{အသင်မြန်မာ}

{ဤခေတ် ဤအခါ၌ စိတ်ထားမူမှန်၍ တာဝန်သိတတ်သူ မည်သူမဆို}

{မြန်မာပြည်သူ ပြည်သားများအတွက် ကိုယ်စွမ်း ညဏ်စွမ်းရှိသ၍ ကြိုးစား အားထုတ်ကြမည် ဖြစ်သည်။}

{“ ဒီမိုကရေစီဆိုတာ အခြေခံစည်းမျဉ်းကတော့ရှင်းပါတယ်။ မလိမ်ဘူး၊ မညာဘူး၊ မခိုးဘူး၊ လိမ်ညာခိုးဝှက်တဲ့
သူတွေကိုလဲ သည်းမခံဘူး…”
}

ရန်ကုန်မြို့  မိုးလေ၀သ အခြေအနေ

Click for Yangon, Myanmar Forecast

Saturday, October 31, 2009

ယနေ့  အမှတ်တရပါ၊ { အနှစ် ၄၀ ပြည့်မြောက် ၀က်ဘ်(Web) ခေါ် ဆက်သွယ်ရေး နည်းပညာကွန်ယက်}(Click)


အနှစ် ၄၀ ပြည့်မြောက် ၀က်ဘ်(Web) ခေါ် ဆက်သွယ်ရေး နည်းပညာကွန်ယက်





-မြတ်စိုး-
၁၀.၂၉.၂၀၀၉

ဗီယက်နမ်စစ်ပွဲ အပြင်းထန်ဆုံး အခြေအနေနဲ့ ရင်ဆိုင်နေရတဲ့ ၁၉၆၉ ခုနှစ်ဟာ အမေရိကန် နိုင်ငံရဲ့ ထူးခြားတဲ့ နှစ်၊ တီထွင်မှုဆိုင်ရာတွေနဲ့ အလုပ်များခဲ့တဲ့နှစ် တနှစ်ဖြစ်ခဲ့ တယ်လို့ ဆိုရင်မမှားပါဘူး။ ဒီ ထူးခြားတဲ့ နှစ်မှာ အမေရိကန်နိုင်ငံ သားတွေဟာ တချို့ နယ်ပယ်တွေမှာ ရှေ့ဆောင်ပုဂ္ဂိုလ်များအဖြစ် အောင်မြင်မှုတွေ ကို ရရှိခဲ့ကြတယ်။ အာကာသ နဲ့ သိပ္ပံ လောက မှာ လူသားတွေဟာ လ ကမ္ဘာ ကို ခြေချနိုင် အောင် အပိုလို လို့ ခေါ်တဲ့ အာကာသ လေ့လာစူးဆန်းရေးစီမံကိန်းတွေ ကို လက်တွေ့ အကောင်အထည် ဖော်နိုင်ခဲ့ ကြတယ်။ လူသားတွေ စီးနင်းလိုက်ပါ သွားခဲ့တဲ့ အပိုလို ၁၁ ၊ အပိုလို ၁၂ အာကာသ ယာဉ်တွေ ဟာလည်း လ မှ ကမ္ဘာ့မြေပြင်သို့ ချော်မွေ့စွာ ပြန်လည်ဆင်းသက်နိုင်ခဲ့တယ်။ အမေရိကန် ယဉ်ကျေးမှု အနုပညာလောကပိုင်း မှာလည်း အထင်ရှားဆုံးသော Woodstock ရော့ခ်တေးဂီတ ပွဲ တော် ကြီးကို နယူးယောက်မြို့ မှာ ၃ ရက် တိုင်တိုင် အောင်မြင်စွာ ကျင်းပနိုင်ခဲ့ပြီး၊ အမေရိကန် ရော့ခ်တေးဂီတ အဆိုတော်များ၊ တီးခတ်သူများ ဟာ ကမ္ဘာ့ငြိမ်းချမ်းရေး အတွက် စုံစုံညီညီ ပါဝင်ဆင်နွဲခဲ့ကြတယ်။

ဒီ ထူးခြားမှုတွေနဲ့ အတူ လူသားတွေ အတွက် အကျိုးပြုစေမဲ့ နည်းပညာတစ်ခု ဟာ လည်း ၁၉၆၉ ခုနှစ် အောက်တိုဘာလ ၂၉ ရက်နေ့မှာ အောင်မြင်စွာ တီထွင်နိုင်ခဲ့ကြတယ်။ ဒီနေ့ ဆိုရင် လူ သားတွေကို အကျိုးပြုစေခဲ့တဲ့ ဒီ နည်းပညာ ဟာ အနှစ် ၄၀ ထဲကို ရောက်ရှိလို့ လာပါပြီ။

ဒီ သိပ္ပံနှင့်နည်းပညာဆိုင်ရာ နည်းပညာက တော့ ယနေ့ ကမ္ဘာ မှာ လူဦးရေ ဘီလီယံ နဲ့ ချီ အသုံးပြုနေကြတဲ့ ကွန်ပြူတာ ကိရိယာ ကို အခြေခံ သုံးစွဲတဲ့ ဆက်သွယ်ရေး နည်းပညာ ကွန်ယက် ( Web) ပဲဖြစ်ပါတယ်။ ကွန်ပြူတာ တစ်ခုနဲ့ တစ်ခု ဆက်သွယ်လို့ ရအောင် တီထွင် စမ်းသပ်နိုင်ခဲ့ကြတာပါ။

ဒီနည်းပညာကို တီထွင်ခဲ့ သူကတော့ ပါမောက္ခ လီယိုနက်ထ် ကလိုင်းရော့ခ် (Leonard Kleinrock) ဆိုသူ ဖြစ်ပါတယ်။ သူဟာ လော့စ်အိန်ဂျလီးစ် ရှိ ကယ်လီဖိုးနီးယားတက္ကသိုလ်မှ ကွန်ပြူတာ ကိရိယာ ကို အခြေခံ သုံးစွဲတဲ့ ဆက်သွယ်ရေး နည်းပညာကွန်ယက် ကို သုတေသနပြုခဲ့တဲ့ ကွန်ပြူတာ နှင့် နည်းပညာဆိုင်ရာ သိပ္ပံပညာရှင် တစ်ဦး ဖြစ်ပါတယ်။ အခု သူဟာ အသက် ၇၉ နှစ်ထဲ ကို ရောက်ရှိနေပါပြီ။

တကယ်တော့ ပါမောက္ခ လီယိုနက်ထ် ကလိုင်းရော့ခ် ဟာ ဒီနည်းပညာ မှ တဆင့် အင်တာနက်ခေါ် ကွန်ပြူတာ ကွန်ယက် စံနစ် ကို ခေတ်မီစေရန် အစဉ်တစိုက် မွမ်းမံ သွားခဲ့ပြီး၊ သူ့ရဲ့ ဆက်လက် လေ့လာ သုတေသနပြုလုပ်မှု လုပ်ငန်းတွေကြောင့် ဒီနည်းပညာ ကို တီထွင်ခဲ့တဲ့ ရှေ့ဆောင် ပုဂ္ဂိုလ်တွေ လို့ ခေါ်ဝေါ် သတ်မှတ်ခဲ့ကြတယ်။ တချို့ သိပ္ပံပညာရှင် တွေက ဒီနည်းပညာကို အမေရိကန်စစ်တပ်မှာ သုံးစွဲခဲ့တာ သူ မတီထွင်ခင်ကတည်း က ဖြစ်တယ်လို့ ထောက်ပြကြတယ်။ တချို့ ကလည်း လူသားတွေကို လ ကမ္ဘာပေါ် ပို့ပေးနိုင်တဲ့ အပိုလို စီမံကိန်းမှာ ကတည်းက သိပ္ပံပညာရှင်တချို့ က တီထွင်ခဲ့တာလို့ ဆိုပြန်တယ်။ တကယ်တော့ ဘယ်သူက စပြီး တီထွင် သူလို့ အငြင်းပွား နေခြင်းထက်၊ ဘယ်လို ရည်ရွယ်ချက် တွေ နဲ့ သိပ္ပံပညာရှင်တွေက ထီထွင်ခဲ့သလဲ၊ ဘယ်လိုအကျိုးပြုအောင် ထပ်မံမွမ်းမံ ခဲ့သလဲဆိုတာ ကသာ စိတ်ဝင်တစားလေ့လာသင့်ပါတယ် လို့ နာဆာ သိပ္ပံ ပညာရှင်တွေက ထောက်ပြကြတယ်။

လူသားတွေဟာ ကွန်ပြူတာကို အခြေခံ သုံးစွဲတဲ့ အင်တာနက်ခေါ် ဆက်သွယ်ရေး နည်းပညာကွန်ယက် လက်တွေ့အသုံးပြုနေကြပေမဲ့၊ ဒီနည်းပညာအခြေခံ ကို တီထွင်ခဲ့တဲ့ ရှေ့ဆောင်ပုဂ္ဂိုလ်တွေကို တော့ သိရှိသူနည်းပါး နေပါတယ်။ ဒီနည်းပညာဟာ လူသားအားလုံး ကို အကျိုးပြု နေတာကြောင့် ယနေ့ခေတ်မှာ ဘာသာရေးကျင့်ကြံနေကြတဲ့ ပုဂ္ဂိုလ်တွေပင် အသုံးပြုလာကြတာတွေ့ရတယ်။ ဒီနည်းပညာဟာ သုတေသနလုပ်ငန်း၊ ဘဏ်လုပ်ငန်း၊ သတင်းနည်းပညာ၊ ဆက်သွယ်ရေး လုပ်ငန်း၊ သိပ္ပံ နှင့် ဆေး ပညာရပ်လောက နှင့် ပညာရပ်ဆိုင်ရာ နယ်ပယ် အသီးသီးတွေမှာပါ လူသားတွေကို အကျိုးပြုစေခဲ့တယ်။ လူသားတွေရဲ့ မွေးနေ့ပွဲတွေ ကို ကျင်းပနေကြပေမဲ့ ဘီလီယံနဲ့ ချီ လူသားတွေ ကို အကျိုးပြုစေခဲ့တဲ့ နည်းပညာသစ်တရပ် မွေးဖွားလာခဲ့ခြင်းကိုတော့ လူသားတွေ မေ့နေကြဟန်တူတယ်လို့ နာဆာ မှာ တာဝန်ထမ်းဆောင်နေတဲ့ သိပ္ပံပညာရှင် တစ်ဦးက ပြောဆိုခဲ့ဘူးတယ်။

အမှန်တကယ်ပဲ ဒီနည်းပညာသစ်ကြောင့် ကမ္ဘာကြီးမှာနေထိုင်ကြတဲ့ လူသားတွေဟာ နယ်ခြားမဲ့ နေထိုင်သူတွေဖြစ်လာကြတယ်။ ကမ္ဘာ့လူသားတွေဟာ ဗဟုသုတတွေ ပိုမိုလျင်မြန်စွာ ဆည်းပူးလာနိုင်ကြတယ်။ လူသားတွေရဲ့ စွမ်းအား၊ အင်အားတွေကို ကြီးမားလာစေခဲ့တယ်။ ကမ္ဘာကြီး အကြောင်း ကို ပိုမိုသိရှိလာကြတယ်။ ကမ္ဘာမှာ နေထိုင်ကြတဲ့ လူသားတွေဟာ ပိုမိုယဉ်ကျေးလာကြတယ်။ ပိုမိုချစ်ခင်လာကြတယ်။ ကမ္ဘာ့ကြီးဟာ သေး သထက် သေးလာတယ် လို့ ခံစားလာရတယ်။ မတရားမှုတွေ ကို ပိုမိုပြီး ထိထိရောက်ရောက် ဖော်ထုတ်နိုင် ခဲ့ကြတယ်။











