ယနေ့  အမှတ်တရ -( မြန်မာစာသည် ဒို့ စာ ၊ မြန်မာစကားသည်ဒို့ စကား ) - (Click)

-မိုးသီးဇွန်-

ခုတလော မြန်မာစာ မြန်မာ စကားနဲ့  ပတ်သက်ပြီး အင်တာနက်စာမျက်နှာတွေမှာ ရေးသားကြ ဝေဖန်ကြတာ တွေ့ရတဲ့အတွက် အနာဂတ်မြန်မာစာပေ အတွက်အလွန်ကို အားတက်မိပါတယ်။ နအဖ လက်အောက်မှာ မြန်မာစာဟာ သေငယ်ဇော မျောနေတယ် လို့ကျနော်ထင်ပါတယ်။ ဒီနေ့ မြန်မာစာနဲ့ပက်သက်လို့ ကျနော့် အမြင်ကိုပြောရရင်...

မြန်မာစာ ကို အသက်ဆက်ကြစို့။

မြန်မာစာဟာသေလုမျောပါးဖြစ်နေပြီ။ မြန်မာယဉ်ကျေးမှုကို ကာကွယ်ထိမ်းသ်ိမ်း နေတယ်လို့ ကြောင်သူတော် လို့ ဟစ်ကြွေးနေတဲ့ နအဖခေတ်မှာ မြန်မာစာပေဟာ သေငယ်ဇောနဲ့ မျောနေတဲ့ ဘ၀ကိုရောက်ရတော့ တာပါပဲ။ ဒီလိုသေကောင်ပေါင်းလဲဖြစ်ခဲ့ရတာ သမိုင်းမှာ ဒါပဲဆို နှစ်ကြိမ်ရှိခဲ့တယ်။ အင်္ဂလိပ်ခေတ်မှာလည်း မြန်မာစာဟာ ပျောက်မတတ်တောင်ဖြစ်ခဲ့ရတာကိုး။

ဒါကြောင့် မြန်မာစာသည်ဒို့စာ ဆိုတဲ့ ကြွေးကြော်သံနဲ့ အတူ လွတ်လပ်ရေးတိုက်ပွဲကို နိဒါန်းစခဲ့ရတယ်။ မြန်မာစာဟာ စာပေတခုတည်းမဟုတ်ဘူး၊ လူမျိုးတမျိုး အတွက် လွတ်မြောက်ရေးအတွက်ပါ သေရေးရှင်တမျှ အရေးကြီးလှတယ်လို့ စကားဦး ကြူးရင့် လိုက်ပါရစေ။

ည ရေးသေးသေးတင် ညံ အောက်ကမြင် ညံ့။

အင်တာနက်များနဲ့  ဘလောက်များ ကျေးဇူးကြောင့် ဖုတ်လိုက်ဖုတ်လိုက် ဖြစ်နေတဲ့ မြန်မာစာဟာ လောကကို ခေါင်းထောင် ကြည့်လာပြန်တယ်။ မြန်မာ စာဟာ သဒ္ဒါပိုင်းမှာရောစကားမှာပါ အလွန်အဆင့်နိမ့်ကျလာတာ တွေ့ရပါတယ်။ ဒီလို ဖြစ်ရတာဟာ နအဖရဲ့ မြန်မာစာပေပြန့်ပွားရေး ကို အားမပေးတဲ့အပြင်နှိပ်ကွပ်မှုတွေ ကို အပြင်းအထန်ခံရလို့ ဖြစ်ပါတယ်။ မြန်မာစာက လူတယောက်ဘ၀ ရပ်တည်ရေးအတွက် အာမခံချက် မပေးနိင် ဘူးလို့ ဖြစ်နေရတဲ့ ဘ၀ အောက်မှာ လူတွေက စာတွေမရေး နိုင်တော့ဘူး။ စာအုပ်တွေဟာရုပ်ရှင်ကားလို အထွက်ကြဲလာတယ်။ ဒီတော့ မြန်မာစာ အရေးသား နည်းလာတယ်။

