးကိုပုတ်ပြီး…
ကောင်းလိုက်တဲ့ပစ်ချက်ကွာ… မောင်ရင်က ကိုယ်တို့တပ်မတော်ကလိုချင်တဲ့လူစားမျိုးအစစ်ပဲဟေ့…
လို့ချီးကျူးပါလေရောဗျား။ ကျနော့်မှာတော့ ဘုရားသခင်ကိုယ်တိုင် ကောင်းချီးလာပေးနေသလိုမျိုးတောင်
ခံစားလိုက်ရတယ်ဗျာ။
နောက်တယောက်ကတော့ ကျနော်တို့ဖတ်စ်ရီးယားတွေနဲ့ဆိုင်တဲ့ စက်မှုအင်ဂျင်နီယာဘာသာရပ်
(Engineering Mechanics) ဆိုင်ရာပါမောက္ခဖြစ်တဲ့ ဗိုလ်ကြီးအယ်လ်တန်ကွမ်ဘက်ခ်
(Capt. Altlon H. Quanbeck) ဆိုရင်လည်း ကိုရီးယားစစ်ပွဲတုန်းက တကယ့်တိုက်လေသူရဲပေါ့ဗျာ။
အမြဲတမ်းလိုလို ရန်သူ့ မစ်ဂ် (MIG) တိုက်လေယာဉ်တွေအနောက်မှာ ရောက်နေတတ်ပြီး
ပစ်ချဖို့ကတော့အဆင်သင့်ပဲဟေ့ ဆိုတဲ့လူစားမျိုးဗျ။
လူမှုသိပ္ပံသင်တဲ့ ဗိုလ်ကြီးပေါလ်ဂေါ်မဲန်ဂျူနီယာ (Capt Paul F Gorman Jr) ကလည်း ယာလူးမြစ်
(Yalu River) ကနေ အမေရိကန်တပ်တွေဆုတ်တုန်းက ပါဝင်တဲ့ခြေလျင်တပ်အရာရှိတယောက်ပေါ့။
သူကတော့ စစ်ပွဲနဲ့ပတ်သက်တာတွေကို သိပ်မပြောပါဘူး။ ဗိုလ်ကြီးပေါလ်ဂေါ်မဲန်မှာ ဗယ်ဘက်လက်
သူကြွယ်မရှိဘူးဗျ။ ကောလဟလသတင်းတွေကတော့ ကိုရီးယားစစ်ပွဲတုန်းက သူ့တပ်ခွဲကိုတရုတ်
တပ်တွေဝင်စီးခံရတော့ သတိလစ်နေတဲ့သူ့ကို သေပြီထင်တဲ့ တရုတ်စစ်သားတယောက်က
သူ့ရဲ့ဝက်စ်ပွိုင့်လက်စွပ်ကိုလိုချင်တာနဲ့ လက်ဖြတ်ယူသွားတယ်လို့ ပြောကြတာပဲ။ ဟုတ်မဟုတ်တော့
မသိပေမယ့် ဗိုလ်ကြီးပေါလ်ဂေါ်မဲန်က တခုခုကိုသရုပ်ပြဖို့ လက်ကိုဝှေ့ယမ်းလိုက်တိုင်း ကျနော်တို့
ဗိုလ်လောင်းတွေအနေနဲ့ ရှေ့မှာကြုံနိုင်တဲ့အနေအထားတခုကို သည်းခံနိုင်စွမ်းရှိဖို့လိုအပ်တယ်ဆို
တာကို အမှတ်ရမိစေပါတယ်။
ကျနော့်ရဲ့ဆရာသမားတွေထဲကတယောက်ကတော့ ကျနော်စီနီယာတန်းရောက်လာတော့ အင်္ဂလိပ်
စာသင်တဲ့ ဗိုလ်ကြီးဆဲမ်မြူရယ်ရပ်ခ်စ်မာတင် (Capt Samuel Rucks Martin) ပါ။ သူကတော့
ကိုရီးယားစစ်ပွဲတုန်းက သံချပ်ကာတပ်ခွဲတခွဲကိုကွပ်ကဲ့ခဲ့တဲ့ တပ်မှူးတယောက်ပါ။ သူကဒေါင်ဒေါင်မြည်
စစ်အရာရှိတယောက်ဖြစ်သလို ကဗျာတွေကိုနှစ်သက်တဲ့ ခံစားတတ်တဲ့ စာပေတယောက်လည်းဖြစ်ပြီး
အမှန်အတိုင်းဝန်ခံရရင်တော့ ကျနော့်အနေနဲ့သူ့လိုဆရာမျိုးကိုအခုချိန်ထိ သဘောကျတုန်းပါပဲ။
ဗိုလ်ကြီးမာတင်ရဲ့စွန့်စားခန်းတွေက တကယ့်ကိုထူးထူးခြားခြားတွေပါပဲ။ မီးလောင်ပေါက်ကွဲနေတဲ့
ကုန်သေတ္တာတွဲတွေထဲက ဘီယာဖာတွေကိုရအောင်ချနိုင်တာတို့ ဘာတို့ပေါ့။ သူသင်ပေးတဲ့အထဲက
ပိုပြီးအရေးပါတာတခုကတော့ ကျနော်တို့ဖတ်စာအုပ်တွေထဲမှာမပါတဲ့ ခေါင်းဆောင်မှုပညာရပ်