Web pioneer recalls 'birth of the Internet
လီယိုနက်ထ် ကလိုင်းရော့ခ် (Leonard Kleinrock)


မနေ့ က ကွန်ပြူတာကို အခြေခံ သုံးစွဲတဲ့ အင်တာနက်ခေါ် ဆက်သွယ်ရေး နည်းပညာကွန်ယက် တီထွင်မှု ကို ရှေ့ဆောင်မှုပြုခဲ့တဲ့ အသက် ၇၉ နှစ် အရွယ် လီယိုနက်ထ် ကလိုင်းရော့ခ် (Leonard Kleinrock) တယောက် လွန်ခဲ့တဲ့ အနှစ် ၄၀ က သူ့ရဲ့ လုပ်ဆောင်ချက်တွေကို CNN သတင်းမှာ ပြန်ပြောင်းပြောဆိုခဲ့တာ စိတ်ဝင်စားစွာ တွေ့ရှိခဲ့ရတယ်။ သူရဲ့ နောက်ထပ် တီထွင်နေမှုတွေကို လည်း အားတက်သရော ပြောဆိုနေသလို၊ ကွန်ပြူတာနဲ့ သက်ဆိုင်တဲ့ နည်းပညာသစ်တွေ အပေါ်လည်း သူ့ရဲ့ ထင်မြင်ချက်တွေကို သုံးသပ်တင်ပြ ဆွေးနွေး ထားတယ်။ စာဖတ်ပရိသတ်များ လေ့လာဖတ်ရှု့ နိုင်ရန် အင်္ဂလိပ်ဘာသာဖြင့် ရေးသားထားတဲ့ မှုရင်းကို ဝေမျှပေးလိုက် ပါတယ်။

{ http://www.cnn.com/2009/TECH/10/29/kleinrock.internet/index.html }

Friday, October 30, 2009

{ပန်းသတင်း - လေညှင်းဆောင်}{လူ သတင်း - လူခြင်းဆောင်}

{အန်တီဆွေ အတွက်အမှတ်တရ = တစ်နေ့ ကျရင် Sky ပေါ်မှာ ပြန်ဆုံကြမယ်။}

{လေးကျော် အတွက် အမှတ်တရ = တစ်နေ့ ကျရင် Sky ပေါ်မှာ ပြန်ဆုံကြမယ်။}

{ပန်းသတင်း - လေညှင်းဆောင်}{လူ သတင်း - လူခြင်းဆောင်}

Tuesday, October 20, 2009

{မိဘတို့နှင့် ကွဲကွာခြင်း ကင်းကြပါစေ }(Click)

ekts

မိဘတို့နှင့် ကွဲကွာခြင်း ကင်းကြပါစေ

ဆောင်းပါး
ဧကသီ
တနင်္လာနေ့၊ အောက်တိုဘာလ 19 ရက် 2009 ခုနှစ် 16 နာရီ 51 မိနစ်


မိဘနဲ့ ဝေးရ၊ ခွဲရမှာကို အလွန်ကြောက်ခဲ့တယ်။ ငယ်တုန်းက မိဘတွေကနေ ရွာဦးဘုန်းကြီးကျောင်းမှာ ကိုရင် ဝတ်စေခဲ့ပါတယ်။ မိဘနဲ့ မခွဲနိုင်လို့ ညအိပ်ရင် အိမ်ပြန်အိပ်ရတာပေါ့။ နောက်တော့ … 'ကိုရင်ဆိုတာ အိမ်မှာ မအိပ်ကောင်းဘူး၊ ငရဲကြီးတတ်တယ်' လို့ ရွာဦးဘုန်းကြီး မိန့်ဆိုတာနဲ့ နောက်ရက်တွေမှာ ကျောင်းမှာပဲ အိပ်တော့တယ်။ မနက်ရောက်တော့ အမေတို့ဆီသွားပြီး 'လူထွက်မယ်' ပြောတော့၊ အမေက 'မထွက်ပါနဲ့ ကိုရင်ရယ်။ လူထွက်ရင် ဆင်းရဲလိမ့်မယ်။ အခုလို သင်္ကန်းဝတ်နေတော့ အမေတို့လည်း ကုသိုလ်ရတယ်' တဲ့။ အမေတို့ စိတ်ချမ်းသာအောင် ကိုရင်လူထွက်ရေး အစီအစဉ် ပျက်ခဲ့တယ်။

၁၃ နှစ်သားအရွယ်မှာ မိဘနဲ့ ခွဲပြီး မကွေးစာသင်တိုက်မှာ ပရိယတ္တိစာပေသင်ဖို့ ရွာဦးဘုန်းကြီးကိုယ်တိုင် လိုက်ပို့တယ်။ ဘယ်လိုမှ မပျော်ခဲ့ဘူး။ နေ့ရှိသရွေ့ မိဘကိုပဲ သတိရနေမိတယ်။ နွေရာသီ ကျောင်းပိတ်ရက် အမြန်ရောက်ပါစေဆိုပြီး ရက်တွေလတွေ နေ့တိုင်း ရေတွက်မိတယ်။ တပေါင်းလ ကျင်းပတဲ့ စာမေးပွဲပြီးတာနဲ့ ရွာကို အမြန်ပြန်ခဲ့တယ်။ မိဘကလည်း သား ပြန်လာတာဆိုတော့ ဝမ်းသာအားရ ပီတိဖြာလို့ပေါ့။

အမေက 'ကိုရင် စာသင်ရတာ အဆင်ပြေရဲ့လား။ စားရေးသောက်ရေး အဆင်ပြေလား။ အဆင်မပြေရင် အမေတို့ကို ပြောပါ။ စာမေးပွဲရော ဖြေနိုင်လား။ စာကို ကြိုးစားပါ။ ဘုန်းကြီးဝတ်လည်း စာတတ်မှ။ စာမတတ်ရင် လူတောမတိုးဘူး ကိုရင်။ လူ့ဘဝလည်း ဒီအတိုင်းပဲ။ စာမတတ်ရင် အောက်ကျနောက်ကျ နေရတယ်။ အမေတို့က ဆင်းရဲတယ်။ စာလည်း လည်လည်ဝယ်ဝယ် မတတ်ဘူး။ ကိုရင်ကို အမေတို့လို မဖြစ်အောင်လို့ပါ' တဲ့။

နွေရာသီ ကျောင်းပိတ်ကာလမှာ အမေတို့ဆီသွားလိုက်၊ ကျောင်းပြန်လာလိုက်နဲ့ အလွန်ပျော်ပါတယ်။ ရွာနဲ့ တနှစ်ကျော် ဝေးနေတာဆိုတော့ တရက်နဲ့ တရက် ကုန်ဆုံးမှာတောင် မရေတွက်မိဘူး။ စာသင်တိုက်ပြန်ဖို့ ရက်က တဖြည်းဖြည်း နီးကပ်လာပြီဆိုတော့ စိတ်ထဲမှာ အသိတခု ဝင်လာတယ်။ 'သြော် … ငါ အမေတို့နဲ့ ခွဲရဦးမှာပါလား' ဆိုတဲ့အသိ။ ပြန်မယ့်ရက်ရောက်တော့ အမေကိုယ်တိုင် ကားဂိတ်လိုက်ပို့တယ်။ တလမ်းလုံး အမေက မေတ္တာစကားတွေနဲ့ မှာကြားပါတယ်။ 'လိမ်လိမ်မာမာနဲ့ စာကြိုးစား။ ကျန်းမာရေးလည်း ဂရုစိုက်။ အရေးအကြောင်းရှိရင် အမေတို့ဆီ စာရေးလိုက်' နဲ့ပေါ့။ ကားဂိတ်ရောက်တော့ အမေ့ခမျာ တဘက်လေး ပခုံးတင်ပြီး၊ ကန်တော့တယ်။ မျက်ရည်ကျနေတဲ့ အမေ့မျက်နှာကို အခုထိ မေ့လို့မရဘူး။

ပြန်သာပြန်ခဲ့ရတာ အတော်ဝမ်းနည်းတယ်။ ကျောင်းရောက်တော့ ဆရာတော်က စာမေးပွဲအောင်တဲ့အကြောင်း ပြောပါတယ်။

မကွေးစာသင်တိုက်မှာ ၂ နှစ် ဆက်တိုက်အောင်ပြီး ၂ဝဝ၅ ခုနှစ်မှာ ရန်ကုန်ကိုပြောင်းပြီး စာသင်ခဲ့ပါတယ်။ ရန်ကုန်ရောက်တော့ တခြား ဘာမှစိတ်မဝင်စားဘဲ အမေမှာတဲ့ စကားတွေ၊ ကြိုးစားရမယ့် အကြောင်းတွေကို သတိရတယ်။ စာတတ်မှဖြစ်မယ်ဆိုတဲ့ အသိတရားကြောင့် စာကိုပဲ ကြိုးစားပါတယ်။

နောက်အသိတခုက ရွာဦးကျောင်း ဘုန်းကြီးစကားပါ။ 'ကိုရင် … မင်း ရွာမှာနေချင်ရင် စာမေးပွဲအောင်ဖို့ မလိုဘူး။ စာတတ်ဖို့ပဲ လိုတယ်။ ကိုယ်သင်နေတဲ့စာကို တတ်အောင်ကြိုးစားပါ။ ကိုရင်နေတဲ့ အင်းစိန် စာသင်တိုက်ကြီးက သံဃာလည်း အများကြီးပဲ။ ကျောင်းတိုက်ကလည်း အလွန်ခမ်းနားထည်ဝါလှတယ်။ အနယ်နယ် အရပ်ရပ်က သံဃာတွေလာပြီး စာသင်နေကြတာ။ စည်းကမ်းလည်း အလွန်ကြီးတယ်။ စာချဆရာတော်တွေလည်း စာသင်တာ အလွန်ကောင်းပါတယ်။ ဆရာတော် ဦးတိလောကဆိုရင် စာချတဲ့အခါမှာလည်း စာသင်သားတွေ နားလည်အောင် ပို့ချတယ်။ သံဃာတွေအပေါ်မှာလည်း မေတ္တာထားတယ်။ ဆရာတော် အမြဲပြောတာက ညီညီညွတ်နေကြ၊ စာကြိုးစားကြ၊ အားလုံး စာကြိုးကြပါတယ်' တဲ့။

ဒီလိုနဲ့ တနှစ်တကြိမ် ကျင်းပတဲ့ စာမေးပွဲ ရောက်လာပါတယ်။ စာမေးပွဲဖြေပြီး ကိုယ့်ရပ်ကိုယ့်ရွာကို ၂ လခွဲလောက် ပြန်ရပါတယ်။ ရွာရောက်တော့ အမေနဲ့ အဖေ့ကို ကျန်းကျန်းမာမာ တွေ့ရတော့ ဝမ်းသာတယ်။ အမေက … 'ကိုရင် အသက် ၂ဝ ပြည့်ပြီ။ ရဟန်းဘောင် တက်ရအောင်။ အမေတို့ကပဲ ရဟန်း ဒကာ၊ ဒါယိကာမအဖြစ် ခံယူမယ်' လို့ ဆိုခဲ့ပါတယ်။