မြန်မာစာပေပညာရှင်တွေ ကျယ်ကျယ်ပြန့်ပြန့် အလုပ်မရတော့ဘူးလို ဖြစ်လာတယ်။ နိင်ငံခြားရောက်တော့ လည်း မြန်မာစာ ပေဟာ ချောင်ထိုးခံရပြန်တယ်။ စကားပြောတတ်ရုံနဲ့ စာတတ်တယ်လို့ ထင်နေကြတာကိုး။ အနောက်နိင်ငံတွေ ( အင်္ဂလိပ် စကားပြော) နိင်ငံတွေမှာ လေးငါးတန်း ကျောင်းသား တွေကအစ ပါရဂူဘွဲ့ ယူတဲ့အထိ ကို အိမ်စာတွေနဲ့ ဘွဲ့လွန်စာတန်း တွေမှာ သဒ္ဒါ စည်းမျဉ်းတွေကို အမှားမခံ သေးသေးတင်မခံ ပဲ အမြဲတစေ ကြပ်မှတ်နေတာကို နိင်ငံခြားမှာ ကျောင်းနေဘူးသူတိုင်း သိပါလိမ့်မယ်။ ဗမာပြည်မှာတော့ ဘွဲ့ ရကျောင်းသားများ၊ ရဟန်းတော်များသည်ပင်လျင် ကောင်းကောင်းမရေးနိင်တော့ကြပါဘူး။ အဖွဲ့ စည်းတွေက ထုတ်ပြန်တဲ့ ကြေညာချက်တွေမှာ မြန်မာစာ ဟာ စုတ်ပြတ်နေတယ်။ အဆိုးဆုံးက သဒ္ဒါ မှားနေကြတာပဲ။ အင်္ဂလိပ်ကို ရေးရတဲ့ ကြေညာချက်တွေမှာ တော့ သဒ္ဒါကိုမှန်အောင် ဂရုစိုက်ကြသလောက် မြန်မာလို ရေးထားတဲ့ ကြေညာချက်တွေမှာတော့ည ရေးသေးသေးတင် ညံ အောက်ကမြင် ညံ့လို့ဆိုပါရစေတော့။

သဒပ်မတာ စပ်မတာ ၊ သဒ္ဒါမတတ်စာမတတ်။

စာပေမှာ သဒ္ဒါက အရေးကြီးဆုံးဖြစ်တဲ့အတွက်သဒ္ဒါကို အထူးလေးနက်ပြုဖို့ တိုက်တွန်းလိုပါတယ်။ အင်္ဂလိပ် စာမှာတော့ မက်ကရိုဆော့က သဒ္ဒါရော စာလုံးပေါင်းပါ ပြင်ပေးနေရတာကိုကြည့် ရင် အင်္ဂလိပ်တွေဟာ စာပေနဲ့ပတ်သက်လို့ အမှားကို မခံပဲ သဒ္ဒါစည်းကမ်းကို အလေးထားနေတာကို တွေ့နိင်ပါတယ်။ သဒ္ဒါမှန်ခြင်း ဟာ လူမျိုးတမျိုးကြီးပွားရေးအတွက် အခြေခံလို့ ကျနော်မြင်မိ လာပါတယ်။

အခုအခါမှာ မြန်မာ စာဟာ သဒ္ဒါပိုင်းမှာရော စကားမှာပါ အလွန်အဆင့်နိမ့်ကျလာတာတွေ့ ရပါတယ်။ ဒီလို ဖြစ်ရတာ ဟာ နအဖရဲ့  မြန်မာ စာ ပေပြန့်ပွားရေး ကို အားမပေးတဲ့အပြင် နှိပ်ကွပ်မှုတွေ ကို အပြင်းအထန်ခံ ရလို့ ဖြစ်ပါတယ်။ အင်္ဂလိပ်မှာ သဒ္ဒါစာအုပ်ပေါင်း မရေမတွက်နိင်အောင်များပြားလှသလောက် မြန်မာသဒ္ဒါကျမ်း များမှာ ၂ အုပ်၃ အုပ်ခန့်သာ တွေ့ရပါတယ်။ ဆရာမောင်စွမ်းရည်ကို တွေ့စဉ်က မြန်မာသဒ္ဒါစာအုပ်လေး ပြုစု ပေးဖို့ ၃ လေးကြိမ်ကျနော် မေတ္တာရပ်ခံဘူးပါတယ်။ ဖြစ်တော့မလာသေးပါဘူး။

မေငြိမ်းကိုလည်းတခါ တောင်းဆိုဘူးတယ်။ သူက ဆရာကြီးတွေမှလုပ်တဲ့အရာ လို့ ဆိုပြန်ပါတယ်။ တကယ်က ဒါဟာ ဆရာကြီးတွေ မှလုပ်ရတယ်လို့ မယူဆစေခြင်ပါဘူး။ ကျနော်တို့ ပြည်ပရောက်တွေထဲမှာ မေငြိမ်းဟာ မြန်မာစာအကောင်းဆုံး တယောက် လို့ ကျနော်ချီးကျူးပါတယ်။ ဆရာကြီးမောင်ခင်မင် က သဒ္ဒါစာအုပ် တအုပ်ရေးလာတာကို လွန်ခဲ့တဲ့နှစ်ကကျနော်တွေ့ပါတယ်။ အလွန်ကောင်းပါတယ်။ ထပ်မံရိုက်ထုတ်ဖို့ လိုအပ်သလို၊ ကျနော်တို့ဘလောက်တွေကလည်း တင်ထား ပေးသင့်ပါတယ်။