(Leadership) ပါ။ ဥပမာဆိုရရင် ကိုရီးယားစစ်တုန်းက သူ့တပ်တွေရဲ့စိတ်ဓါတ်ကို အလေးပြုခြင်းနဲ
့ မြှင့်တင်ပေးနိုင်ခဲ့တာမျိုးပေါ့။ ဗိုလ်ကြီးမာတင်က သူ့တင့်ကားကို လမ်းခွဆုံတခုမှာရပ်ထားမယ်။
နောက်ကဖြတ်လာတဲ့ တင့်ကားတွေက သူ့ကိုတွေ့ရင် တင့်ကားဆုံလည်ကို ယမ်းပြီးအလေးပြု
သွားကြပါတယ်။ စစ်ဘက်ထုံးစံအရ အလေးပြုတယ်ဆိုတာ စည်းကမ်းလိုက်နာခြင်းပါပဲ။ ဗိုလ်ကြီး
မာတင်ထောက်ပြသွားတဲ့ အဓိကအချက်ကတော့ အဲဒီဝှေ့ယမ်းအချက်ပြမှုဟာ အလွန်အရေးကြီးလှတဲ့
တပ်ဖွဲ့ရဲ့စိတ်ဓါတ်နဲ့မာန်တို့ကို ဖေါ်ပြခြင်းဖြစ်တယ်ဆိုတဲ့ အချက်ဖြစ်ပါတယ်။
စစ်အရာရှိတယောက်ဟာ ဘယ်လိုမျိုးလဲဆိုတာကို ဖေါ်ပြတဲ့ဇာတ်လမ်းတွေကို ကျနော်တို့အရမ်းပဲ
စိတ်ဝင်စားကြပါတယ်။ စစ်အရာရှိတယောက်ဆိုတာနဲ့ပတ်သက်လို့လဲ စာအုပ်တွေထဲမှာဖတ်ရတာရယ်
၊ ကိုယ့်ဘာသာတွေးတောစိတ်ကူးမိတာရယ်တွေကလွဲလို့ လက်တွေ့လဲမကြုံဖူးတော့ ကျနော်တို့
နားထောင်ရတဲ့ဇာတ်လမ်းတွေနဲ့ပတ်သက်လို့လဲ သိပ်တော့မခွဲခြားတတ်သေးပါဘူး။
“ပထမဆုံးကြုံရတဲ့တိုက်ပွဲမှာ ငါဘယ်လိုတိုက်ပွဲဝင်မလဲ…”
ဆိုတဲ့မေးခွန်းက ကျနော်တို့အားလုံးရဲ့စိတ်ထဲမှာကိန်းအောင်းနေပါတယ်။ စစ်မြေပြင်မှာရန်သူ့တပ်တွေရဲ့အဖမ်း
အဆီးကိုခံရပြီး အနှိပ်စက်ခံရရင် ကြာကြာတောင့်ခံထားနိုင်ပါ့မလား ဆိုတာနဲ့ပတ်သက်လို့လဲ စိတ်ထဲမှာပူ
ပန်မိကြပါတယ်။ စစ်ဘက်စိတ်ပညာရှင် (Army Psychiatrist) တွေက ပို့ချတဲ့ ကိုရီးယားမှာကြုံကြရတဲ့
ဦးနှောက်ဆေးခြင်း (Brainwashing) နဲ့ပတ်သက်တဲ့ သင်ခန်းစာကိုကျနော်တို့သေသေချာချာ ဂရုတစိုက်
နားထောင်ခဲ့ကြပါတယ်။ ၄င်းတို့ရဲ့သုတေသနပြုချက်များအရ ရန်သူ့အဖမ်းအဆီးခံရသော အမေရိကန်တပ်
ဖွဲ့ဝင် (၃) ဦးအနက် (၁) ဦးက ရန်သူနဲ့ပူးပေါင်းသွားကြတာကို တွေ့ရှိခဲ့ပါတယ်။ အမေရိကန်အချင်းချင်း
သစ္စာဖေါက်ပြီး ရန်သူ့အစောင့်တပ်သားတွေကို သတင်းပေးခံရလို့ အမေရိကန်တပ်ဖွဲ့ဝင်တွေ အသက်ဆုံး
ရှုံးကြရတယ်ဆိုတဲ့ တုန်လှုပ်စရာကောင်းတဲ့ မှတ်တမ်းတွေကို စစ်ဘက်စိတ်ပညာရှင်များက ရှင်းပြကြပါတယ်။
လေ့လာမှုများမှ တွေ့ရှိလာရတာကတော့ မိမိဘာသာစည်းကမ်းလိုက်နာမှု (Self-Discipline) မရှိခြင်းသော
သူများ ရန်သူ့ဘက်သားဖြစ်သွားကြသည်ဆိုခြင်းပင်။ ထိုသို့သောကိစ္စနှင့်ပတ်သက်၍မူ ကျနော်တို့ဝက်စ်ပွိုင့်
သင်တန်းဆင်းအရာရှိများတွင် တွေ့မြင်ရလိမ့်မည်တော့ မဟုတ်ဟု ကျနော်တို့တထစ်ချယုံကြည်ကြသည်။