ဒီလိုနဲ့ ရဟန်းဘဝကို ရောက်ခဲ့ပါတယ်။ ရဟန်းဘဝနဲ့ ရွာမှာ ကျောင်းပိတ်ကာလ ကုန်ဆုံးအောင်နေပြီး၊ ရန်ကုန် ပြန်ခါနီး အမေက 'ဦးဇင်း … စာကြိုးစားနော်။ အမေနဲ့ အဖေက အသက်ကြီးပြီ။ ရွာဦးဘုန်းကြီး ပြောတယ်။ နင့်သားကို စာကြိုးစားခိုင်း၊ ရွာပြန်နေရတော့မယ်လို့ ပြောလိုက်' တဲ့။ အမေတို့ဆီက စကားကြားရတာ၊ အလွန်ပျော်ပါတယ်။ ရန်ကုန်ပြန်ရောက်တော့ စာမေးပွဲအောင်စာရင်းတွေ ထွက်နေပါပြီ။ သံဃာတွေ ဝိုင်းအုံကြည့်နေတဲ့ဆီကို ပြေးပြီး၊ အောင်စာရင်း လိုက်ရှာနေတုန်း ဘေးနားက ဦးဇင်းတပါးက 'ရှာမနေနဲ့ မင်း စာမေးပွဲအောင်တယ်' တဲ့။ ဘေးက ပြောတာကို အားမရသေးဘူး။ ကိုယ်တိုင်ရှာတွေ့မှ အတော် ပျော်သွားတယ်။ 'ငါ .. ရွာပြန်နေရတော့မယ်ဟေ့' လို့။ တချက်အော်လိုက်သေးတယ်။ ဖြစ်ပုံက …။

အောင်စာရင်းတွေ ထွက်ပြီးတာနဲ့ ၂ဝဝ၇ စာသင်နှစ်ကို ရောက်လာပြီး ဆက်သင်ခဲ့ပါတယ်။ အရင်နှစ်တွေထက် ပိုပြီးကြိုးစားရပါတယ်။ သံဃာတွေလည်း ဒီနှစ်မှာ အရင်နှစ်ကထက် ပိုများလာပါတယ်။ အားလုံး တည်ငြိမ်စွာ ပရိယတ္တိစာပေကို သင်နေတဲ့အချိန် သတင်းဆိုးတခု ကြားလိုက်ရတယ်။ ပခုက္ကူသံဃာတွေကို စစ်တပ်က ရိုင်းစိုင်းစွာ စော်ကားတဲ့ သတင်းပါပဲ။ ကျောင်းထဲက သံဃာတွေ လှုပ်လှုပ်ရွရွ ဖြစ်ကုန်တယ်။ နောက်တခုက သံဃာတွေ ဆွမ်းခံကြွတဲ့အခါ ဆွမ်း၊ ဆွမ်းဟင်း မပြည့်စုံတာရယ်၊ နေ့တိုင်း ဒကာ၊ ဒါယိကာမတွေရဲ့ ကုန်ဈေးနှုန်းကြီးလို့ ညည်းညူသံတွေ ကြားနေရတော့ သံဃာတွေခမျာ ဆွမ်းခံသွားဖို့ အခက်အခဲ ဖြစ်လာတော့တယ်။ ရန်ကုန်မြို့ သံဃာနဲ့ လူထုတွေလည်း ကုန်ဈေးနှုန်း ကျဆင်းရေးအတွက် လမ်းမပေါ်ထွက် ငြိမ်းချမ်းစွာ ဆန္ဒပြတောင်းဆိုကြတယ်။ ငြိမ်းချမ်းစွာ ဆန္ဒပြသူတွေကို အာဏာရှင်က လူမဆန်စွာ ရိုက်နှက်စော်ကားကြတယ်။

ဒီသတင်းတွေကြားတော့ ပိုပြီး မခံမရပ်နိုင်ဖြစ်ကြတယ်။ သံဃာတွေဟာ နိုင်ငံရေးအကြောင်းတွေကို နားလည်လို့ မဟုတ်။ ဒကာ၊ ဒါယိကာမတွေ ဒုက္ခရောက်နေတာရယ်၊ ဘာသာ သာသနာကို စော်ကားတာတွေ၊ မျှတမှုမရှိတဲ့ အာဏာရှင်ဆီက ငြိမ်းချမ်းစွာ မျှတမှုကို တောင်းခံတာပါပဲ။ မျှတမှုကို မပေးတဲ့အပြင် ရက်စက်ယုတ်မာ လိုက်ကြတာ။ မြင်ရသူတိုင်း ရင်နင့်စရာ ဖြစ်မိတယ်။ အင်းစိန်ကျောင်းတိုက် သံဃာတွေ ထိန်းမနိုင်သိမ်းမရ ဖြစ်ပြီး၊ မျှတမှုအတွက် ငြိမ်းချမ်းစွာ လမ်းလျှောက်ဆန္ဒပြနေတာကို သံဃာတွေ အုပ်စုကွဲအောင် ရိုက်နှက်ပစ်ခတ်ကြတယ်။ သံဃာတွေခမျာ မြင်မကောင်း၊ ရှုမကောင်း သွေးအလိမ်းလိမ်းနဲ့ လဲသူ လဲ၊ ကွဲသူ ကွဲ၊ သေသူတွေ အများအပြားပဲ။ တချို့လည်း ပြေးရင်းလွှားရင်း ဘယ်ရောက်မှန်းမသိ ခြေဦးတဲ့ရာ ပြေးကြတာ၊ ကျနော်လည်း အပါအဝင်ပါပဲ။

ပြေးရင်းလွှားရင်း ရောက်လိုက်တဲ့ ဒုက္ခတွေ၊ ရဟန်းဖြစ်ပြီး အစာမစားရတဲ့ ရက်တွေလည်း အများအပြားပါ။ ရေးလို့ပြောလို့ ကုန်မယ်မထင်ဘူး။ ထိုင်းနိုင်ငံ နယ်စပ်တနေရာရောက်မှ ငါ့ဘဝ ကံကောင်းတယ်လို့ မှတ်ယူမိတယ်။ ဒါပေမဲ့ ယူကြုံးမရ ဖြစ်မိတာက မြန်မာမှာ ကျန်ခဲ့တဲ့ မိဘတွေ၊ သားဦးဇင်းပျောက်လို့ ရှာပုံတော် ဖွင့်နေလောက်ပြီ။ ဗေဒင်မေး၊ ယတြာချေ၊ မြို့ကပြန်လာသူတိုင်း သားဦးဇင်းကို မတွေ့ခဲ့ဘူးလားဆိုပြီး အရူးတယောက်လို မေးနေမှာ သေချာပါတယ်။ အသက်အရွယ်ရလာတဲ့ မိခင်ဖခင်တို့ ကျန်းမာစွာနဲ့ ရှိမှ ရှိသေးရဲ့လားလို့ အမြဲပဲ တွေးတောပူပင်ရတယ်။ ဘဝဆက်တိုင်း အမိအဖနဲ့ ဝေးကွာခြင်း ကင်းရပါလိုတယ်။ အနှစ်နှစ်အလလ မနားမနေ ကြိုးစားခဲ့ရတာ။ 'ငါ .. တနေ့ ရွာမှာနေရရင် အသက်အရွယ်ကြီးလာတဲ့ မိဘတွေကို ကြည့်ရှုစောင့်ရှောက်မယ်' လို့ ရည်ရွယ်ခဲ့တာပါ။

အခုတော့ ရည်ရွယ်ချက်တွေ ပျက်တဲ့အပြင် အသက်အရွယ် အိုမင်းလာတဲ့ မိဘတွေ လူ့လောကမှာ ရှိသေးရင် သားအတွက် ပူပင်သောက ရောက်နေမှာ။

မိခင်ဖခင်တို့ ကျန်းမာကြပါစေ။ ဘဝဆက်တိုင်း ဘယ်သောအခါမှ မိဘတွေနဲ့ ဝေးကွာခြင်း ကင်းရပါလိုတယ်။ အာဏာရှင်တွေ နှောင့်ယှက်မှုကြောင့် မိဘတွေ၊ သားသမီးတွေ ကွဲကွာနေကြတာ အများကြီးပါ။ အာဏာရှင်တွေ မကျဆုံးသရွေ့ ထပ်ပြီး ဝေးကွာမှုတွေ ရှိနေဦးမှာပါပဲ။ အဲဒီ အာဏာရှင်တွေ အမြန်ဆုံး ကျဆုံးပါစေ။ ကွဲကွာနေတဲ့ သားသမီးတွေနဲ့ မိဘတွေ ပြန်လည်ပေါင်းစည်းနိုင်ကြပါစေ ….။

Sunday, October 18, 2009

{ကျွံနစ်နေတဲ့ လှည်းတစီး }(Click)


ကျွံနစ်နေတဲ့ လှည်းတစီး

စိုးနေလင်း
post by Saturday, October 17, 2009

ခုကျနော်တို့ရဲ့ကိစ္စက မြန်မာနိုင်ငံက ပြည်သူလူထု တရပ်လုံးနဲ့ အတိုက်အခံ ဒီမိုကရေစီ အင်အားစုတရပ်လုံးအတွက် စစ်အာဏာရှင် စနစ် အမြစ်ပြတ်ဖယ်ရှားရေး ဒီမိုကရေစီနိုင်ငံသစ် တည်ဆောက်ရေး တော်လှန်ရေးဖြစ်ပြီး ခု နိုင်ငံကို အာဏာသိမ်းပြီး အုပ်ချုပ်နေတဲ့ စစ်အာဏာရှင် အစိုးရအတွက်ကတော့ တရာဝင်စစ်အာဏာရှင်စနစ်နဲ့ တိုင်းပြည်အာဏာကို ရေရှည်ထိန်းချုပ်ထားဖို့ ဖြစ်ပါတယ်။

မြန်မာနိုင်ငံက ပြည်သူလူထုရဲ့ ဆန္ဒ၊ ပြည်သူလူထုရဲ့ တကယ့်သဘောထားကတော့ စစ်အာဏာရှင်စနစ် စစ်တပ်အုပ်ချုပ်ရေးကနေ အခြေခံလူ့အခွင့်အရေးကို အပြည့်အဝအာမခံနိုင်တဲ့ ဒီမိုကရေစီနိုင်ငံ တည်ဆောက်ရေးဖြစ်ပြီး ဒါကိုလည်း ၁၉၉၀ ခုနှစ် ပါတီစုံဒီမိုက ရေစီရွေးကောက်ပွဲကြီးမှာ ပေါ်လွင်ထင်ရှားပြသခဲ့ပြီး ဖြစ်ပါတယ်။

ဒါပေမယ့် ကတိဖျက် အာဏာလွှဲပြောင်းပေးဖို့ ငြင်းဆန်ပြီး စစ်အာဏာရှင်စနစ်နဲ့ တိုင်းပြည်ကိုအုပ်ချုပ်ဖို့ ကျားကုတ်ကျားခဲ ကြိုးစားနေ တာကတော့ စစ်အစိုးရပဲဖြစ်ပါတယ်။ ဒါဟာ စစ်အာဏာရှင် အစိုးရနဲ့ ပြည်သူလူထုကြီးကြားမှာ ဖြစ်နေတဲ့ ဖြေရှင်းလို့မရသေးတဲ့ ပဋ္ဋိ ပက္ခပဲ ဖြစ်ပါတယ်။