စလုံးပေါင်းကတော့ ပြုပြင်ရင်ရနိင်တဲ့အနေထားမှာရှိနေပါသေးတယ်။ ကျနော်ဆိုရင် စာလုံးပေါင်း အလွန်ညံ့နေပါတယ်။ ကြိုးစားပြီးပြင်နေရပါတယ်။ သင်ယူနေရပါတယ်။

မြန်မာ စာပေပညာရှင်တွေကို ငှားရမ်းသင့်တယ်။

နအဖ နေ့စဉ် သတင်းစာ နဲ့  မီဒီယာတွေမှာတော့ မြန်မာ စာ သဒ္ဒါရေးနည်းဟာ ဆက်လက် မှန်ကန်နေတာ တွေ့ရပါတယ်။ တတ်တဲ့သူတွေ ကို ငှားထားတာကိုး။

ပြည်သူထဲမှာတော့ မြန်မာ စာ ကောင်းကောင်းမရေးနိင်တော့ပါဘူး။ ဒီမိုကရေစီအင်အားစုတွေရဲ့  မီဒီယာတွေဖြစ်တဲ့ ဘီဘီစီ၊ ဗွီအိုအေ၊အာအက်ဖ်အေ နဲ့ ဒီဗွီဘီတို့ မှာ မြန်မာ သဒ္ဒါအမှားများ မကြာခဏတွေ့ နေရပါတယ်။ မြန်မာစာ ကျွမ်းကျင်တဲ့ သူတွေကို ငှားရမ်းအသုံးပြုတာလည်းမရှိကြပါဘူး။ မြန်မာ စကားပြော တတ်ရင် မြန်မာစာ ရေးလို့ရမယ်လို့ သူတို့ထင်နေ ပုံရပါတယ်။ ဖြစ်သလိုရေးနေကြတဲ့ အတွက် မြန်မာစာ အတွက် ကျနော်အထူးပဲစိုးရိမ်လာပါတယ်။ မြန်မာစာနဲ့ယဉ်ကျေးမှု ပညာရှင်တွေဖြစ်တဲ့ ဦးစွမ်းရည် ၊ဦးဝင်းဖေ၊ ဒေါ်မာမာအေးနဲ့ မမေးငြိမ်းတို့ ကိုငှားရမ်းသင့်တယ်။အကြံညဏ် ရယူသင့်တယ်။

မြန်မာမှု ပြုရန်လို လာခြင်း။

နောက်တခုက နိင်ငံခြားစကားလုံးတွေကို မြန်မာမှု ပြုရတဲ့ ကိစ္စတွေမှာလည်းအလွန်အားနည်းလာတယ်။ ဆရာကြီးသိန်းဖေမြင့်က Revolution ကို တော်လှန်ရေးလို့ ဘာသာပြန်ပေးခဲ့ပါတယ်။ သခင်စိုးက - Dialectic - ကို အနုပတိလောမာလို့ လှလှပပ ဘာသာပြန်ပေးခဲ့ပါတယ်။ ဆရာဒဂုန်တာရာက - Old Gold - ကို ရွေအိုရောင် လို့ ဘာသာပြန်ခဲ့တယ်။ သခင်မြက အိုင်းစတိုင်းရဲ့  Relativity Theory ကို နှိုင်းရတရားလို့ ခန့်ခန့်ငြားငြားဘာသာပြန်ပေးခဲ့ပါတယ်။ ကျနော်တို့ခေတ်မှာ ကျန်ရှိနေတဲ့ ပုဒ်စာတွေကတော့ Democracy ကို ဘယ်လို ဘာသာပြန်မလဲ ။ ထိုင်းတွေက ဒီမိုကရေစီကို သူတို့ဘာသာနဲ့ ပချာတိပသိုင်း လို့ ဘာသာ ပြန်ခေါ် ဆိုတယ်။ Globalization ကိုရော၊ ကျနော်ကတော့ ကမ္ဘာသွင်တူဖြစ်စဉ် လို့ ပြန်ခဲ့ဘူးတယ်။ ဆက်လက် မြန်မာမှု ပြု ရမဲ့ စကားလုံးတွေကတော့ Internet , Messenger, Chat room, Transparency , Accountability, Chaos, Political Entity, နဲ့ အခြားစကားလုံးအတော်များများ မြန်မာလို ထိထိရောက်ရောက် ဘာသာပြန်ရန် ရှိနေပါတယ်။