ဟစ်တလာ နှင့်လီနီရီဖွန်စတိုင်းလ်

ကျနော့်အတွက်စိတ်အနှောင့်အယှက်အဖြစ်ခဲ့ရဆုံး စာသင်ချိန်တချိန်ရှိပါတယ်။ အဲဒီစာသင်ချိန်က ဟစ်တလာ
ရဲ့ (၁၉၃၄) နျူရဲန်ဘတ်ခ်လူထုအစည်းအဝေးပွဲ (Nuremberg Rally) နဲ့ပတ်သက်ပြီး ရိုက်ကူးထားတဲ့
ဂျာမန်အမျိုးသမီးဒါရိုက်တာ လီနီရီဖွန်စတိုင်းလ် (Leni Riefenstahl) ရဲ့ The Trimph of the Will
ဆိုတဲ့ဝါဒဖြန့်ဇာတ်ကားကိုကြည့်ရတဲ့အချိန်ပါ။ ဒုတိယကမ္ဘာစစ်အတွင်း ဂျာမန်တွေရဲ့ကမ်းကုန်တဲ့ ယုတ်
မာပက်စက်မှုတွေကိုသိပြီးသားပေမယ့်ဗျာ…
တဒိန်းဒိန်းကြားနေရတဲ့နာဇီစစ်ချီတေးတွေ၊ တဒုံးဒုံးနဲ့ဘယ်ညာနင်းပြီးချီတက်တာတွေ၊ ပြင်းထန်တဲ့စိတ်
ဓါတ်တက်ကြွမှုတွေနဲ့ ကျနော်လဲမျောသွားတယ်ဗျာ။ စစ်ရဲ့မှားယွင်းမှုအခြေခံ (Fundamental Immorality
of War) နဲ့ပတ်သက်ပြီး စိတ်ထဲကလက်ခံနိုင်အောင်ကြိုးစားရတာကိုက ရက်ပေါင်းတော်တော်ကိုကြာပါတယ်။

ဟစ်တလာ (၀ဲစွန်) နှင့်လီနီရီဖွန်စတိုင်းလ် (ယာစွန်)

ကျနော်တို့အနေနဲ့ အချေအတင်စကားပြောဆိုမှုတွေအတွင်းမှာ ပြဿနာတွေရဲ့အဖြေကိုမရှာဖြစ်ကြပေမယ့်
မေးခွန်းတွေမေးတတ်လာစေဖို့အတွက်တော့ အဲဒီ ကျပန်းစကားပြောခြင်းများက အထောက်အကူပြုကြပါတယ်။
ဝက်စ်ပွိုင့်စစ်တက္ကသိုလ်အနေနဲ့ စစ်အရာရှိတွေအနေနဲ့ ကျနော်တို့ရင်ဆိုင်ကြရနိုင်တဲ့ လူ့ကျင့်ဝတ်ပိုင်း၊ဂုဏ်သိက္ခာပိုင်း
တွေနဲ့ပတ်သက်ပြီး ဇဝေဇ၀ါနဲ့ဒွိဟဖြစ်စေမယ့် အကြောင်းအရာတွေအတွက် ကြိုတင်ပြင်ဆင်မှုတွေလုပ်ဆောင်ပေးဖို
့ ကြိုးစားပါတယ်။