အကျိုးစီးပွား စီးဆင်းမှုအရ ပြည်သူလူထုတရပ်လုံးဆီကို စီးဆင်းမှုနဲ့ စစ်အာဏာရှင်အုပ်စု လူနည်းစုကလေးနဲ့ သူတို့မိသားစု ဆွေမျိုး သားချင်း၊ အလိုတော်ရိတွေဆီကိုပဲ အကျိုးစီးပွားစီးဆင်းမှုရဲ့ ပဋ္ဋိပက္ခဖြစ်သလို အခွင့်ထူးခံ စစ်ဗိုလ်ချုပ်တွေ၊ မိုသားစု ဆွေမျိုးသားချင်း တွေ အလိုတော်ရိတွေနဲ့ လုံးဝအခွင့်အရေးကင်းမဲ့နေတဲ့ အဖိနှိပ်ခံ ပြည်သူလူထုကြီးတရပ်လုံးရဲ့ ပဋ္ဋိပက္ခလည်း ဖြစ်ပါတယ်။ နိုင်ငံတကာ အနေနဲ့ကတော့ တချို့နိုင်ငံတွေကလွဲလို့ အာဆီယံနဲ့ အိမ်နီးချင်းနိုင်ငံတွေ အပါအဝင် တခြားနိုင်ငံအများစုကတော့ အာ ဏာရှင်တွေ ချပေးချပြထားတဲ့ လမ်းညွှန်မြေပုံအတိုင်းရေးဆွဲပြီး အတင်းအတည်ပြု ပြဌာန်းထားတဲ့ ၂၀၀၈ ဖွဲ့စည်းပုံ အခြေခံဥပဒနဲ့ ကျင်းပပေးမယ် ၂၀၁၀ ခုနှစ် ရွေးကောက်ပွဲကြီးအတိုင်း အရေခြုံ စစ်အာဏာရှင်စနစ်နဲ့အုပ်ချုပ်မယ့် အသွင်ပြောင်းစစ်အစိုးရအဖွဲ့ကို လက်ခံ သဘောတူမယ်။ ဒါပါပဲ။

စစ်အစိုးရကတော့ သူတို့ စနစ်တကျ စီစဉ်အကွက်ချထားတဲ့အတိုင်း သုံးလို့ရနိုင်သမျှ ကောက်ကျစ်စဉ်းလဲ လိမ်ညာလှည့်စားမှုမျိုးစုံ၊ ကမ်းအကုန်ဆုံး ရက်စက်ကြမ်းတမ်းတဲ့ ဖိနှိပ်မှုမျိုးစုံကို အသုံးပြုပြီး (၂၀၁၀) အလွန်မှာ တရားဝင် စစ်အာဏာရှင်စနစ် တည်ဆောက် သွားမှာပဲ ဖြစ်ပါတယ်။

၂၀၁၀ ခုနှစ် နီးကပ်လာတာနဲ့အမျှ စစ်အစိုးရရဲ့ ရွေးကောက်ပွဲသည်သာ တခုတည်းသောအဖြေ၊ တခုတည်းသောရွေးချယ်စရာ အခွင့် အလမ်းဆိုပြီး အရိုးအရင်းရမယ့် အာဏာကလေးတွေကို ကိုင်စွဲပြီး ဒီမိုကရေစီနိုင်ငံသစ်ကြီး တည်ဆောက်အံ့ ဆိုတဲ့သူတွေလည်း အလျှို အလျှိုပေါ်ထွက်ပြင်ဆင်လာကြတာ တွေ့နေရပါပြီ။

ဒီထက် တိုတောင်းတဲ့အမြင်နဲ့ ကိုယ်ကျိုးစီးပွားဗဟိုပြု အာဏာယူချင်တဲ့ သူတွေကိုလည်း တွေ့မြင်နေရပါပြီ။ ပြင်ဆင်စည်းရုံးမှုတွေကို လည်း လုပ်နေကြပြီ ဖြစ်ပါတယ်။

အာဆီယံနိုင်ငံတွေနဲ့ တရုတ်၊ အိန္ဒိယ စတဲ့ အိမ်နီးချင်းနိုင်ငံတွေကတော့ သူတို့တိုင်းပြည်တွေရဲ့ ကိုယ်စီကိုယ်စီ အကျိုးစီးပွားတွေအရ စစ်အစိုးရနဲ့ အဆင်ပြေချောမွေ့အောင် ဆက်ဆံမှာပဲဖြစ်ပါတယ်။ အလျော့အတင်း အပေးအယူလေးတွေလည်း လုပ်နေဦးမှာပါပဲ။

ဒီအချိန်မှာ အမေရိကန်နိုင်ငံလည်း အရှေ့တောင်အာရှနိုင်ငံတွေနဲ့ ဆက်ဆံရေးကို အပြောင်းအလဲလုပ်ပြီး စစ်အစိုးရကို ချဉ်းကပ်ဖို့ လုပ်လာတဲ့အတွက် ဒေသတွင်း သြဇာလွှမ်းမိုးမှုအရ အမေရိကန်နဲ့ တရုတ်တို့ကြားမှာ မျက်လုံးလှန်ကြည့်ရတာတွေ ရှိလာခဲ့ပါပြီ။

မြန်မာစစ်အာဏာရှင် အစိုးရကတော့ သူတို့အကျိုးစီးပွားအတွက် ဘယ်သူ့ကို ဘယ်လိုအပေးအယူ လုပ်ရမယ်ဆိုတာကို ဉာဏ်နီ ဉာဏ်နက်တွေ အမျိုးမျိုးနဲ့ အားထုတ်နေပါပြီ။ မြန်မာစစ်အာဏာရှင် ဗိုလ်ချုပ်တွေဟာ သူတို့ကိုဘာလုပ်ပါ၊ ဘယ်လိုလုပ်ပါဆိုပြီး အမိန့် ပေး စေခိုင်းတာမျိုးကိုတော့ နာခံလုပ်ဆောင်ပေးတာမျိုး မတွေ့ရပါဘူး။

ကုလသမဂ္ဂလို အဖွဲ့အစည်းကြီးနဲ့ တာဝန်ရှိသူတွေရဲ့ မေတ္တာရပ်ခံ ပြောဆိုတိုက်တွန်းမှုတွေ၊ အဖွဲ့ရဲ့ဆုံးဖြတ်ချက်တွေကိုလည်း လက်ခံ လိုက်နာ ဆောင်ရွက်တာမျိုး မရှိခဲ့ပါဘူး။ သူတို့လုပ်ချင်ရာ သူတို့စနစ်တကျ စီမံထားတာတွေကိုသာ ဘယ်သူလက်ခံ၊ လက်မခံ အရေး တယူလုပ်မနေဘဲ ဇွတ်တိုး လုပ်ခဲ့တာတွေကိုသာ တွေ့ရပါတယ်။

ကျနော်အရင် ရေးသားဖော်ပြခဲ့ဖူးသလို မြန်မာစစ်အာဏာရှင်တွေဟာ သူတို့ကို ကြိုက်သည်ဖြစ်စေ မကြိုက်သည်ဖြစ်စေ အိမ်နီးချင်း နိုင်ငံတွေ၊ အာဆီယံနိုင်ငံတွေ အနောက်နဲ့ ဥရောပနိုင်ငံတွေက သူတို့ကိုလာပြီး ဆက်ဆံမှာပဲလို့ ယုံကြည်ထားသလို၊ ကုလသမဂ္ဂ အဖွဲ့ အစည်းကြီး အပါအဝင်တခြား ဘယ်နိုင်ငံကမှ သူတို့ကိုအင်အားသုံးပြီး အာဏာကုလားထိုင်က ဆွဲချလို့ မရနိုင်ဘူးလို့လည်း အခိုင်အ မာ ယုံကြည်ထားကြပါတယ်။

အခုဆိုရင် သူတို့နဲ့ အပစ်ရပ်ငြိမ်းချမ်းရေးယူထားပြီး သူတို့စေခိုင်းတဲ့အတိုင်း နယ်ခြားစောင့်တပ်အဖြစ် ပြောင်းလဲဖွဲ့စည်းပေးဖို့ သဘော မတူ၊ ကလန်ကဆန်လုပ်ခဲ့တဲ့ ကိုးကန့်အဖွဲ့ကို အင်အားအလုံးအရင်းနဲ့ တိုက်ခိုက်ဖြေရှင်းပြခဲ့ပါပြီ။ သူတို့လိုပဲ သဘောမတူဆန့်ကျင်ကြ တဲ့ ဝပြည်သွေးစည်းညီညွတ်ရေးတပ်မတော် (UWSA) နဲ့ ကချင်ပြည် လွတ်လပ်ရေးတပ်မတော် (KIA) တို့ဟာလည်း ကိုးကန့်အဖွဲ့ရဲ့ ကံကြမ္မာမျိုးနဲ့ ရင်ဆိုင်ရစရာ အခြေအနေရှိနေပြီလို့ ခန့်မှန်းရပါတယ်။

စစ်အာဏာရှင် အစိုးရကတော့ သူတို့ရဲ့ကြီးမားတဲ့ အင်အားကိုအသုံးပြုပြီး အပစ်ရပ်အဖွဲ့တွေကို သူတို့ခိုင်းတဲ့အတိုင်း လုပ်လာအောင် အတင်းတွန်းလုပ်မှာပါပဲ။ အဲဒီအတွက် မြန်မာပြည်မြောက်ပိုင်း နယ်နိမိတ်ဒေသတွေမှာ နောက်ထပ်ပစ်ခတ် တိုက်ခိုက်မှုတွေ ပေါ်လာ စရာ အကြောင်းရှိပါတယ်။

စစ်အစိုးရနဲ့ အပစ်ရပ်ငြိမ်းချမ်းရေး မယူထားဘဲ ဆန့်ကျင်ခုခံ တိုက်ခိုက်နေတဲ့ (KNU) နဲ့ ထိုင်းနယ်စပ်မှာ ဖြစ်ပေါ်နေတဲ့ တိုက်ပွဲတွေ ဟာလည်း ဆက်လက်ပြင်းထန်လာစရာ ရှိပါတယ်။ ဒါပေမဲ့ ဘယ်လိုပဲဖြစ်ဖြစ် စစ်အစိုးရရဲ့ (၂၀၁၀) ခုနှစ်မှာ ကျင်းပမယ့် ရုပ်ပြရွေး ကောက်ပွဲကို အဟန့်အတား အနှောင့်အယှက်ဖြစ်စရာ အဆင့်အထိ ရောက်မလာနိုင်အောင်တော့ စစ်အစိုးရက ကောင်းကောင်း ထိမ်း ချုပ်ထား နိုင်ပါတယ်။