လူထုထဲမှာတော့ AIDS ကို လေးလုံးရောဂါ၊ နအဖ လူကြီးသားသမီးတွေနဲ့  ရုပ်ရှင်နဲ့  ဂီတက လူငယ်တချို့ သုံးစွဲနေတဲ့ -Estacy - ဆိုတဲ့ မူးယစ်ဆေးဝါး ကို ခေါင်းယမ်းဆေး လို့ ထိထိမိမိ ဘာသာပြန် သုံးစွဲကြတာ ကိုချီးကြူးမိတယ်။


I am smart

တရုပ်၊ ထိုင်း၊ ဂျပန်ကျောင်းသားအတော်များများကို ကျနော် တွေ့ ဘူးပါတယ်။ သူတို့အားလုံးဟာ သူတို့ ဘာသာစကားနဲ့ လက်နှိပ်စက်ကိုကျွမ်းကျွမ်းကျင်ကျင်ရိုက်တတ်ကြတယ်။ သူတို့ ကျောင်းတွေမှာ ကွန်ပြူတာ ခေတ်စား လာတာကြောင့်လည်း သူတို့ရိုက်နှိပ်ကြတာ ဖြစ်နိင်ပါတယ်။ အခုမြန်မာတွေလည်း ကွန်ပြူတာကို အတော်လေးကိုသုံးစွဲလာကြတဲ့အတွက် မြန်မာလို ရိုက်တတ်အောင် လူငယ်တွေ ကြိုးစားသင့်ကြပါတယ်။ အထူးသဖြင့် တယောက်နဲ့တယောက် ဆက်သွယ်လာနိင်တယ်။ သတင်းတွေဖလှယ်လာနိင်တဲ့အတွက် ဒီမိုကရေစီရရှိရေးအတွက်ပါ အလွန်ကိုအရေးကြီးတဲ့ အခြေအနေကိုရောက်လာပါတယ်။ မြန်မာလို ရိုက်ကြဖို့  တိုက်တွန်းလိုပါတယ်။ Bagalish နဲ့ရိုက်နေခြင်းဖြင့် ဘာကိုဆိုလိုမှန်းမသိ၊ ကိုယ်ရဲ့ မြန်မာစာရော အင်္ဂလိပ်စာပါ ပျက်ဆီးမဲ့အနေထား ကိုရောက်သွားနိင်ပါတယ်။ တချို့ ကလည်း မြန်မာလို မရိုက်တတ်တာဟာ ခေတ်မှီနေသလိုလို လုပ်နေတာတွေ တွေ့ပါတယ်။ ဒီလူတွေဟာ အင်္ဂလိပ်စာကိုလည်း ကောင်းကောင်း မရေးနိင်တဲ့ သူတွေဖြစ်နေတာ ထူးဆန်းစွာ တွေ့ရပါတယ်။ ဒါကြောင့်တလွဲဆံပင်ကောင်းမနေပဲ မြန်မာစာ ရိုက်တတ်အောင်လုပ်ကြဖို့ တိုက်တွန်းလိုပါတယ်။ ကျနော် မြန်မာစာကိုရိုက်ကျင့်တာ ၄ နာရီခန့့် သာကြာပါတယ်။ ငါလုပ်နိင်တယ်။ I am smart လို့ သာခံယူလိုက်ရင် မြန်မာစာရိုက်ရတာ မခက်ပါဘူး။ မလုပ်ရသေးဘူး မသိစိတ်က အရှုံး ပေးခြင်တဲ့စိတ်က ကြီးစိုးနေရင်တော့ ခင်ဗျားဟာ အလွန်လှတဲ့ စာလုံးတွေနဲ့ ကိုတသက်လုံး ရိုက်နိင်တဲ့သူ ဖြစ်မလာနိင်တော့ပါဘူး။

ဘလောက်တွေပေါ်လာတာဟာ လွတ်မြောက်ရေးရဲ့ အစလို့ ပြောလို့ရသလို မြန်မာစာ ပေပြန်လည်ပြန့် ပွား ရေးအတွက် လမ်းစ တခုလို့ ကြုံးဝါးခြင်ပါတယ်။ မြန်မာစာသည်ဒို့ စာ၊ မြန်မာစကားသည်ဒို့စကား မြန်မာလို ရိုက်တတ်အောင်လုပ်ပါလို့ ဆိုပါရစေ။

ကိုမိုးသီး ဘလောက်မှ့  ကူယူထားပါသည်။ ။