နျူရင်ဘတ်စစ်ခုံရုံးနှင့်စစ်တရားခံနာဇီဗိုလ်ချုပ်များ

ဒုတိယကမ္ဘာစစ်အပြီး နျူရဲန်ဘတ်ခ်စစ်ခုံရုံးတင်ခံကြရတဲ့ စစ်ရာဇ၀တ်ကောင် နာဇီဗိုလ်ချုပ်တွေက ၄င်းတို့စစ်အတွင်း
ကျူးလွန်ခဲ့တဲ့ယုတ်မာရိုင်းစိုင်းမှု (Atrocities) တွေနဲ့ပတ်သက်ပြီး တရားခွင်တွေမှာ ဘာပြောကြသလဲဆိုတော့
“Dienst ist Dienst”  ဆိုပဲ။ အဓိပ္ပာယ်ကတော့ “တာဝန်အရပါ”  လို့ပြောတာပါ။ ၀က်စ်ပွိုင့်စစ်တက္ကသိုလ်အနေနဲ့
ကတော့ ကျနော်တို့ကိုဘယ်တော့မှ အဲဒီနာဇီဗိုလ်ချုပ်တွေလိုမဖြစ်အောင် လေ့ကျင့်ပြင်ဆင်ပေးချင်တာပါပဲ။
အချိန်ကျလာရင်တော့ ကျနော်တို့တွေဟာ တကယ့်စစ်သည်တော်တွေဖြစ်တယ်လို့ ကိုယ့်ကိုယ်ကိုယ်ထင်မြင်ရတာ
ကိုတော့ သဘောကျကြပေမယ့်လည်း ကျနော်တို့ထဲမှာ တကယ့်ကိုသွေးဆာနေတဲ့လူစားမျိုးတော့မရှိပါဘူး။ တနှစ်
…နွေဦးကာလ လေ့ကျင်ရေးမှာတော့ စစ်သည်တွေကိုသင်ကြားပေးသင့်တာတွေကို ဘယ်လိုသင်ကြားပေးရမလဲ
ဆိုတဲ့ ညွှန်ကြားမှုအတတ်ပညာ (Methods of Instruction) သင်ခန်းစာကို သင်ယူကြရပါတယ်။
ဗိုလ်လောင်းတယောက်ကို ခေါင်းစဉ်တခုစီရွေးချယ်ကြရပြီး သင်ခန်းစာ (၂) ခုစီလုပ်ဆောင်ပေးကြရပါတယ်။
ပထမဆုံး နှုတ်နဲ့ရှင်းပြကြရပြီးတော့ လက်တွေ့ဆက်လုပ်ပြကြရပါတယ်။ ကျနော်ကတော့ ဂျူဒိုပညာ (Judo)
အကြောင်းကို ဆွေးနွေးပါတယ်။ ကျနော့်ရဲ့အတန်းဖေါ် ချာလီဆာကီစ် (Charlie Sarkis) ကတော့ ပြင်ပကိစ
္စတွေမှာ ပါရဂူဆိုတော့ ရှင်သန်မှု (Survival) အကြောင်းအရာနဲ့ပတ်သက်ပြီး ဆွေးနွေးပါတယ်။ ချာလီက သူ့ရဲ့ဆွေးနွေးမှုအတွက်ဆိုပြီး ရေဇလုံတလုံးနဲ့ယုန်လေးတကောင်ယူပြီး အတန်းထဲဝင်ချလာပြီး ယုန်
တကောင်ကိုသတ်မယ်ဆိုရင် ရေနှစ်သတ်တာအကောင်းဆုံးပါပဲလို့ ဆိုပါတယ်။ ပြီးတော့… သူယူလာတဲ့
ယုန်ကလေးကိုရေနှစ်သတ်ပြီး အရေခွံဆုတ်ပြတယ်ဗျာ။ တကယ့်ကောင်ပဲ။ အဲဒါလဲပြီးရော နောက်ထပ်ယုန်
(၁၂) ကောင်ယူလာပြီး သူ့လိုလုပ်ဖို့ ကျနော်တို့တွေကိုပါ လာဆွယ်ပါရောလား။ ဖြစ်ချင်တော့ ကျနော်တို့အား
လုံးက တုတ်တုတ်မှမလှုပ်ကြဘူး။ အဲဒီမှာ နည်းပြအရာရှိက ချာလီ့တင်ပြမှုတခုလုံးကို ပြန်သိမ်းခိုင်း
လိုက်ပါတယ်။ ဒါပေမယ့် သကောင့်သားချာလီကတော့ (A) အဆင့်ရလိုက်လေရဲ့။ အပြစ်မရှိတဲ့ယုန်လေးတွေ
ကို ဘယ်သူကမှရေနှစ်မသတ်ချင်ကြဘူးပေါ့ဗျာ။ (ဆက်လက်ဖေါ်ပြပါမည်)
Daniel Kane

http://freedomnewsgroup.com/2012/04/01/it-doesnt-take-a-hero-11/