နောက်ဆုံး ရွှေဂုံတိုင်ကြေငြာချက် အပါအဝင် အမျိုးသားဒီမိုကရေစီဖွဲ့ချုပ်က တင်ပြတိုက်တွန်း တောင်းဆိုထားတာတွေကိုလည်း စစ် အစိုးရကတော့ ခုအခြေအနေတိုင်းဆိုရင် လိုက်လျောစရာ မရှိဘူးလို့ ယူဆရပါတယ်။ ၂၀၁၀ ခုနှစ်မတိုင်ခင်မှာ စစ်အစ်ိုးရကို မလိုလား တဲ့ ပြည်သူလူထုရဲ့ ကြီးမားတဲ့ စစ်အာဏာရှင်စနစ် ဆန့်ကျင်ရေး၊ ရွေးကောက်ပွဲဆန့်ကျင်ရေး လှုပ်ရှားမှုကြီးတွေ ပေါ်ပေါက်လာ အောင် အမျိုးသားဒီမိုကရေစီအဖွဲ့ချုပ် ဦးဆောင်တဲ့ ပြည်တွင်းပြည်ပ အတိုက်အခံ ဒီမိုကရေစီအင်အားစုတွေက စွမ်းဆောင်နိုင်မယ် ဆိုရင်တော့ စစ်အစိုးရဟာ သူတို့ရဲ့ ရက်တည်ချက်ကို မလွှဲမရှောင်သာ ပြန်လည် စဉ်းစားရပါလိမ့်မယ်။

အမျိုးသား ဒီမိုကရေစီအဖွဲ့ချုပ်က ကြီးမားပြင်းထန်တဲ့ လူထုလှုပ်ရှားမှုကြီးကို ဖော်ဆောင်နိုင် လမ်းပြနိုင်ပြီဆိုရင်တော့ စစ်အာဏာရှင် အစိုးရကို ဆွေးနွေးပွဲစားပွဲရောက်အောင် ခေါ်ဆောင်လာနိုင်စရာ၊ ပြည်သူလူထုရဲ့ လိုလားချက်တွေကို တောင်းဆိုလို့ ရလာနိုင်စရာ အကြောင်းရှိပါတယ်။

ပြည်ပအတိုက်အခံ ဒီမိုကရေစီအင်အားစုတွေ အနေနဲ့ကတော့ စစ်အစိုးရ ခင်းပေးထားတဲ့လမ်းအတိုင်း လိုက်ရုံကလွဲပြီး တခြားလမ်း မ ရှိဘူးလို့ ယူဆယုံကြသူတွေကလွဲလို့ ဆရာကြီးဦးဝင်းတင်ပြောသလို လူထုအတွက် မလိုအပ်တဲ့ ၂၀၁၀ ခုနှစ် ရွေးကောက်ပွဲကို တ ညီတညွတ်တည်း ဆန့်ကျင် တိုက်ဖျက်နိုင်အောင် ကြိုးစားဖို့ လိုပါလိမ့်မယ်။

နိုးကြားတက်ကြွတဲ့ ဒီမိုကရေစီိချစ်မြတ်နိုးသူ ပြည်သူလူထုတွေရဲ့ ပါဝင်ပူးပေါင်းဆောင်ရွက်မှုကို ရယူပြီး မြန်မာနိုင်ငံ ပြည်သူလူထုကြီး တရပ်လုံးကို စစ်အာဏာရှင်စနစ် ဆန့်ကျင်တိုက်ဖျက်ရေး လူထုလှုပ်ရှားမှုတွေမှာ ပါဝင်ပူးပေါင်းဆောင်ရွက်ကြဖို့ စည်းရုံးလှုံ့ဆော် ဦး ဆောင် လမ်းညွှန်နိုင်ဖို့ ကြိုးစားကြရပါလိမ့်မယ်။

စစ်အစိုးရဟာ ဘယ်လိုအစိုးရဖြစ်ပြီး ဘယ်လမ်းကို လျှောက်နေတယ် ဆိုတာကတော့ အားလုံးမြင်သာ ထင်ရှားရှိပြီး ဖြစ်တယ်လို့ ဆိုရ ပါလိမ့်မယ်။ ပြည်တွင်းက အမျိုးသားဒီမိုကရေစီအဖွဲ့ချုပ်အပါဝင် တခြားနိုင်ငံရေးပါတီတွေ၊ နိုင်ငံရေးသမားတွေ၊ နိုင်ငံရေးပါတီ မဟုတ် တဲ့အုပ်စုတွေ၊ တသီးပုဂ္ဂလ နိုင်ငံရေးသမားတွေနဲ့ ပြည်ပက အတိုက်အခံ ဒီမိုကရစီအင်အားစုတွေ ဆိုရင်လည်း ခုချိန်မှာ ညီိအကို မ သိတသိဆိုတဲ့ အဆင့်ကိုတော့ ကျော်လွန်ပြီလို့ ယူဆပါတယ်။

ဘုံအနိမ့်ဆုံး လုပ်ငန်းစဉ် တူညီကြသူတွေ၊ အင်အားစုတွေအနေနဲ့ လက်နက်ကိုင်သည်ဖြစ်စေ၊ မကိုင်သည်ဖြစ်စေ၊ တညီတညွတ် တည်း ချမှတ်ထားတဲ့ လုပ်ငန်းစဉ်အတိုင်း စွမ်းစွမ်းတမံ လျှင်လျှင်မြန်မြန် လှုပ်ရှားဆောင်ရွက်ဖို့ လိုအပ်နေပါပြီ။ အရေးကြီးတဲ့ မီးနီပြ နေတဲ့ အချိန်ဖြစ်တဲ့အတွက် အရင်က လုပ်ကိုင်နေတဲ့ ပုံစံဟောင်းအတိုင်း လက်တွေ့လုပ်ကိုင်လှုပ်ရှား နိုင်စွမ်းမရှိတဲ့ တပ်ပေါင်းစုမျိုး တွေဖွဲ့စည်း၊ အလုပ်ပြရုံ လှုပ်ရှားနေကြလို့ကတော့ မဖြစ်ပါဘူး။ လက်တွေ့လှုပ်ရှားမှုပါတဲ့ လုပ်ငန်းစဉ်တခု အောက်မှာ ထိရောက်သွက် လက် လျှင်မြန်တဲ့ လှုပ်ရှားဆောင်ရွက်မှုတွေကို အမြန်ဆုံး အကောင်အထည်ဖော် ဆောင်ရွက်ကြမှ ဖြစ်ပါလိမ့်မယ်။

နောက်တချက်က ကုလသမဂ္ဂနဲ့ နိုင်ငံတကာရဲ့ ဖိအားပေးမှု၊ အားပေးကူညီ ထောက်ပံ့မှုတွေကိုတော့ မြန်မာနိုင်ငံ စစ်အာဏာရှင်စနစ် အောက်က လွတ်မြောက်ပြီး ဒီမိုကရေစီနိုင်ငံ တည်ဆောက်ရေးအတွက် အရေးပါတဲ့အချက်တခုအဖြစ် လက်ခံ မစဉ်းစားမိဖို့ အရေး ကြီးပါတယ်။

မြန်မာနိုင်ငံမှာ ပြည်သူလူထု အမှန်တကယ် လိုလားတဲ့ စစ်မှန်တဲ့ အဓိကအပြောင်းအလဲကို ပြဌာန်းနိုင်တာဟာ မြန်မာနိုင်ငံအတွင်းက ပြည်သူလူထုကြီး တရပ်လုံးရဲ့ လူထုလူပ်ရှားမှုသာ ဖြစ်တယ်ဆိုတာကို မမှိတ်မသုန် ယုံကြည်ထားကြရပါလိမ့်မယ်။

ဟို လွန်ခဲ့တဲ့ နှစ်ပေါင်းအတော်ကြာက သူငယ်တန်း မြန်မာဖတ်စာမှာ ပါဝင်ပြီး ကလေးတွေရွတ်ဆိုလေ့ရှိကြတဲ့ …

ဇွန်ပန်းရုံအနီး၊
နွံထဲ၌၊ လှည်းဘီးကျွံနေသည်။
ကူ၍ တွန်းပေးကြပါ
လေးလွန်း၍ မတွန်းနိုင်ဘူးလား
ပြိုင်တူတွန်းလျှင်ရွေ့နိုင်ပါသည်။


ဆိုတဲ့ သင်ခန်းစာ စာပိုဒ်လေးကို အသုံးချဖို့ လိုအပ်လိမ့်မယ်လို့ ထင်ပါတယ်။

စိုးနေလင်း



(လူ့ဘောင်သစ် ဂျာနယ် အမှတ် ၈၊ အောက်တိုဘာလ ၂၀၀၉)

Wednesday, October 14, 2009

{မြန်မာ့ရုပ်ရှင် ၈၉ နှစ် ပြည့်ပြီ}(Click)


မြန်မာ့ရုပ်ရှင် ၈၉ နှစ် ပြည့်ပြီ


မြန်မာနိုင်ငံတွင် ရုပ်ရှင် စတင်ပေါ်ပေါက်လာသည့် သက်တမ်း ၈၉ နှစ်ပြည့် အထိမ်းအမှတ်အဖြစ် ရုပ်ရှင်သက်ကြီး ပူဇော်ပွဲအခမ်းအနားကို တနင်္လာနေ့က ရန်ကုန်မြို့တွင် ကျင်းပခဲ့သည်။

ရုပ်ရှင် အစည်းအရုံးက ကြီးမှူးသည့် အဆိုပါ သက်ကြီးပူဇော်ပွဲတွင် အသက် ၁၀၀ ရှိပြီ ဖြစ်သည့် ဒေါ်နန်း (သုခုမ ရုပ်ရှင်ထုတ်လုပ်ရေး) အပါအ၀င် ရုပ်ရှင် အနုပညာရှင်၊ အတတ်ပညာရှင်ပေါင်း ၁၁၇ ဦး တက်ရောက်ပြီး ကန်တော့ခံခဲ့ကြသည်။ သက်ကြီး ရုပ်ရှင်လောကသားများကို တဦးလျှင် ငွေကျပ် ငါးသောင်း၊ တိုင်းရင်းဆေးဝါး၊ ကော်ဖီမစ် စသည်တို့ဖြင့် ပူဇော်ခဲ့ကြောင်း သိရသည်။

မြန်မာ့ရုပ်မြင်သံကြားကလည်း မြန်မာ့ရုပ်ရှင်ဂုဏ်ပြု အစီအစဉ် တချို့ ထုတ်လွှင့်မည်ဟု မြန်မာနိုင်ငံ ရုပ်ရှင်အစည်းအရုံး အတွင်းရေးမှူး မလိခစိုးထိုက်အောင်က ပြောသည်။

Purple Plain (ခရမ်းရောင်လွင်ပြင်) ရုပ်ရှင်ဇာတ်ကား

“MRTV-4 ကနေတော့ ၈၉ နှစ်ပြည့်မယ့် ၁၃ ရက်နေ့ မှာ မြဂနိုင် ဆိုတဲ့ အသံတိတ် ရုပ်ရှင်ကား ပြပါမယ်” ဟု မလိခစိုးထိုက်အောင်က ဧရာဝတီကို ပြောသည်။

ကမ္ဘာ့ရုပ်ရှင် ပေါ်ထွန်းလာခဲ့ပြီး ၂၅ နှစ်ခန့် အကြာ ၁၉၂၀ တွင် မြန်မာနိုင်ငံတွင်လည်း ရုပ်ရှင်လုပ်ငန်း ပေါ်ပေါက်လာသည်။

ရုပ်ရှင်သမိုင်းကြောင်း၏ အစတွင် အသံတိတ်ရုပ်ရှင်ဖြင့် စတင်ခဲ့ကြသည်။ နိုင်ငံတကာတွင် ၁၉၂၈ ၀န်းကျင်ခန့်က အသံထွက် ရုပ်ရှင်ကို ဖန်တီးနိုင်ခဲ့ကြသည်။ ၄ နှစ်ခန့်အကြာတွင် မြန်မာပြည်တွင်လည်း အသံထွက် ရုပ်ရှင် ပေါ်ပေါက်လာခဲ့သည်။

မြန်မာ့ရုပ်ရှင်ဟူ၍ပေါ်ထွန်းလာစေရန် ကြိုးပမ်းခဲ့သူမှာ ဦးအုန်းမောင်ဖြစ်ပြီး ပထမဆုံးသောရုပ်ရှင် ဇာတ်ကားကို ၎င်းနှင့်အတူ ဓာတ်ပုံဆရာ ဦးမောင်မောင်၊ မောင်ညီပု တို့က ရိုက်ကူးခဲ့ကြသည်။

၁၉၂၀ တွင် ရုံတင် ပြသခဲ့သည့် မြန်မာနိုင်ငံ၏ ပထမဆုံးသော အသံတိတ် ရုပ်ရှင်ဇာတ်ကားမှာ “ဘားမားဖလင်” ကုမ္ပဏီက ရိုက်ကူးသည့် “မေတ္တာနှင့် သူရာ” ဇာတ်ကားဖြစ်ပြီး ဇာတ်လမ်းရေးသူမှာ စာရေးဆရာပီမိုးနင်း၊ ဒါရိုက်တာ ဦးတုတ်ကြီး၊ သရုပ်ဆောင်များမှာ မောင်ညီပု၊ မအေးကြည်၊ မောင်မောင်ချစ်၊ မောင်မောင်ကလေး၊ ကိုညိမ်းနှင့် ဦးပါကြီး တို့ ဖြစ်သည်။

မြန်မာ့ရုပ်ရှင်ငွေရတုခေတ်ကာလတွင် ဟောလိဝုဒ် ရုပ်ရှင်လောကနှင့် တိုက်ရိုက်ဆက်သွယ်၍ လုပ်ဆောင်ခဲ့သည်။

“ဟောလိဝုဒ်မှာ ရှိတဲ့ ယူနီဗာဆယ် စတူဒီယိုမှာ ဆိုရင် မြန်မာပြည်က ပို့ထားတဲ့ ဇာတ်ညွှန်းတွေကို အင်္ဂလိပ်ဘာသာနဲ့ တွေ့ရတယ်။ နောက် ဒီမှာ ရှိတဲ့ “ငဘ” ဆိုတဲ့ ကားရဲ့ ဇာတ်ညွှန်းတအုပ်လုံးကို ဆိုရင် အင်္ဂလိပ်လိုရေးထားတာ” ဟု ဒါရိုက်တာ ကြည်ဖြူသျှင်က ဧရာဝတီကို ပြောသည်။

မြန်မာပြည် ရှုခင်း ရိုက်ချက်များကို ဟောလိဝုဒ်က ၀ယ်ယူခဲ့ခြင်း ဖြစ်ကြောင်း၊ အနောက်နိုင်ငံများကို မှီငြမ်း၍ ဖန်တီးခဲ့ကြခြင်း မဟုတ်ဘဲ ကိုယ်ပိုင်အစွမ်းအစဖြင့် ဖန်တီးခဲ့သည်များကိုသာ ပြသကြခြင်း ဖြစ်ကြောင်း၊ ထိုခေတ်က အင်္ဂလိပ်ဘာသာဖြင့် ရေးသားထားသော ဇာတ်ညွှန်းများကို ကြည့်လျှင် မြန်မာ့ရုပ်ရှင် လောကသားများ၏ အဆင့်အတန်း မြင့်မားခဲ့သည်ကို သိနိုင်ကြောင်း ၎င်းက ဆက်ပြောသည်။

“မြန်မာ့ရုပ်ရှင်အနုပညာက တချိန်တုန်းက အရမ်း အောင်မြင်ခဲ့တယ်။ အဲ့ဒီလို အနေအထားမျိုး ပြန်ရောက်အောင် နောင်လာ နောက်သားတွေ အနေနဲ့ ကြိုးစားသင့်ပါတယ်” ဟု ကြည်ဖြူသျှင်က ဆိုသည်။

ခရမ်းရောင်လွင်ပြင် ရုပ်ရှင်ဇာတ်ကားမှ မြန်မာမင်းသမီး ၀င်းမင်းသန်း

မြန်မာနိုင်ငံ၏ ပထမဆုံးသော အသံထွက်ရုပ်ရှင်ဇာတ်ကားကို ဒါရိုက်တာ ဦးတုတ်ကြီးက အိန္ဒိယသို့ သွားရောက် ရိုက်ကူးခဲ့သည်။ “ငွေပေးလို့မရ” ဟု အမည်ရသော ထိုဇာတ်ကားတွင် မောင်အေးကို၊ ခင်မေကြီး၊ ခင်မေလေး တို့ သရုပ်ဆောင်ထားကြသည်။

ယခင်က မြန်မာသရုပ်ဆောင်များသည် အနောက်နိုင်ငံမှ ရုပ်ရှင်သရုပ်ဆောင်များနှင့် တွဲဖက် ရိုက်ကူးခြင်း၊ အနောက်နိုင်ငံများသို့ သွားရောက် ရိုက်ကူးခြင်း၊ အနောက်နိုင်ငံမှ ရုပ်ရှင်ကုမ္ပဏီများ မြန်မာပြည်သို့ လာရောက် ရိုက်ကူးခြင်းများ ရှိခဲ့သည်။

၁၉၅၄ ခုနှစ်တွင် ရိုက်ကူး ထုတ်လုပ်ခဲ့သည့် “Purple Plain” (ခရမ်းရောင်လွင်ပြင်) ဟု အမည်ရသော ရုပ်ရှင် ဇာတ်ကားတွင် နိုင်ငံခြားသား သရုပ်ဆောင်ဖြစ်သည့် ဂရေဂိုရီဘတ် နှင့် မြန်မာပြည်မှ သရုပ်ဆောင် ၀င်းမင်းသန်းတို့က အဓိက ပါဝင်ခဲ့သည်။

မြန်မာ့ရုပ်ရှင်သည် ၁၉၅၀ ကျော်မှ စတင်၍ ၁၉၈၀ ၀န်းကျင်ကာလများအထိ တနှစ်လျှင် ရုံတင်သည့် အရေအတွက်မှာ ကားပေါင်း ၈၀ - ၁၀၀ နီးပါးခန့် ရှိခဲ့သော်လည်း နောက်ပိုင်းကာလများတွင် တနှစ်လျှင် ကားပေါင်း ၁၅-၂၀ ခန့်သာ ရုံတင်နိုင်ခဲ့သည့် အနေအထားသို့ ရောက်ရှိခဲ့သည်။

“တခြားနိုင်ငံတွေက တိုးတက်သွားသလောက် ကျနော်တို့က ရပ်နေတာပါပဲ။ အရုပ်ကောင်းဖို့၊ အသံကောင်းဖို့ကို မနည်း လုပ်နေရတယ်”ဟု ဒါရိုက်တာအကယ်ဒမီ ကြည်စိုးထွန်းက ဧရာဝတီကို ပြောသည်။

မြန်မာ့ရုပ်ရှင်သည် အစိုးရ နှင့် ပရိသတ်များက ကူညီမှသာလျှင် ယခင်ကကဲ့သို့ ပြန်လည် တိုးတက်လာနိုင်မည် ဖြစ်ကြောင်း ၎င်းက ဆက်ပြောသည်။

ဒါရိုက်တာ မလိခစိုးထိုက်အောင်ကလည်း “ယနေ့ခေတ် မြန်မာ့ရုပ်ရှင်က ဟိုဘက်ခေတ်တွေကို မမီတော့ပါဘူး” ဟု ဆိုသည်။

၁၉၅၂ ခုနှစ်မှ စတင်၍ ရုပ်ရှင်လောကမှ ထူးချွန်သူများကို အကယ်ဒမီဆု ဟု ထင်ရှားသည့် ရုပ်ရှင်ထူးချွန်ဆုများ နှစ်စဉ် ချီးမြှင့်ခဲ့သည်။

Tuesday, October 13, 2009

{စာမျက်နှာများ ရေးဖွဲ့ခြင်းနှင့် ပါးလျှသော မျဉ်းတကြောင်း၏ တဖက်တချက် }(Click)


စာမျက်နှာများ ရေးဖွဲ့ခြင်းနှင့် ပါးလျှသော မျဉ်းတကြောင်း၏ တဖက်တချက်


ဆောင်းပါး
စိုးနေလင်း
တနင်္လာနေ့၊ အောက်တိုဘာလ 12 ရက် 2009 ခုနှစ် 13 နာရီ 21 မိနစ်

soenaylinns


အံ့သြစရာ ကောင်းတာတခုကို ကျနော် သတိထားမိခဲ့တာ နှစ်ပိုင်းလောက်တော့ ရှိပါပြီ။ ပြောရရင် ခပ်ငယ်ငယ် ကျောင်းသားဘဝ ၁၉၇၆ ခုနှစ် ကျောင်းသားသပိတ်အပြီး အကျဉ်းကျခံနေရတဲ့ အချိန်တုန်းက ကျနော်တို့ ကဗျာလေးတွေ စမ်းသပ်ရေးဖွဲ့ ဖြစ်ခဲ့ကြပါတယ်။

ကဗျာဖြစ်တာတွေ ပါသလို၊ ကဗျာမဖြစ်တာတွေလည်း ပါမှာပါပဲ။တခါတလေ လတ်လတ်ဆတ်ဆတ် လေ့လာဆည်းပူး ထားတဲ့ နိုင်ငံရေးအတွေး အခေါ်တွေ၊ သဘောတရားတွေနဲ့ လောလောလတ်လတ် တွေ့ကြုံ ဖြတ်သန်းခဲ့ရတဲ့ ကျောင်းသား နိုင်ငံရေးသမား၊ ကျောင်းသား နိုင်ငံရေး အကျဉ်းသား ဆိုတဲ့ အတွေ့အကြုံက ယှဉ်တွဲနေလေတော့ စစ်အာဏာရှင် ဆန့်ကျင်ရေး ရေးတဲ့နေရာမှာ အတုံးလိုက်၊ အတစ်လိုက် ချသုံး ရေးဖွဲ့လိုက်တာတွေ ရှိခဲ့ပါတယ်။

ကျနော်တို့ ကျောင်းသားလူငယ်တွေကို စာနာနားလည်ခဲ့ကြတဲ့ အကျဉ်းထောင်က တာဝန်ရှိ ပုဂ္ဂိုလ်တချို့နဲ့ အစောင့်ဝါဒါတွေရဲ့ အကူအညီနဲ့ ကျနော်တို့ရဲ့ ကိုယ်တိုင်လက်ရေးမူ ကဗျာအတော်များများကို ထိန်းသိမ်း သယ်ဆောင် သွားနိုင်ခဲ့ပါတယ်။ (မလွတ်ခင်ကတည်းက အိမ်ကို ကြိုပြီး ပို့ထားလိုက်ခဲ့တာပါ။)

အကျဉ်းထောင်က လွတ်တော့ တွဲဖက် ကျောင်းဆရာတွေအဖြစ် ကျေးလက်လူထုကြား ဆင်းပြီး၊ ပညာပေးပညာယူ လုပ်ခဲ့ကြ၊ တပြိုင်နက်ထဲမှာ ကဗျာ၊ အက်ဆေး၊ ဆောင်းပါးတွေ ရေးကြ။ အများအားဖြင့်တော့ နိုင်ငံရေးကဲ အနုပညာအားနည်းတဲ့ ကဗျာတွေ၊ အက်ဆေးတွေပါပဲ။

နောက် မတရားမှုကို မခံနိုင်တဲ့စိတ်၊ အာဏာရှင်ကို ဆန့်ကျင်အံတုချင်တဲ့ စိတ်နဲ့ ပြည်သူလူထုကို အကျိုးပြုချင်တဲ့ စိတ်တွေကြောင့် အာဏာရှင် စနစ်၊ အာဏာရှင်အစိုးရ ဖြုတ်ချပစ်ဖို့ ကြိုးစားနေကြတဲ့ အကိုအရွယ်၊ ဦးလေးအရွယ် နိုင်ငံရေး သမားဟောင်းတချို့၊ ကျောင်းသားခေါင်းဆောင် ဟောင်းတချို့နဲ့ မိတ်ဆွေဖွဲ့မိ တွဲမိ၊ အစိုးရ ဆန့်ကျင်ရေးတွေ ပါဝင် လုပ်ဆောင်ခဲ့ကြပါတယ်။ (ထောင်ကျထားတဲ့ အတွေ့အကြုံ အပေါ်လည်း ထင်တလုံး နဲ့ပေါ့လေ။)

တဖက်က ကျေးလက်ကျောင်းဆရာတွေ ဖြစ်နေတော့ ကျောင်းနံရံကပ် စာစောင်လေးတွေ ထုတ်ဝေပေးရင်း အထိမ်းအမှတ်နေ့တွေမှာ သူငယ်ချင်းတွေစုပြီး စာကူးစက် ကဗျာစာအုပ်လေးတွေ ထုတ်ဖြစ်နဲ့၊ ကဗျာတွေ၊ စာတွေ တော်တော်များများ ရေးဖြစ်ခဲ့တယ်လို့ ဆိုရပါလိမ့်မယ်။

ကျနော်တို့ကို ကဗျာတွေ၊ စာတွေ ရေးဖြစ်အောင် အဓိက စေ့ဆော်ခဲ့တဲ့ တွန်းအားကတော့ အမှန်တရား၊ တရားမျှတမှု၊ ဒီမိုကရေစီရေး၊ လူ့အခွင့်အရေးနဲ့ ငြိမ်းချမ်းရေးကို ချစ်မြတ်နိုးတဲ့ စိတ်ပါပဲ။ တပြိုင်နက်ထဲမှာ အာဏာရှင်စနစ်ကို ဆန့်ကျင်လို့ အဖိနှိပ်ခံရတဲ့ ပြည်သူလူထုကို အကျိုးပြုလို စိတ်နဲ့ပေါ့လေ။

ဒါကြောင့် ကျနော်(တို့) ရေးခဲ့တဲ့ ကဗျာတွေစာတွေ အားလုံးရဲ့ ဦးတည်ချက်က အဲဒီလမ်းကြောင်းပါပဲ။ ပြည်သူတွေရဲ့ တကယ့်ဘဝကို ထင်ဟပ်ရေးဖွဲ့ခဲ့တာတွေပဲ များပါတယ်။

အဲဒီလိုနဲ့ ကျေးလက်ကျောင်းဆရာတွေအဖြစ် တဖက်က လုပ်ကိုင်ရင်း၊ ကဗျာတွေ၊ စာတွေ ရေးရင်း တဖက်ကလည်း စစ်အာဏာရှင် အစိုးရ (အရေခြုံ မဆလ) ကို ဖြုတ်ချဖို့ နိုင်ငံရေးအရ လျှို့ဝှက်လှုပ်ရှားရင်း လူငယ်ဘဝကို ဖြတ်သန်းခဲ့ကြတဲ့အတွက် နှစ်တွေကြာလာတာနဲ့အမျှ လူထုဘဝအဖွဲ့၊ စစ်အာဏာရှင်စနစ် ဆန့်ကျင်ရေးအဖွဲ့ ကဗျာတွေစာတွေ တစတစ စုဆောင်းမိလာတယ်လို့ ဆိုရပါလိမ့်မယ်။

ဒီလိုနဲ့ပဲ ၁၉၈၈ လူထုဒီမိုကရေစီ အရေးတော်ပုံကြီး ဖြစ်လာ၊ ကျနော်တို့ကလည်း ကိုယ်ကျရာတာဝန်၊ ကျရာနေရာကနေ ဒီမိုကရေစီအရေး တော်ပုံကြီးအတွက် ဆောင်ရွက်ပေါ့လေ။

နောက်ဆုံးမှာတော့ လက်နက်နဲ့ အာဏာကို နိုင်နိုင်နင်းနင်း ထိန်းချုပ်နိုင်အား ကောင်းပြီး၊ မက်လုံးပေးရက်ရောတဲ့ ထောက်လှမ်းရေး ယန္တရားကြီး ရှိတဲ့ စစ်အစိုးရဟာ ဒီမိုကရေစီအင်အားစုတွေ၊ လက်နက်ကိုင် တော်လှန်ရေး အင်အားစု မြေအောက်လှုပ်ရှားမှုတွေရဲ့ အားနည်းချက် တွေပေါ်မှာ စီးနင်း အနိုင်ယူ သွားနိုင်ခဲ့တဲ့အတွက် လူထုဒီမိုကရေစီ အရေးတော်ပုံကြီး အောင်ပွဲရလုဆဲဆဲ အခြေအနေမှာ ကျဆုံး ရှုံးနိမ့် သွားခဲ့ရပါတယ်။

အဲဒီအချိန်မှာ ကျနော်တို့လည်း အစိုးရရဲ့ စစ်ခုံရုံးတခုက နှစ်ရှည်ထောင်ဒဏ် ချမှတ်တာကို ခံခဲ့ရလို့ နံရံလေးဖက်နဲ့ သံတိုင်တွေနောက် ရောက်ခဲ့ ရပါတယ်။ ဒါပေမဲ့ စိတ်ဓာတ်တော့ မကျခဲ့ပါဘူး။ အခွင့်အရေးရရင် ရသလို စစ်အာဏာရှင်တွေရဲ့ အမိန့်အာဏာတွေကို ဆန့်ကျင်ရင်း ရေးလို့ရသမျှ ကဗျာတွေ၊ အက်ဆေးတွေ၊ ဝတ္ထုတိုတွေ၊ ဆောင်းပါးတွေ အချိန်နဲ့အမျှ ရေးသားခဲ့ပါတယ်။

ဆေးပေါ့လိပ်စည်းပတ် တံဆိပ်ကအစ စီးကရက်ဗူးခွံနဲ့ အတွင်းစက္ကူ၊ အိမ်သာသုံး (တစ်သျှူးပေပါ) စက္ကူလိပ်အဆုံး ရေးလို့ရသမျှ ပစ္စည်းအားလုံး ကို သုံးခဲ့ကြပါတယ်။ အတော်များများကို ဖျက်ဆီးပစ်ခဲ့ရ၊ ပြန်ရှာလို့မရအောင် သိမ်းဖွက်မိခဲ့လို့ ဆုံးရှုံးခဲ့ရပေမယ့် အတော်များများကိုလည်း စာနာ ထောက်ထားတတ်သူတွေရဲ့ အကူအညီနဲ့ ထောင်ပြင်ပကို ထုတ်ယူ သိမ်းဆည်း ထားနိုင်ခဲ့ပါတယ်။

ကျနော်ရဲ့ ပထမဆုံး ပုံနှိပ် ထုတ်ဝေနိုင်ခဲ့တဲ့ နိုင်ငံတကာ ကလေး ကဗျာစာအုပ် (အင်္ဂလိပ်၊ မြန်မာ) လေးဟာ စစ်အစိုးရရဲ့ ထောင်ထဲမှာ ကျနော် ပြန်ဆိုရေးသားခဲ့တာပါ။ အစိုးရရဲ့ စောင့်ကြည့်မှုကနေ ကျနော် တိမ်းရှောင် လွတ်မြောက်ပြီး ထိုင်းနိုင်ငံရောက်မှ ပုံနှိပ်သတင်းစာ၊ ဂျာနယ်နဲ့ အင်တာနက် စာမျက်နှာတွေမှာ ပုံနှိပ်ထုတ်ဝေခံခဲ့ရတဲ့ ကဗျာတွေ အတော်များများဟာလည်း ထောင်ထဲမှာ ရေးသားခဲ့တာ ဖြစ်ပါတယ်။

တချို့ကို အကျဉ်းထောင်ထဲမှာ ရေးသားခဲ့တဲ့အတိုင်း အပြင်အဆင်မရှိ ပုံနှိပ်ဖော်ပြနိုင်ခဲ့ပြီး၊ တချို့ကိုတော့ အနည်းအပါး ပြင်ဆင်ကာ ပုံနှိပ်ဖော်ပြနိုင်ခဲ့ပါတယ်။

ကျနော့်ဆောင်းပါးရဲ့ အစမှာ ဖော်ပြခဲ့တဲ့ အံ့သြစရာ ကောင်းတယ်ဆိုတဲ့ အချက်ဟာ ဒါပါပဲ။ ကျနော်တို့ အဲဒီ ၇၀ စုနှစ်၊ ၈၀ စုနှစ်၊ ၉၀ စုနှစ် ကာလ တွေအတွင်း ခံစားရေးဖွဲ့ခဲ့တဲ့ ကဗျာတွေ၊ စာတွေရဲ့ ဦးတည်ချက်နဲ့ ဒီကနေ့ ကျနော် ရေးသားနေတဲ့ ကဗျာတွေ၊ စာတွေရဲ့ ဦးတည်ချက်ဟာ အတူတူပဲ ဖြစ်နေတာပါပဲ။ သုံးစွဲခဲ့တဲ့ နိမိတ်ပုံတွေ၊ အလင်္ကာ တွေဟာလည်း အများစုက အတူတူပဲ ဖြစ်ပါတယ်။ အနည်းအပါး ကွဲပြားအောင် ပြောင်းလဲ သုံးစွဲရတာတွေ ရှိပါတယ်။

ဒါပေမဲ့ ယေဘုယျ ပြောရရင် နှစ်ပေါင်း ၃၀ ကျော်ကာလအတွင်း ရေးဖွဲ့ခဲ့သမျှ ကဗျာနဲ့ စကားပြေတွေဟာ ဦးတည်ချက်နဲ့ တင်ပြပုံတွေ၊ အသုံးပြု ထားတဲ့ ဥပမာတွေ၊ နိမိတ်ပုံတွေ၊ အကိုးအကားတွေဟာ တူညီနေဆဲပဲလို့ ပြောလို့ ရပါတယ်။ ရေးဖွဲ့တဲ့ ပုံသဏ္ဍာန်သာ အပြောင်းအလဲ ရှိခဲ့ပါတယ်။

အဲဒီလို ဖြစ်ရတဲ့ အကြောင်းရင်းကလည်း ရှင်းလင်းမြင်သာ ရှိပါတယ်။ အဲဒီအချိန်က မဆလ အရေခြုံ စစ်အစိုးရနဲ့ ၈၈ ခုနှစ် စက်တင်ဘာ ၁၈ ရက်ကစပြီး အာဏာသိမ်း မတရားအုပ်ချုပ်ခဲ့တဲ့ စစ်အစိုးရအဆက်ဆက်ရဲ့ စရိုက်သဘာဝ၊ ပြည်သူလူထုကို ဖိနှိပ်ညှဉ်းပမ်းပုံ၊ အာဏာနဲ့ စည်းစိမ် ဥစ္စာကို မက်မောပုံ အကျင့်ပျက်ပုံတွေ အားလုံးဟာ တထပ်ထဲနီးပါး တူညီနေလို့ပဲ ဖြစ်ပါတယ်။

ဥပမာအားဖြင့် ကျနော် ခေတ်ပြိုင်အင်တာနက် ဂျာနယ်ကို တာဝန်ယူစဉ်ကာလ ၂၀၀၄ ခုနှစ်လောက်မှာ ရေးသား ပုံနှိပ်ဖော်ပြခဲ့တဲ့ “စစ်အာဏာရှင် များရဲ့ ဖမ်းလွှတ်ကစားနည်း”၊ “ စစ်အာဏာရှင်စနစ် အမြစ်ပြတ်ရေး” စတဲ့ ဆောင်းပါးတွေဟာ အခုချိန်မှာ ပြန်ပြီးဖော်ပြမယ် ဆိုရင်လည်း အခြေအနေနဲ့ ကိုက်ညီနေဆဲပဲ ဖြစ်ပါလိမ့်မယ်။

တခြားဆောင်းပါးတွေကို ပြန်ပြီး ရှာဖွေရခက်ခဲလို့ မဖော်ပြနိုင်တော့ပေမယ့် အခုချိန်မှာ ပြန်ပြီး ဖော်ပြမယ်ဆိုရင်လည်း အခြေအနေနဲ့ ကိုက်ညီ နေဆဲဖြစ်တဲ့ ဆောင်းပါးတွေ အများကြီး ရှိဦးမှာပါ။ ကဗျာတွေဆိုလည်း အများကြီး ရှိနေပါလိမ့်မယ်။

ကျနော် တင်ပြလိုရင်းကတော့ စစ်အာဏာရှင် အစိုးရအဆက်ဆက် ဗိုလ်နေဝင်းကစလို့ ဗိုလ်သန်းရွှေအဆုံး စစ်အာဏာရှင် အားလုံးဟာ မြန်မာနိုင်ငံမှာ စစ်အာဏာရှင်စနစ် ထာဝရ တည်မြဲရေး၊ ပြည်သူလူထုကို စစ်တပ်ရဲ့ ကျေးကျွန် အလုပ်အကျွေး ပြုသူတွေအဖြစ် ထာဝရ ကျွန်ဇာတ်သွင်းရေး၊ စစ်အာဏာရှင်အုပ်စုနဲ့ ဆွေမျိုးသားချင်း အသိုင်းအဝိုင်း အခွင့်ထူးခံ လူတန်းစားတွေသာ အစဉ်အဆက် စည်းစိမ်ခံနိုင်ရေး၊ အုပ်ချုပ်ရေး၊ ဥပဒေပြုရေး၊ တရားစီရင်ရေး အာဏာသုံးရပ်စလုံးကို စစ်အာဏာရှင်တွေက ထိန်းချုပ် နိုင်ရေးအတွက်ပဲ အစဉ်တစိုက် ကြိုးစား လာခဲ့ကြတယ် ဆိုတာပါပဲ။ တကယ်တော့ ဒီကနေ့ စစ်အာဏာရှင်တွေဟာ ပြုပြင်လို့ မရအောင် ကမ်းကုန်နေတဲ့၊ သေသည်အထိ အဆုံးစွန်ဆုံး မိုက်မဲသွားဖို့ စဉ်းစား ဆုံးဖြတ်ပြီးသား ဆေးမရှိတဲ့ လူမိုက်တွေပါ။

သူတို့ ကျဆုံးအသက်မရှိတော့မှဘဲ သူတို့လက်ထဲမှာ မြဲမြဲဆုပ်ကိုင်ထားတဲ့ အာဏာကို စွန့်လွှတ်မယ့်သူတွေ ဖြစ်တယ် ဆိုတာ သေချာနေပါပြီ။

အာဏာရှင် အစိုးရတရပ်ကို ဆန့်ကျင်တော်လှန်ရတဲ့ တော်လှန်ရေးတွေဟာ အချိန်တိုတိုအတွင်း အထိအခိုက် အကျအဆုံး နည်းနည်းနဲ့ ပြီးဆုံး၊ အောင်ပွဲရသွားတယ်ဆိုတာ မရှိသလောက်ပါပဲ။ ကာလရှည်ကြာ ခက်ခဲကြမ်းတမ်း သလို အထိအခိုက်၊ အကျအဆုံးလည်း များပါတယ်။

အလွန် ယုံကြည်ချက် ပြင်းထန်ခိုင်မာဖို့ လိုသလို ဇွဲ၊ လုံ့လ၊ ဝိရိယ၊ အားမာန်သတ္တိ အပြည့်အဝ ရှိဖို့လည်း လိုအပ်ပါတယ်။ ဒါဟာ စစ်အာဏာရှင်ကို မလိုလားဘဲ ဒီမိုကရေစီရေး၊ လူ့အခွင့်အရေးကို လိုလားနှစ်သက်ကြသူတိုင်း စစ်အာဏာရှင်စနစ်ကို ကိုယ်ပါဝင်တိုက်ခိုက်နေတဲ့ စစ်မျက်နှာအရ စွမ်းစွမ်းတမံ၊ ထက်ထက်မြက်မြက် တိုက်ခိုက်နိုင်ဖို့ အခြေခံ လိုအပ်ချက်တွေပဲ ဖြစ်ပါတယ်။

ကိုယ်ရွေးချယ် ပါဝင်တိုက်ခိုက်နေတဲ့ စစ်မျက်နှာရဲ့ ပြောင်းလဲနေတဲ့ အခြေအနေတွေကို အသေအချာ လေ့လာ သုံးသပ်ပြီး အခြေအနေအရ တောင်းဆိုလာတဲ့ တိုက်ပွဲပုံစံကို ရွေးချယ်ကျင့်သုံးရပါလိမ့်မယ်။ ဒါပေမဲ့ အဓိက ရန်သူက အပြောင်းအလဲမရှိ၊ စစ်အာဏာရှင်စနစ်နဲ့ စစ်အာဏာရှင် တွေသာ ဖြစ်တဲ့အတွက် အဓိက ဦးတည်ချက်ကတော့ အတူတူပဲ ဖြစ်နေမှာပါပဲ။

ဒါကြောင့်လည်း ကျနော်တို့ ရေးသားနေတဲ့ ရသစာပေပဲဖြစ်ဖြစ်၊ ရသမဟုတ်တဲ့ စာပေပဲဖြစ်ဖြစ် ရေးချလိုက်သမျှတွေ အားလုံးဟာ ဦးတည်ချက် ကတော့ တူညီနေတာပဲ ဖြစ်ပါတယ်။

အခုတခါ ပြောင်းလဲလာတဲ့ အခင်းအကျင်းမှာ စစ်အာဏာရှင်တွေဟာ တကယ်ပဲ တိုင်းပြည်နဲ့ ပြည်သူလူထု အကျိုးစီးပွားကို ကြည့်ရှုလာပါပြီလား၊ ဒါမှမဟုတ် အရင်တုန်းကလိုပဲ ပြည်သူလူထုနဲ့ ကမ္ဘာကို လိမ်လည်လှည့်စားဖို့ ကြိုးစားနေတာပါလား၊ ကျနော်တို့ အသေအချာ စောင့်ကြည့်လေ့လာ ရပါလိမ့်ဦးမယ်။

သေချာပြီဆိုမှ ကျနော်တို့ရဲ့ စာပေရေးသားမှု၊ ဦးတည်ချက်ကို ပြောင်းလဲဖို့ လိုအပ်ရင် ပြောင်းလဲရပါလိမ့်မယ်။ ကျနော်တို့ဟာ မျဉ်းဖြောင့် တကြောင်းကို ရေးဆွဲနေသူတွေ ဖြစ်ကြပါတယ်။

Tuesday, October 06, 2009

{ ဘုရားသခင် ကျီစားသန်ခဲ့တယ် }(Click)



ဘုရားသခင် ကျီစားသန်ခဲ့တယ်

မိုးစဲနေ

အောက်တိုဘာ ၅၊ ၂၀၀၉

ရည်းစားများတဲ့ ကောင်မလေးကိုယ်တိုင်က
သစ္စာတရားကို ဖွဲ့နွဲ့တယ်
ဘုရားသခင်က ကျီစားတယ်

သန်းကြွယ်သူဌေးတွေကန်တဲ့ ကမ္ဘာ့ဘောလုံးပွဲကို
ဆင်းရဲသားတွေက လက်ဖက်ရည်ဆိုင်မှာ တိုးကြည့်ကြတယ်
ဘုရားသခင်က ကျီစားတယ်

တနေ့လုပ်မှ တနေ့စား စားစရာမရှိတဲ့ မရှိသူတွေအတွက်
ငါးထောင်တန် ထုတ်တယ်
ဘုရားသခင်က ကျီစားတယ်

ကိုယ့်ဖဲထုပ် ကိုယ်ချိူး ကိုယ်လူနဲ့ကိုယ် ရိုက်တဲ့ ဖဲဝိုင်းမှာ
အခြေခံဥပဒေကို ၁၄ နှစ်ကြာအောင် ဆွဲတယ်
ဘုရားသခင်က ကျီစားတယ်

ပြည့်တံဆာခေါင်းတွေက ခပ်တည်တည်နဲ့
တည်းခိုခန်းကြီးတွေ ဖွင့်တယ်
ဘုရားသခင်က ကျီစားတယ်

တိုင်းတပါးကျွန် မခံချင်လို့ တိုက်ယူခဲ့တဲ့ လွတ်လပ်ရေး
အောက်ဈေးနဲ့ရတဲ့ အလုပ်သမားအဖြစ် ဖန်ဆင်း
အိမ်နီးချင်းနိုင်ငံတွေမှာ အော်ရောင်းတယ်
ဘုရားသခင်က ကျီစားတယ်

ဒီမိုကရေစီ ကိုမယုံကြည်သူတွေ ကိုယ်တိုင်က
ဒီမိုကရေစီတရားတွေ ပို့ချတယ်..
ဘုရားသခင်က ကျီစားတယ်

စာသင်ကျောင်းလေးတွေရဲ့ ဈေးတန်းလေး
ဆရာတွေ ဆရာမတွေ ၀င်ရောင်းတယ်.
ဘုရားသခင်က ကျီစားတယ်

ဗိုလ်ချူပ်တွေ ပေါပြီး
အကြွေရှားခြင်းနဲ့ ကောက်ညှင်းထုပ်သည်လေးကို
ဘုရားသခင်က ကျီစားတယ်။

ခုကဗျာကို ၇ ရက်အတွင်း ဘယ်သူမှ မပြပါနှင့်
ရက် အတွင်း ဖြန့်ဝေခဲ့သော်
ကဗျာရေးသူကို
ဘုရားသခင်က ကျီစားမည်။

ဘုရားသခင်ကတော့
ဘုရားသခင်ကို ဘယ်တုန်းကမှ ပြန် မကျီစားခဲ့လို့
ဒီည
ကျနော့်ကို ကျနော် ပြန် ကျီစားတယ်။


´